spot_img
Homeຂ່າວເຫດການທ່ານ ສອນໄຊ ສີພັນດອນ ຢ້ຽມຢາມເຂດພັດທະນາກວມລວມໄຊເຊດຖາ

ທ່ານ ສອນໄຊ ສີພັນດອນ ຢ້ຽມຢາມເຂດພັດທະນາກວມລວມໄຊເຊດຖາ

Published on

ໃນຕອນບ່າຍຂອງວັນທີ 10 ມັງກອນ 2017 ຜ່ານມານີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ໄປເຄື່ອນໄຫວຊຸກຍູ້ ແລະ ຢ້ຽມຢາມ ເຂດພັດທະນາກວມລວມ ໄຊເຊດຖາ ເຊິ່ງມີທ່ານຮອງເຈົ້າຄອງນະຄອນຫຼວງວຽງຈັນ, ບັນດາກົມກອງທີ່ກ່ຽວຂ້ອງ, ພະແນກການ, ຄະນະຮັບຜິດຊອບເຂດດັ່ງກ່າວ ແລະ ບັນດາຜູ້ລົງທຶນພາຍໃນເຂດ ໃຫ້ການຕ້ອນຮັບ.

ໂອກາດນີ້, ທ່ານຮອງນາຍົກລັດຖະມົນຕີ ແລະ ຄະນະ ກໍ່ໄດ້ຮັບຟັງການລາຍງານ ກ່ຽວກັບການພັດທະນາເຂດດັ່ງກ່າວ ເຊິ່ງໄດ້ຮັບການສ້າງຕັ້ງຂຶ້ນ ໃນເດືອນສິງຫາ 2011 ໂດຍແມ່ນລັດຖະບານລາວຖືຫຸ້ນ 25% ໃນເນື້ອທີ່ 1 ພັນເຮັກຕາ. ປະຈຸບັນ, ສຳເລັດການກໍ່ສ້າງພື້ນຖານໂຄງລ່າງ ເປັນຕົ້ນ ການກໍ່ສ້າງເສັ້ນທາງຍາວກວ່າ 14 ກິໂລແມັດ, ກໍ່ສ້າງສະຖານີໄຟຟ້າ 115 KV ແລະ ເຄືອຂ່າຍໄຟຟ້າ ຍາວກວ່າ 3 ກິໂລແມັດ ແລະ ການກໍ່ສ້າງທໍ່ສົ່ງນ້ຳປະປາ ພາຍໃນເຂດ, ສ່ວນການຊົດເຊີຍທີ່ດິນ ແມ່ນສຳເລັດແລ້ວ 570 ເຮັກຕາ  ຍັງເຫຼືອອີກ 369,9 ເຮັກຕາ. ສຳລັບນັກລົງທຶນ ແມ່ນໄດ້ມີການຈົດທະບຽນແລ້ວ 30 ບໍລິສັດ ມູນຄ່າກວ່າ 277 ລ້ານໂດລາສະຫະລັດ ເຊິ່ງໄດ້ເຄື່ອນໄຫວຕົວຈິງ 10 ບໍລິສັດ.

20170110_2

ໃນຕອນທ້າຍ, ທ່ານ ສອນໄຊ ສີພັນດອນ ກໍ່ໄດ້ສະແດງຄວາມຊົມເຊີຍ ຕໍ່ຄວາມບຸກບືນພະຍາຍາມ ໃນການພັດທະນາເຂດດັ່ງກ່າວ ແລະ ສາມາດດຶງດູດການລົງທຶນ ຂອງບັນດານັກທຸລະກິດ ທັງພາຍໃນ ແລະ ຕ່າງປະເທດ ມາໄດ້ຈຳນວນໜຶ່ງ. ພ້ອມນີ້,  ຍັງໄດ້ເນັ້ນໃຫ້ຄະນະຮັບຜິດຊອບ ຈົ່ງໄດ້ເອົາໃຈໃສ່ພັດທະນາເຂດແຫ່ງນີ້ ໄປຕາມເນື້ອໃນ ທີ່ການນຳຂອງສອງພັກ-ສອງລັດ ລາວ-ຈີນ ໄດ້ຕົກລົງກັນ, ໃຫ້ພະຍາຍາມຂຸດຄົ້ນທ່າແຮງບົ່ມຊ້ອນທີ່ມີຢູ່ພາຍໃນເຂດພັດທະນາ, ເອົາໃຈໃສ່ກໍ່ສ້າງບັນດາສາທາລະນູປະໂພກ ເປັນຕົ້ນ ໂຮງຮຽນ, ໂຮງໝໍ ແລະ ສະໜາມກີລາ ທີ່ໄດ້ຄຸນນະພາບ ແລະ ມາດຕະຖານ ເພື່ອບໍລິການແກ່ພໍ່ແມ່ປະຊາຊົນທີ່ຢູ່ອ້ອມຂ້າງ ແລະ ເຂດຕົວເມືອງໃກ້ຄຽງ, ເອົາໃຈໃສ່ໂຄສະນາປະຊາສຳພັນ ຜ່ານສື່ຕ່າງໆ ແລະ ສຶກສາອົບຮົມ ການເມືອງແນວຄິດ ເພື່ອໃຫ້ມວນຊົນເຂົ້າໃຈ ແລະ ເຂົ້າຮ່ວມການພັດທະນາເຂດດັ່ງກ່າວ ຢ່າງຈິງຈັງ.

ແຫຼ່ງຂ່າວ: ກົມປະຊາສຳພັນ ຫສນຍ

ບົດຄວາມຫຼ້າສຸດ

ມຽນມາສັງເວີຍຊີວິດຢ່າງນ້ອຍ 113 ຄົນ ຈາກໄພພິບັດນ້ຳຖ້ວມ ແລະ ດິນຖະຫຼົ່ມ

ສຳນັກຂ່າວຕ່າງປະເທດລາຍງານໃນວັນທີ 16 ກັນຍາ 2024 ນີ້ວ່າ: ຈຳນວນຜູ້ເສຍຊີວິດຈາກເຫດການນ້ຳຖ້ວມ ແລະ ດິນຖະຫຼົ່ມໃນມຽນມາເພີ່ມຂຶ້ນຢ່າງນ້ອຍ 113 ຊີວິດ ຜູ້ສູນຫາຍອີກ 64 ຄົນ ແລະ...

ໂດໂດ ທຣຳ ຖືກລອບສັງຫານຄັ້ງທີ 2

ສຳນັກຂ່າວຕ່າງປະເທດລາຍງານໃນວັນທີ 16 ກັນຍາ 2024 ຜ່ານມາ, ເກີດເຫດລະທຶກຂວັນເມື່ອ ໂດໂນ ທຣຳ ອະດີດປະທານາທິບໍດີສະຫະລັດອາເມລິກາ ຖືກລອບຍິງເປັນຄັ້ງທີ 2 ໃນຮອບ 2 ເດືອນ...

ແຈ້ງການຫ້າມການສັນຈອນ ໃນບາງເສັ້ນທາງສໍາຄັນຊົ່ວຄາວ ຂອງລົດບັນທຸກ ຫີນ, ແຮ່, ຊາຍ ແລະ ດິນ

ພະແນກ ໂຍທາທິການ ແລະ ຂົນສົ່ງ ອອກແຈ້ງການຫ້າມການສັນຈອນ ໃນບາງເສັ້ນທາງສໍາຄັນຊົ່ວຄາວ ຂອງລົດບັນທຸກ ຫີນ, ແຮ່, ຊາຍ ແລະ ດິນ ໃນການອໍານວຍຄວາມສະດວກ ໃຫ້ແກ່ກອງປະຊຸມ...

ແຈ້ງການກຽມຮັບມືກັບສະພາບໄພນໍ້າຖ້ວມ ທີ່ອາດຈະເກີດຂຶ້ນພາຍໃນແຂວງຄໍາມ່ວນ

ແຂວງຄຳມ່ວນອອກແຈ້ງການ ເຖິງບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ກ່ຽວກັບການກະກຽມຮັບມືກັບສະພາບໄພນໍ້າຖ້ວມ ທີ່ອາດຈະເກີດຂຶ້ນພາຍໃນແຂວງຄໍາມ່ວນ. ແຂວງຄໍາມ່ວນ ແຈ້ງການມາຍັງ ບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ໂດຍສະເພາະແມ່ນບັນດາເມືອງ ແລະ...