Homeຂ່າວການພັດທະນາລັດ ຈະສູ້ຊົນໃຫ້ບັນລຸຄາດໝາຍ ຫລາຍດ້ານ ພາຍໃນປີ 2017

ລັດ ຈະສູ້ຊົນໃຫ້ບັນລຸຄາດໝາຍ ຫລາຍດ້ານ ພາຍໃນປີ 2017

Published on

ລັດຖະບານ​ລາວ​​ໄດ້​​ເປີ​ດ​ເຜີຍ ແຜນ​ພັດທະນາ​ເສດຖະກິດ-​ສັງຄົມ ປະຈຳ​ປີ 2017 ​ນີ້ວ່າ ຈະ​ສູ້​ຊົນບຸກບືນ​ເຮັດ​ໃຫ້ສຳ​ເລັດບັນດາ​ຄາດໝາຍ ​ທາງ​ດ້ານ​ສັງຄົມຄື : ອັດຕາ​ເຂົ້າຮຽນ​ຂອງ​ເດັກ​ອາຍຸ 5 ປີ ​ໃຫ້​ໄດ້ 74 % , ຫລຸດຜ່ອນ​ອັດຕາ​ປະລະ​ການ​ຮຽນ ​ນັກຮຽນ​ປໍ 1 ​ໃຫ້​ຢູ່​ໃນ​ລະດັບ 7% ​, ອັດຕາ​ປະລະ​ການ​ຮຽນ​ຂອງ​ນັກຮຽນ ​ຊັ້ນປະຖົມ ​ໃຫ້​ຢູ່​ໃນ​ລະດັບ 4% , ​ເພີ່ມ​ອັດຕາ​ເຂົ້າຮຽນ​ລວມຊັ້ນມັດທະຍົມ ​ຕອນ​ຕົ້ນຈາກ 82% ​ເປັນ 85% , ຫລຸດຜ່ອນ​ອັດຕາ​ປະລະ​ການ​ຮຽນ​ ໃນ​ຊັ້ນມັດທະຍົມ​ຕົ້ນ​ໃຫ້​ຢູ່​ ໃນ​ລະດັບ ປະມານ 6% , ອັດຕາ​ເດັກນ້ອຍ​ລຸ່ມ 5 ປີ ທີ່​ມີນ້ຳໜັກ​ຕ່ຳ​ກວ່າ​ມາດຖານ​ ​ໃຫ້​ຫລຸດ​ລົງ​ຍັງ​ເຫລືອ 23,1 % , ອັດຕາ​ເດັກ​ນ້ອຍ​ລຸ່ມ 5 ປີ​ທີ່​ເຕ້ຍ (ຂາດ​ສານ​ອາຫານ​ຊ້ຳ​ເຮື້ອ) ​ໃຫ້ຍັງ​ເຫລືອເກືອບ 38% , ອັດຕາ​ການ​ຕາຍ​ຂອງ​ເດັກນ້ອຍ​ລຸ່ມ 1 ປີ ຍັງ​ເຫລືອ 46,9 ຕໍ່​ເດັກ​ເກີດ​ມີ​ຊີວິດ 1 ພັນ​ຄົນ ​ແລະ ອັດຕາ​ການ​ຕາຍ​ຂອງ​ເດັກ​ນ້ອຍ ລຸ່ມ 5 ປີ ຍັງ​ເຫລືອ 54,7 ຕໍ່​ເດັກ​ເກີດ​ມີ​ຊີວິດ 1 ພັນ​ຄົນ.

ທ່ານ ຄຳ​ລຽນ ພົນ​ເສນາ ຮອງ​ລັດຖະມົນຕີ​ ກະຊວງ​ແຜນການ ​ແລະ ການ​ລົງທຶນ ລາຍ​ງານ​ຫວ່າງ​ບໍ່​ດົນ​ນີ້​ວ່າ: ​ເພື່ອ​​ໃຫ້ບັນລຸ​ຕາມບັນດາ​ຄາດໝາຍ ​ທີ່ກ່າວ​ນັ້ນ ຈະ​ຕ້ອງ​ໄດ້​ເອົາ​ໃຈ​ໃສ່​ປັບປຸງ​ ການ​ສະໜອງ​ການ​ສຶກສາກ່ອນ​ໄວຮຽນ​ ໃຫ້​ມີ​ຄຸນ​ນະພາ​ບ ​​ໂດຍ​ການ​ຂະຫຍາຍ​ຫ້ອງ​ກຽມ​ປະຖົມ ​ໃຫ້​ກວ້າງຂວາງ , ພ້ອມ​ບຳລຸງ ​ແລະ ຍົກ​ລະດັບ​ຄູ​ສອນ , ຜູ້​ລ້ຽງ​ເດັກ , ສືບ​ຕໍ່​ປັບປຸງ​ຄຸນ​ນະພາ​ບ ການ​ຮຽນ​ການ​ສອນຢູ່​ຊັ້ນປະຖົມ​ສຶກສາ ​ໂດຍ​ສະ​ເພາະ ປັບປຸງ​ຫລັກສູດ​ບາງ​ວິຊາ ​ແລະ ປັບປຸງ​ວິທີ​ການ​ສອນ​ພາສາ​ລາວ – ຄະນິດສາດ , ສະໜອງ​ອຸປະກອນ ​ຮັບ​​ໃຊ້​ການ​ຮຽນ – ການ​ສອນ ​ແລະ ປື້​ມ​ແບບ​ຮຽນ​ໃຫ້​ບັນດາ​ໂຮງຮຽນ​ປະຖົມ – ມັດທະຍົມ​ໃນທົ່ວ​ປະ​ເທດ , ສົ່ງ​ເສີມ​ການ​ສອນ​ວິຊາ​ຊີບ ​ຂັ້ນພື້ນຖານ , ວິຊາ​ໄອ​ທີ  ​ແລະ ພາສາ​ອັງກິດ​ ໃນ​ຊັ້ນມັດ​ທະ​ຍົມສຶກສາ​ໃຫ້​ກວ້າງຂວາງ  ກໍ​ຄື ປັບປຸງ​ຄຸນ​ນະພາ​ບຂອງ​ຕາໜ່າງບໍລິການ ນຳ​ໃຊ້​ອຸປະກອນ ​ແລະ ​ເທັກ​ໂນ​​ໂລ​ຊີທັນ​ສະ​ໄໝ ຂອງ​ສະຖານ​ທີ່​ບໍລິການ​ທຸກ​ລະດັບ ​ຢ່າງ​​ເປັນ​ລະບົບ (​ເອກະ​ຊົນ) , ສຸມ​ໃສ່​ພັດ​ທະນາ​ຄຸນ​ນະ ພາ​ບຂອງ​ພະນັກງາ​ນ ​ໃຫ້​ໄດ້​ມາດຖານ ຕາມ​ຍຸດ​ທະ​ສາດ​ ໃນ​ແຕ່ລະ​ຂັ້ນ ດ້ວຍ​ການ​ອົບຮົມ ບຳລຸງ​ ຍົກ​ລະດັບ ແຕ່​ລະ​ດ້ານ ​ໃຫ້​ມີ​ຄຸນ​ນະພາ​ບສູງ ; ສ້າງ​ຄວາມ​ສາມາດ​ແກ້​ໄຂ​ ສາຍ​ເຫດ ​ເພື່ອ​ຫລຸດຜ່ອນ​ການ​ຕາຍ ​ຂອງ​ແມ່-​ເດັກ ​ແລະ ປ້ອງ​ກັນ​ການ​ຂາດ​ສານ​ອາຫານ ຢ່າງ​ມີ​ປະສິຕິ​ຜົນ.

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...