ຊັອກວົງການບັນເທີງລາວ! ເມື່ອເຟສບຸກ ລາວສະຕຣາ ທີວີ ລາຍງານເມື່ອວັນທີ 25 ມັງກອນ 2017 ວ່າ. ທ່ານ ສຸລະເພັດ ແກ້ວວຽງຄຳ ປະທານບໍລິຫານຜູ້ກໍ່ຕັ້ງສະຖານີໂທລະພາບລາວສະຕາຣ໌ ໄດ້ອອກມາປະກາດຈີ້ແຈງກ່ຽວກັບຄວາມສຳພັນຂອງທາງຊ່ອງກັບ ຄົນດັງໃນວົງການບັນເທີງຂອງບ້ານເຮົາ ຢ່າງ ທ່ານ ທະນູສອນ ແກ້ວວຽງຄຳ ຫຼື ກູ້ ລາວສະຕາຣ໌ ໃຫ້ສັງຄົມໄດ້ຮັບຮູ້ທົ່ວກັນ.
ກາຍເປັນກະແສຮືຮາໃນໂລກໂຊຊຽວຂຶ້ນມາທັງທີ ຫຼັງຈາກທີ່ທາງ ເຟສບຸກ ລາວສະຕາຣ໌ ທີວີ ໄດ້ອອກມາໂພສຕ໌ ແຈ້ງການ ກ່ຽວກັບຄວາມສຳພັນຂອງທາງຊ່ອງ ກັບຄົນດັງໃນວົງການບັນເທີງຂອງບ້ານເຮົາ ຢ່າງ ທ່ານ ທະນູສອນ ແກ້ວວຽງຄຳ ຫຼື ກູ້ ລາວສະຕາຣ໌ ທີ່ຫຼາຍຄົນຮູ້ຈັກກັນດີ ວ່າເປັນບຸກຄົນທີ່ບົດບາດ ມີອິດທິພົນຫຼາຍໃນວົງການບັນເທີງບ້ານເຮົາ ວ່າ “ປັດຈຸບັນ ທ່ານ ທະນູສອນ ແກ້ວວຽງຄຳ ຫຼື ກູ້ ລາວສະຕາຣ໌ ເຊິ່ງປະຈຸບັນຜູ້ກ່ຽວບໍ່ໄດ້ປະຕິບັດໜ້າທີ່ຢູ່ໂທລະພາບລາວສະຕາຣ໌ແລ້ວ ແຕ່ມີພຽງຊວ່ຍວຽກບາງໂຄງການບາງຄັ້ງຄາວເທົ່ານັ້ນ ດັ່ງນັ້ນການເຄື່ອນໄຫວທີ່ບໍ່ໄດ້ແຕ່ງຕັ້ງ ຢ່າງເປັນທາງການຈາກທາງໂທລະພາບລາວສະຕາຣ໌ ຈະບໍ່ຢູ່ໃນຄວາມຮັບຜິດຊອບຂອງໂທລະພາບລາວສະຕາຣ໌”.
ຂ່າວນີ້ເຮັດໃຫ້ຜູ້ຄົນໃນໂລກອອນລາຍເຖິງກັບຕົກໃຈ ແລະ ມຶນງົງໄປຕາມໆກັນ ເພາະທີ່ຜ່ານຕ່າງກໍ່ເຂົ້າໃຈມາຕະຫຼອດວ່າ ກູ້ ລາວສະຕາຣ໌ ມີບົດບາດໃນຊ່ອງໂທລະພາບລາວສະຕາຣ໌ ໃນຕຳແໜ່ງ “ຮອງອຳນວຍການໂທລະ ພາບລາວສະຕາຣ໌” ຕະຫຼອດມາ ໃນການອອກມາປະກາດຄັ້ງນີ້ ໄດ້ມີຜູ້ຄົນໃຫ້ຄວາມສົນໃຈເປັນຈຳນວນຫຼາຍ ທັງແຊຣ ແລະ ເຂົ້າມາສະແດງຄວາມຄິດເຫັນໄປຕ່າງໆນານາກ່ຽວກັບສາເຫດທີ່ເຮັດໃຫ້ທາງຊ່ອງອອກມາປະກາດເລື່ອງນີ້
ທີ່ມາຈາກເຟສບຸກ: LAO STAR TV
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!