spot_img
Homeຂ່າວເຫດການພິທີເປີດງານມະຫາກຳກິລາ ນັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຢ່າງເປັນທາງການ ທີ່ແຂວງບໍລິຄຳໄຊ

ພິທີເປີດງານມະຫາກຳກິລາ ນັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຢ່າງເປັນທາງການ ທີ່ແຂວງບໍລິຄຳໄຊ

Published on

​ ງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຫຼື “ນົກກົກຄຳ ເກມ 2017” ທີ່ ແຂວງບໍລິຄຳໄຊ ເປັນເຈົ້າພາບ ໄດ້ເປີດສາກຂຶ້ນຢ່າງເປັນທາງການແລ້ວ ໃນຕອນແລງຂອງວັນທີ 1 ກຸມພາ 2017 ຜ່ານມາ ທີ່ສະໜາມກິລາໂຮງຮຽນມັດທະຍົມສົມບູນ ສີທ່ານາໄຊ ເມືອງປາກຊັນ ແຂວງບໍລິຄຳໄຊ, ໂດຍໃຫ້ກຽດກ່າວເປີດງານຂອງພະນະທ່ານ ທອງລຸນ ສີລຸລິດ ກຳມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວ, ມີທ່ານ ນາງ ແສງເດືອນ ຫຼ້າຈັນທະບູນ ກຳມະການສູນກາງພັກ ລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍບັນດາການນຳພັກ-ລັດຂັ້ນສູນກາງ, ລັດຖະມົນຕີ, ເຈົ້າແຂວງ, ຮອງລັດຖະມົນຕີ, ຮອງເຈົ້າແຂວງ, ຄະນະຮັບຜິດຊອບຈັດງານ, ຄະນະນໍານັກກິລາ, ນັກກິລາທົ່ວປະເທດ ແລະ ບັນດາແຂກທີ່ຖືກເຊີນເຂົ້າຮ່ວມ 5 ພັນກວ່າຄົນເຂົ້າຮ່ວມ.

ກິລາາາາາ

ກິລາາ
ໃນພິທີດັ່ງກ່າວ, ໄດ້ມີຈັດການສະແດງສິລະປະ-ວັດທະນະທຳ ພ້ອມແສງ-ສີ-ສຽງ ຢ່າງອະລັງການບໍ່ໜ້ອຍໜ້າກວ່າ ງານມະຫາກຳກິລາແຫ່ງຊາດ ໂດຍເລີ່ມຈາກຂະບວນສວນສະໜາມກ້ອນກຳລັງຂອງນັກກິລາແຕ່ລະແຂວງ ກ່ອນທ່ານ ປອ. ກອງແກ້ວ ໄຊສົງຄາມ ກຳມະການສູນກາງພັກ ເຈົ້າແຂວງບໍລິຄຳໄຊ ປະທານຈັດງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ໄດ້ກ່າວຕ້ອນຮັບແຂກບ້ານແຂກເມືອງ ແລະ ລາຍງານການກະກຽມຈັດການແຂ່ງຂັນ.

ກິລາາາາ
ນອກຈາກນີ້, ກໍ່ໄດ້ມີການສະແດງ ສິລະປະ-ວັດທະນະທໍາ 4 ລາຍການ ຄື: ລາຍການທີ 1 ບົດຟ້ອນ “ບໍລິຄຳໄຊ ຍິນດີຕ້ອນຮັບ” ສະແດງໂດຍນ້ອງນັກຮຽນ ຈຳນວນ 210 ນ້ອງຈາກໂຮງຮຽນ ມສ ປາກງຽບ; ລາຍການທີ 2 ແມ່ນ ຫັດກາຍປະກອບສຽງເພງ “ບໍລິຄຳໄຊ ເຍົາວະຊົນຍຸກໃໝ່ໃສ່ໃຈການຫຼິ້ນກິລາ ເພື່ອຄວາມສາມັກຄີ” ນຳສະແດງໂດຍນ້ອງນັກຮຽນ ຈຳນວນ 210 ຄົນ ຈາກໂຮງຮຽນ ມຕ ໂພສີ; ລາຍການທີ 3 ແມ່ນບົດຟ້ອນ “ແພລາວເຜົ່າເມີ້ຍ” ທີ່ສະແດງເຖິງສິລະປະ-ວັດທະນະທຳຂອງແຂວງ, ວິຖີຊີວິດ, ຄວາມດຸໝັ່ນຂະຫຍັນໝັ່ນພຽນຂອງຊາວເຜົ່າເມີ້ຍ ແລະ ເຜົ່າມົ້ງ ທີ່ສະແດງໂດຍນ້ອງນັກຮຽນ ຈຳນວນ 210 ຄົນ ຈາກໂຮງຮຽນ ມປ ປາກຊັນ, ລາຍການທີ 4 ແມ່ນບົດຟ້ອນ “ກິລາຄືພະລັງຂອງການສຶກສາ” ທີ່ສະແດງເຖິງການຫຼິ້ນກິລາ, ການອອກກຳລັງກາຍ ແລະ ການເຄື່ອນໄຫວຮ່າງກາຍ ເຊິ່ງເປັນ 1 ໃນ 5 ຫຼັກມູນຂອງການສຶກສາ ເພື່ອພັດທະນາຊັບພະຍາກອນມະນຸດ ນຳສະແດງໂດຍນ້ອງນັກຮຽນ ຈຳນວນ 630 ຄົນ ຈາກໂຮງຮຽນ ມສ ປາກງຽບ, ມສ ໂພສີ ແລະ ມສ ປາກຊັນ.
ໂອກາດດັ່ງກ່າວ, ພະນະທ່ານນາຍົກລັດຖະມົນຕີແຫ່ງ ສປປ ລາວ ກໍ່ສະແດງຄວາມຊົມເຊີຍ ກະຊວງສຶກສາທິການ ແລະ ກິລາ ແລະ ແຂວງບໍລິຄຳໄຊ ທີ່ໄດ້ມີຄວາມບຸກບືນ ຜ່ານຜ່າຄວາມຫຍຸ່ງຍາກ ສຸມສະຕິປັນຍາເຫື່ອແຮງ ແລະ ກະກຽມທຸກເງື່ອນໄຂທາງດ້ານວັດຖຸ ແລະ ຈິດໃຈ ຈົນເຮັດໃຫ້ງານແຂ່ງຂັນໄດ້ໄຂຂຶ້ນຢ່າງສະຫງ່າຜ່າເຜີຍ ແລະ ຄຶກຄືນມ່ວນຊື່ນ ໃນທ່າມກາງທີ່ທົ່ວພັກ, ທົ່ວກອງທັບ ແລະ ປວງຊົນລາວທັງຊາດພວມເບີກບານມວນຊື່ນ ຈັດຕັ້ງຜັນຂະຫຍາຍຜົນສຳເລັດກອງປະຊຸມໃຫຍ່ ຄັ້ງທີ 10 ຂອງພັກປະຊາຊົນປະຕິວັດລາວ. ນອກຈາກນັ້ນ, ຍັງເຮັດໃຫ້ຄົນຮຸ່ນໃໝ່ມີການພັດທະນາທາງດ້ານຮ່າງກາຍ ແລະ ສະຕິປັນຍາ, ເຝິກໃຫ້ນັກຮຽນມີສະຕິຕໍ່ການຈັດຕັ້ງ, ມີລະບຽບວິໄນ, ມີຄວາມສາມັກຄີ-ມິດຕະພາບ ແລະ ມີສຸຂະພາບແຂງແຮງ, ນຳໃຊ້ເວລາຫວ່າງໃຫ້ມີປະໂຫຍດ ຫ່າງໄກຈາກສິ່ງເສບຕິດ -ອະບາຍຍະມຸກຕ່າງໆ ແລະ ທີ່ສຳຄັນແມ່ນການສ້າງພື້ນຖານໃຫ້ແກ່ນັກກິລາວເຕີບໃຫຍ່ເຂັ້ມແຂງຂຶ້ນໄປເລື້ອຍໆ. ຫຼັງຈາກນັ້ນ, ພະນະທ່ານນາຍົກລັດຖໂະມົນຕີ ກໍ່ໄດ້ກ່າວປາໄສ ແລະ ລັ່ນຄ້ອງ 9 ບາດ ເປີດງານຢ່າງເປັນທາງການ.

ກິລາາາ
ສຳລັບງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຫຼື “ນົກກົກຄຳ ເກມ 2017” ຈະທຳການແຂ່ງຂັນກັນ 12 ປະເພດກິລາ ຄື: ກິລາແລ່ນ-ລານ, ເຕະບານ, ບານບ້ວງ, ບານສົ່ງ, ກະຕໍ້, ດອກປີກໄກ່, ປິ່ງປ່ອງ, ເປຕັງ, ໝາກຂ່າງ, ໜ້າເກັກ, ເທຄວັນໂດ ແລະ ກິລາໝາກເສິກ. ໂດຍມີການຊີງໄຊກັນທັງໝົດ 126 ຫຼຽນຄຳ, 126 ຫຼຽນເງິນ ແລະ 176 ຫຼຽນທອງ, ມີຄະນະນຳ, ຄູເຝິກແລະ ນັກກິລາ ເຂົ້າຮ່ວມແຂ່ງຂັນ 3 ພັນກວ່າຄົນ ແລະ ຈະທຳການແຂ່ງຂັນກັນຮອດວັນທີ 9 ກຸມພາ 2017, ເຊິ່ງໃຊ້ງົບປະມານ 18 ຕື້ກວ່າກີບ.

ຂ່າວ: ເກາະຕິດ “ນົກກົກຄຳ ເກມ 2017”

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...