ຮີບຮ້ອນ ສ້າງນິຕິກຳວັດທະນະທຳມະຫາຊົນ ເພື່ອຮັບມືການບໍລິໂພກ ວັດທະນະທຳສາກົນ ແລະ ຕ້ານການຟຸມເຟືອຍ
ການຈັດງານບຸນປະເພນີ ຫລື ງານແຕ່ງດອງ ທີ່ເນັ້ນໃສ່ທຸລະກິດ, ໂດຍສະເພາະງານແຕ່ງດອງ ທີ່ຜູ້ບໍ່ມີເງິນກໍໄປຢືມມາເຮັດ ຜູ້ມີເງິນກໍຈັດແບບຍິ່ງໃຫຍ່, ປະສົບປະສານຫລາຍວັດທະນະທຳ ບາງຮີດຈັດຫລາຍມື້ຫລາຍເທື່ອ ເຊິ່ງໃນຕໍ່ໜ້າການ ຈັດງານ ບຸນປະເພນີ ຫລື ແຕ່ງດອງແບບນີ້ ຊິຈັດຕາມໃຈຕົນເອງອາດຈະບໍ່ໄດ້ແລ້ວ ເພາະກະຊວງ ຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ພວມຮີບຮ້ອນສ້າງນິຕິກຳວັດທະນະທຳມະຫາຊົນ ເພື່ອຮັບມືກັບການບໍລິໂພກ ວັດທະນະທຳສາກົນ ໄປຄວບ ຄູ່ກັບການຕ້ານປະກົດການຫຍໍ້ທໍ້ ແລະ ພຶດຕິກຳຟຸມເຟືອຍ ແບບບໍ່ເໝາະ ສົມ ເປັນຕົ້ນການຫາລາຍໄດ້ຈາກບຸນປະເພນີ, ການເຮັດທຸລະກິດງານດອງ ແລະ ອື່ນໆ.
ທ່ານ ນາງ ຈັນເພັດ ຄຳຟອງ ຫົວໜ້າກົມວັດທະນະທຳມະຫາຊົນ ກະຊວງຖະແຫລງ ຂ່າວ ວັດທະນະທຳ ແລະ ທ່ອງ ທ່ຽວ ໄດ້ເປີດເຜີຍໃຫ້ຮູ້ກ່ຽວກັບການສ້າງນິຕິກຳນີ້ວ່າ: ນິຕິກຳວັດທະນະທຳມະຫາຊົນນີ້ ລວມມີດຳລັດວ່າດ້ວຍການ ຄຸ້ມຄອງ ຮີດຄອງປະເພນີການເຮັດບຸນ, ພິທີກຳ; ດຳລັດວ່າດ້ວຍປະເພນີ ຊາປະນະກິດສົບ; ດຳລັດວ່າດ້ວຍການແຕ່ງດອງ ແລະ ດຳລັດວ່າດ້ວຍການສ້າງຄົນ, ຄອບຄົວ, ບ້ານ, ກຸ່ມບ້ານ, ກົມກອງ, ສຳນັກງານ ແລະ ເມືອງວັດທະນະທຳ. ຄາດວ່າຈະໃຫ້ສຳເລັດໃນ 6 ເດືອນຕົ້ນປີ 2017 ນີ້.
ຖ່າຍທຳ-ຕັດຕໍ່: Vong Saiyalard
ແຫລ່ງຂ່າວຈາກ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!