ເລື່ອງໜ້າປະທັບໃຈ ໃນຂະນະທີ່ແດນມັງກອນ ກຳລັງປະເຊີນກັບຫາຍະນະຈາກແຜ່ນດິນໄຫວຢູ່ຢູນນານ
ເມື່ອເຈົ້າໜ້າທີ່ທະຫານ ແລະ ໜ່ວຍກູ້ໄພ ຍອມກິນນ້ຳເປື້ອນ ແລ້ວເກັບນ້ຳສະອາດໄວ້ໃຫ້ຄົນເຈັບຈາກ
ເຫດແຜ່ນດິນໄຫວກິນແທນ.
ສື່ອອນລາຍຂອງຈີນລາຍງານ ວັນທີ 5 ສິງຫາ 2014 ຜ່ານມາວ່າ ເລື່ອງລາວດັ່ງກ່າວເກີດຂຶ້ນ ເມື່ອວັນຈັນ
ທີ 4 ສິງຫາ 2014 ໜຶ່ງວັນ ຫຼັງເກີດເຫີດແຜ່ນດິນໄຫວຮຸນແຮງໃນເມືອງຫລຼ່ຕ້ຽນ ຂອງແຂວງຢູນນານ
ໂດຍເຈົ້າໜ້າທີ່ກູ້ໄພ ທີ່ກຳລັງພັກຜ່ອນໃນໂຮງຮຽນປະຖົມຫລົງສວນ ຂອງບ້ານຫລົງໂຖຊານ ພື້ນທີ່ທີ່ຖືກ
ຜົນກະທົບໜັກທີ່ສຸດ ໄດ້ນຳເອົານ້ຳທີ່ປົນເປື້ອນດິນຂີ້ຕົ້ມ ຈົນກາຍເປັນສີນ້ຳຕານເຂັ້ມ ມາຕົ້ມໃຫ້ຮ້ອນ
ເພື່ອໃຊ້ໃນການຫຸງເຂົ້າ ແລະ ລວກໝີ່ເຄິ່ງສຳເລັດຮູບກິນ ພ້ອມທັງກັກຕຸນນ້ຳສະອາດທີ່ມີປະລິມານໜ້ອຍ
ໄວ້ໃຫ້ຄົນເຈັບໄດ້ດື່ມກິນແທນ.
ຫາຍະນະທີ່ເກີດຂຶ້ນໃນເມືອງຫລູ່ຕ້ຽນ ແລະ ເມືອງເຈົາທົງ ຂອງແຂວງຢູນນານ ທີ່ແຜ່ນດິນສັ່ນສະເທືອນ
ເຖິງລະດັບ 6.5 ຣິກເຕີ້ ເກີດຂຶ້ນເມື່ອວັນອາທິດທີ່ຜ່ານມາ ເຮັດໃຫ້ມີຜູ້ເສຍຊີວິດເກືອບ 600 ຄົນ ແລະ
ບາດເຈັບອີກກ່ວາ 2,400 ຄົນ, ປະຊາຊົນໃນທ້ອງຖິ່ນ ໄດ້ຮັບຜົນກະທົບຮ່ວມອີກຫຼາຍລ້ານຄົນ ເຊິ່ງນັບ
ເປັນເຫດແຜ່ນດິນໄຫວຄັ້ງຮຸນແຮງທີ່ສຸດ ໃນຮອບ 14 ປີ ຂອງແຂວງຢູນນານ.
