spot_img
Homeຂ່າວພາຍ​ໃນເປັນຫຍັງນັກຮຽນຕ້ອງນັ່ງຮຽນກ້ອງຮົ່ມໄມ້ ປານສະໄໝຕໍ່ສູ້ກູ້ຊາດ?

ເປັນຫຍັງນັກຮຽນຕ້ອງນັ່ງຮຽນກ້ອງຮົ່ມໄມ້ ປານສະໄໝຕໍ່ສູ້ກູ້ຊາດ?

Published on

ວັນທີ 7/2/2017 ມີຜູ້ຄົນໃນເຟສບຸກ ພາກັນແຊຮູບພາບ ຄູແລະນັກຮຽນໂຮງຮຽນແຫ່ງໜຶ່ງຢູ່ແຂວງຄຳມ່ວນ ພາກັນສອນແລະຮຽນຢູ່ກ້ອງຮົ່ມໄມ້ສັກ ຄືກັບສະໄໝສົງຄາມຕໍ່ສູ້ກູ້ຊາດ ທີ່ນອນກາງດິນ ກິນກາງຫຍ້າ ສຶກສາຮ່ຳຮຽນຕາມຮົ່ມໄມ້.

ພາຍຫຼັງທີ່ຮູບພາບການນັ່ງຮຽນກ້ອງຮົ່ມໄມ້ ຂອງນັກຮຽນບ້ານດົງໃຕ້ ເມືອງທ່າແຂກ ແຂວງຄຳມ່ວນ ຖືກແຊຜ່ານເຟສບຸກຢ່າງກວ້າງຂວາງ ທີມຂ່າວລາວໂພສພວກເຮົາໄດ້ພະຍາຍາມ ຕິດຕໍ່ສອບຖາມໄປຍັງພາກສ່ວນທີ່ກ່ຽວຂ້ອງແລ້ວ ໄດ້ຄຳຕອບມາວ່າ ການຮຽນກ້ອງຮົ່ມໄມ້ເປັນໄລຍະຊົ່ວຄາວ ເພື່ອປັບປຸງຫ້ອງຮຽນຊື່ໆ ຫຼັງຈາກສ້ອມແປງແລ້ວກໍຈະຍ້າຍເຂົ້າຮຽນໃນຫ້ອງຮຽນຄືນ.

ຍາທ່ານ ວັນເພັງ ໄຊຍະສານ ຮອງປະທານ ອພສ ແຂວງຄຳມ່ວນ ໄດ້ໃຫ້ສຳພາດແກ່ນັກຂ່າວພວກເຮົາວ່າ ທີ່ຜ່ານມາບ້ານດົງໃຕ້ມີໂຮງຮຽນຖາວອນ 2 ຫຼັງສຳລັບຊັ້ນປະຖົມ ເຊິ່ງເປັນການຊ່ວຍເຫຼືອຈາກ ບໍລິສັດຈີນ ທີ່ເຂົ້າມາຂຸດຄົ້ນເກືອກາລີ. ແຕ່ສຳລັບຊັ້ນມັດທະຍົມ (ມ1 – ມ7) ແມ່ນຍັງເປັນໂຮງຮຽນຝາກະແຕະເກົ່າ ພຸພັງ ແລະຜ່ານມາທາງອຳນາດການປົກຄອງບ້ານກໍສາມາດສ້າງໂຮງຮຽນ ທີ່ເປັນບ່ອນຮຽນຂອງຊັ້ນມັດທະຍົມໄດ້ພຽງ ເສົາກັບຫຼັງຄາ. ດັ່ງນັ້ນ, ທາງຍາທ່ານ ວັນເພັງ ກໍຄືຄະນະ ອພສ ແຂວງຄຳມ່ວນ ເພິ່ນຄິດອິຕົນເດັກນ້ອຍນັກຮຽນ ຜູ້ເປັນອະນາຄົດຂອງຊາດ ຈຶ່ງໄດ້ປຸກລະດົມຂົນຂວາຍທຶນຮອນຈາກ ສັງຄົມເຂົ້າໄປຊ່ວຍເຫຼືອ ໃນການປູພື້ນແລະກໍ່ຝາ ເຊິ່ງມາຮອດມື້ນີ້ ວັນທີ 8 ກຸມພາ 2017 ວັດສະດຸການກໍ່ສ້າງຍັງບໍ່ພຽງພໍ ເປັນຕົ້ນແມ່ນດິນບັອກຍັງບໍ່ພໍຫຼາຍກວ່າ 5,000 ກ້ອນ.

ດັ່ງນັ້ນ, ຖ້າທ່ານໃດມີແຮງສັດທາຢາກສ້າງບຸນກຸສົນ ສ້າງອະນາຄົດຂອງຊາດ ສ້າງປັນຍາແກ່ເຍົາວະຊົນຂອງຊາດ ກໍສາມາດຕິດຕໍ່ຫາຍາທ່ານວັນເພັງໄດ້ທີ່ເບີ 02055451034

16427228_1658379191131980_565997525284635687_n 16427485_1658379164465316_726899218990120630_n 16507922_1658379134465319_8428637734286015235_n 16508282_1658379264465306_1518333037928430527_n

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...