ເປີດປະຫວັດສາດໜ້າໃໝ່ແຫ່ງວົງການບານລາວ ໃນການແຂ່ງຂັນລາຍການ Toyota Mekong Club Championship 2016 ຮອບຊິງຊະນະເລີດ ເຊິ່ງເປັນການເປີດບ້ານຕ້ອນຮັບ ທີມແຊັມເກົ່າຂອງລາຍການ ຢ່າງ ສະໂມສອນ ບູລີລຳ ຢູໄນເຕັດ ງານນີ້ ທີມສະໂມສອນ ລ້ານຊ້າງ ຢູໄນເຕັດ ຟິດເຕັມທີ່ທັງກຳລັງກາຍ ແລະ ກຳລັງໃຈ ເມື່ອໄດ້ຮັບກຳລັງໃຈຈາກແຟນບານລາວທົ່ວປະເທດທີ່ສົ່ງໃຫ້ ໃນທີ່ສຸດກໍ່ບໍ່ເຮັດໃຫ້ແຟນບານຊາວລາວທັງປະເທດຜິດຫວັງ ໂດຍ ທັບຊ້າງສານ ສາມາດເອົາຊະນະ ທີມ ສະໂມສອນ ບູລີລຳ ຢູໄນເຕັດ ຄາບ້ານ 1-0
ການແຂ່ງຂັນດຳເນີນໄປຢ່າງດຸເດືອດ ຕະຫຼອດ 90 ນາທີ ເຄິ່ງເວລາທຳອິດ ທີມຊ້າງສານກໍ່ສາມາດເຮັດປະຕູຂຶ້ນນຳໄປກ່ອນ ໂດຍການຍິງຂອງ ຄຳແພງ ໃນນາທີທີ 16 ເມື່ອຮອດເຄິ່ງຫຼັງ ທີມສະໂມສອນ ບູລີລຳ ຢູໄນເຕັດ ເປີດເກມບຸກເຕັມທີ່ ພະຍາຍາມຫວັງເອົາປະຕູ ການແຂ່ງຂັນໄດ້ທົດເວລາອອກໄປຕື່ມອີກ 4 ນາທີ ແຕ່ ທີມສະໂມສອນ ບູລີລຳ ຢູໄນເຕັດ ກໍ່ບໍ່ສາມາດເຮັດປະຕູຕີສະເໝີໄດ້ ເມື່ອຈົບເວລາການແຂ່ງຂັນ ທີມສະໂມສອນ ລ້ານຊ້າງ ຢູໄນເຕັດ ເອົາຊະນະໄປຢ່າງວຸດວິດ 1-0
ແຕ່ຍັງບໍ່ຈົບພຽງເທົ່ານີ້ ແຟນບານຊາວລາວຍັງຕ້ອງສົ່ງແຮງໃຈໄປເຊຍ ທັບຊ້າງສານອີກໃນນັດຕໍ່ໄປ ນັດສຸດທ້າຍຂອງລາຍການ ເຊິ່ງນັດໜ້າທາງ ເຊິ່ງທັບຊ້າງສານ ຈະເປັນຝ່າຍໄປບຸກ ສະໂມສອນ ບູລີລຳ ຢູໄນເຕັດ ໃນວັນທີ 8 ມັງກອນ 2017
ຕິດຕາມຂ່າວເສດຖະກິດລາວ ກົດໄລຄ໌ເລີຍ!