ບັນເທີງດາລາ ກັບ ລາວໂພສຕ໌ ມື້ນີ້ແອັດມິນຈະພາທຸກຄົນມາຊົມພາບບັນຍາກາດ ການເຮັດພິທີຄອບ ຮູບເງົາ ຫົງຫາມເຕົ່າ ເຊິ່ງໄດ້ຈັດຂຶ້ນໃນຊ່ວງເວລາ 8:00 ໂມງເຊົ້າ, ຂອງວັນທີ 8 ມັງກອນ 2017 ທີ່ຜ່ານມາ ທີ່ຮ້ານອາຫານ ຮ້າດເໝດ ສາຂາ 2 ເຊິ່ງໃນພິທີໄດ້ຈັດກັນຢ່າງອົບອຸ່ນເປັນກັນເອງ ເຊິ່ງງານນີ້ນຳທີມໂດຍ ຜູ້ກຳກັບສາຍຮາ ຄົນເກັ່ງຢ່າງ ເຈ້ຍ ປາຊີຟິກ ແລະ ພັນລະຍາຄົນງາມຂອງເພິ່ນນັ້ນເອງ
ສ່ວນທາງນັກສະແດງກໍ່ນຳທີມໂດຍພະເອກ-ນາງເອກ ຢ່າງ ວິນລີ້, ລູກນ້ຳ, ບາບີ້, ບັອບບີ ພ້ອມດ້ວຍນັກສົມທົບ ແລະ ທີມງານອີກຫຼາຍຊີວິດ ທາງທີມງານບັນເທີງລາວໂພສຕ໌ ກໍ່ຂໍເປັນກຳລັງໃຈໃຫ້ ຮູບເງົາ ຫົງຫາມເຕົ່າ ປະສົບຄວາມສຳເລັດສ້າງລາຍຮັບ ທະລຸ 1,000 ລ້ານໄປເລີຍ, ສຳລັບແຟນໆຂອງ ເຈ້ຍ ປາຊີຟິກ ທີ່ລໍຊົມຜົນງານຮູບເງົາເລື່ອງນີ້ກໍ່ໃຫ້ອົດໃຈລໍຖ້າໄປກ່ອນ ຖ້າຫາກມີຂ່າວການເຄື່ອນໄຫວ້ພີ່ມເຕີມດຽວແອັດມິນຈະນຳມາແຈ້ງໃຫ້ຮູ້ອີກຄັ້ງໜຶ່ງ ແຕ່ຕອນນີ້ເຮົາມາເບິ່ງພາບບັນຍາກາດ ພິທີຄອບ ຮູບເງົາ ຫົງຫາມເຕົ່າ ກັນດີກວ່າ
ຂໍ້ມູນ ແລະ ຮູບພາບປະກອບຈາກ: Jear Pacific
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!