ຖົ່ວຂຽວ ເປັນທັນຍາພືດເມັດນ້ອຍ ທີ່ເຮົາຮູ້ຈັກກັນດີ ສາມາດເອົາມາປະກອບເຮັດອາຫານໄດ້ຫຼາຍຊະນິດ ທັງອາຫານຄາວ ຫວານ ທີ່ມີປະໂຫຍດກັບຮ່າງກາຍຫຼາຍຢ່າງດັ່ງນີ້:
- ຫຼຸດລະດັບຄໍເລດເຕີລໍໃນເລືອດ: ເພາະຖົ່ວຂຽວມີໄຂມັນໜ້ອຍ ແລະບໍ່ມີຄໍເລດເຕີລໍ ເຊິ່ງເປັນບັນຫາຂອງພະຍາດຕຸ້ຍ, ພະຍາດຫົວໃຈ ແລະຫຼອດເລືອດ ການກິນຖົ່ວຂຽວນັ້ນສາມາດຫຼຸດລະດັບຄໍເລດເຕີລໍ ແລະຊ່ວຍຢັບຢັ້ງພາວະອອກຊິເດຊັ່ນຂອງໄຂມັນທີ່ຈະທຳລາຍຫຼອດເລືອດໄດ້
- ມີໃຍອາຫານສູງ: ຖົ່ວຂຽວເປັນທັນຍາພືດທີ່ອຸດົມດ້ວຍໃຍອາຫານສູງ ເຊິ່ງຊ່ວຍຄວບຄຸມລະດັບໄຂມັນໃນເລືອດ, ຊ່ວຍກະຕຸ້ນການເຮັດວຽກຂອງລະບົບຂັບຖ່າຍ ເໝາະສຳລັບຄົນທີ່ມີບັນຫາເລື່ອງລະບົບຂັບຖ່າຍ
- ປ້ອງກັນພາວະການຕິດເຊື້ອ: ປະລິມານສານຕ້ານອະນຸມູນອິດສະລະໃນຖົ່ວຂຽວມີຫຼາຍ ຈຶ່ງເຮັດໃຫ້ຖົ່ວຂຽວມີລິດໃນການປ້ອງກັນການຕິດເຊື້ອ ແລະອັກເສບພາຍໃນຮ່າງກາຍ
- ຄວບຄຸມລະດັບນໍ້າຕານໃນເລືອດ: ຖົ່ວຂຽວເປັນອາຫານທີ່ມີລະດັບນໍ້າຕານໃນເລືອດຕໍ່າ ເມື່ອກິນແລ້ວກໍຈະບໍ່ມີປະລິມານໃນນໍ້າຕານເພີ່ມຂຶ້ນ ເຊິ່ງດີຕໍ່ຄົນທີີຄວບຄຸມນໍ້າຕານໃນເລືອດ ແລະຍັງຊ່ວຍປ້ອງກັນພະຍາດເບົາຫວານໄດ້ອີກ
- ດີຕໍ່ແມ່ຍິງຖືພາ: ເພາະໃນຖົ່ວຂຽວມີ ໂຟເລດ ສານທີ່ສຳຄັນຕໍ່ການສັງເຄາະ ດີເອັນເອ ແລະການຈະເລີນເຕີບໂຕຂອງເຊວ ແລະເນື້ອເຍື່ອໃນຮ່າງກາຍ ແລະຍັງຄວບຄຸມການເຮັດວຽກຂອງສະໝອງ
- ປ້ອງກັນພາວະເລືອດຈາງ: ເພາະມີທາດເຫຼັກ ທີ່ຈຳເປັນສຳລັບການສ້າງເມັດເລືອດແດງ ສາມາດກິນເພື່ອເພີ່ມທາດເຫຼັກກັບອາຫານອື່ນໆ ໃຫ້ກັບຮ່າງກາຍ
- ປ້ອງກັນມະເຮັງ: ເພາະມີລະດັບໂພລີຟີນອລ ແລະໂອລິໂກແຊັກຄາໄຣ ທີ່ຊ່ວຍຢັບຢັ້ງການເຕີບໂຕຂອງເຊວມະເຮັງ ແລະປ້ອງກັນບໍ່ໃຫ້ເກີດເນື້ອບໍ່ດີກັບຮ່າງກາຍ ແລະສານຕ້ານອະນຸມູນອິດສະລະຍັງປ້ອງກັນບໍ່ໃຫ້ເຊວຖືກທຳລາຍກາຍເປັນເຊວມະເຮັງ
- ຢັບຢັ້ງການແກ່ກ່ອນໄວ: ເພາະມີແຮ່ທາດ ແລະວິຕາມິນຫຼາຍ ມີສ່ວນຊ່ວຍບຳລຸງສຸຂະພາບ ແລະບຳລຸງຜົມໃຫ້ແຂງແຮງບໍ່ຫຼົ່ນ
- ຫຼຸດອາການກ່ອນມີປະຈຳເດືອນ: ເພາະມີວິຕາມິນບີ6, ວິຕາມິນບີ ແລະໂຟເລດ ເປັນສານອາຫານທີ່ຊ່ວຍຄວບຄຸມບໍ່ໃຫ້ໂຮໂມນປັ່ນປ່ວນ ທີ່ເປັນສາເຫດຂອງການເປັນກ່ອນມີປະຈຳເດືອນ
- ຊ່ວຍບຳລຸງແຂ້ວ ແລະກະດູກ: ເພາະມີແຄວຊຽມ ແລະຟອສຟໍຣັດ ທີ່ຊ່ວຍບຳລຸງແຂ້ວ ແລະກະດູກໃຫ້ແຂງແຂງແຮງ
ຕິດຕາມນານາສາລະ ກົດໄລຄ໌ເລີຍ!