spot_img
Homeສຸຂະພາບ ແລະ ສີ່ງແວດລ້ອມ6 ວິທີການນອນທໍາລາຍສຸຂະພາບ                

6 ວິທີການນອນທໍາລາຍສຸຂະພາບ                

Published on

ການນອນບາງຄັ້ງກໍດີກັບຮ່າງກາຍ ແຕ່ບາງຄັ້ງກໍທຳລາຍສຸຂະພາບຂອງເຮົາໄດ້ ຍ້ອນການນອນທີ່ບໍ່ຖືກວິທີ ຫຼືນອນບໍ່ຖືກວິທີທີ່ຄວນນອນ ເຊິ່ງການນອນທີ່ທຳລາຍສຸຂະພາບນັ້ນມີດັ່ງນີ້

  1. ນອນກັດແຂ້ວ: ເກີດຈາກຄວາມຕຶງຄຽດ ຫຼືມີອາການເມື່ອຍ ເຊິ່ງຫາກຮູ້ໂຕວ່າ ນອນກັດແຂ້ວ ກໍຮີບປຶກສາທັນຕະແພດທັນທີອາດແກ້ໄຂໄດ້ ໂດຍການໃສ່ເຜືອກແຂ້ວ ເພື່ອຫຼຸດການສຽດສີ, ກ່ອນທີ່ແຂ້ວຈະແຕກ ຫຼືຄອນໄປກວ່ານີ້
  2. ນອນລະເມີລຸກມາຍ່າງ: ຄົນຫຼາຍໆຄົນກໍມີອາການນອນລະເມີ ມັກເວົ້າແປກໆ ຫຼືລຸກຂຶ້ນມາຍ່າງ ເຊິ່ງຢ່າຄິດວ່າບໍ່ເປັນອັນຕະລາຍ, ການນອນລະເມີຂັ້ນສູງສຸດ ກໍຄືການລຸກມາຍ່າງ ເຮັດໃຫ້ເກີດອັນຕະລາຍໄດ້ເຊັ່ນ: ຍ່າງອອກໄປນອກເຮືອນອາດຖືກລົດຊົນ, ຍ່າງຕົກຂັ້ນໄດ ຫຼືຕົກປ່ອງຢ້ຽມ ສາເຫດນັ້ນເກີດຈາກສິ່ງກະຕຸ້ນ ຈາກພາຍນອນຕອນສວາຍເຊັ່ນ: ເຮັດກິດຈະກຳທີ່ຕື່ນເຕັ້ນ ຫຼືການເບິ່ງໜັງທີ່ເປັນຕາຢ້ານ, ຖ້າເປັນຕະຫຼອດຄວນປຶກສາຈິດຕະແພດ
  3. ນອນຊັກກະຕຸກ: ເຊື່ອວ່າບາງຄົນຕ້ອງເຄີຍມີອາການນອນແລ້ວເກີດອາການກະຕຸກ ຈົນສະດຸ້ງຕື່ນ ສ່ວນຫຼາຍເກີດຈາກຄວາມຝັນ ຫຼືສະໝອງເກີດຄວາມສັບສົນວ່າ ກຳລັງຕົກຈາກບ່ອນສູງ ເຊິ່ງເຮັດໃຫ້ເຮົາເກີດການກະຕຸກຂຶ້ນມາທັນທີ ເຊິ່ງມີຜົນເສຍຄື: ເຮັດໃຫ້ເກີດອາການຕົກໃຈ, ອາດເມື່ອຍຕາມກ້າມເນື້ອ, ດັ່ງນັ້ນຖ້າຫາກເປັນຕະຫຼອດ ຄວນປຶກສາແພດຈະດີກວ່າ
  4. ນອນໂກນ: ການນອນໂກນ ນອກຈາກຈະເຮັດໃຫ້ຄົນອື່ນລຳຄານແລ້ວ ຍັງສ່ຽງພາວະຢຸດຫາຍໃຈ ຂະນະທີ່ນອນຫຼັບ ຖ້າຍັງເປັນແບບນີ້ຕະຫຼອດ ຄວນໄປກວດຫາອາການວ່າ ເປັນພະຍາດ ຫຼືບໍ່ ເພາະສ່ຽງເສຍຊີວິດໄດ້
  5. ນອນອ້າປາກ: ເກີດຈາກລະບົບຫາຍໃຈເຮັດວຽກບໍ່ເຕັມທີ່ ຫຼືມີອາການຫາຍໃຈບໍ່ອອກ ເຊິ່ງຂໍ້ເສຍທີ່ນຳມາຄື ມີອາການຄໍແຫ້ງ ດັ່ງນັ້ນຈຶ່ງມີວິທີແກ້ໄຂງ່າຍໆ ໂດຍການປ່ຽນທ່ານອນສະແຄງແທນ
  6. ນອນມີອາການຜີອຳ: ບາງຄົນອາດນອນໆຢູ່ແລ້ວຮູ້ສຶກວ່າ ມີຫຍັງມາທັບ ເໜັງຕີງບໍ່ໄດ້ ເຊິ່ງເປັນອາການທີ່ເຂົ້າໃຈວ່າ: “ຜີອຳ” ເຊິ່ງທີ່ຈິງແລ້ວ ອາດເກີດຈາກພະຍາດລົມຫຼັບ ຫຼືການອົດນອນ, ນອນບໍ່ເປັນເວລາ ເຊິ່ງຂໍ້ເສຍຄື ເຮັດໃຫ້ກ້າມເນື້ອເຄັ່ງ ເກີດອາການຕົກໃຈ ຈົນຕື່ນຢ້ານໄປເອງ, ວິທີແກ້ໄຂຄືພະຍາຍາມຜ່ອນຄາຍກ່ອນນອນ, ນອນໃຫ້ເປັນເວລາ ຈະຊ່ວຍໄດ້

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ

ເຄື່ອນຍ້າຍອັດຖິ ພົນເອກ ຄຳໄຕ ສີພັນດອນ ໄປສະຖິດຢູ່ ສຸສານນັກຮົບປະຕິວັດແຫ່ງຊາດ ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສາທາລະນະລັດ...

ມອບ-ຮັບງົບປະມານ ໃນການສ້ອມແປງເສັ້ນທາງ 16B ໄລຍະທາງ 8 ກິໂລແມັດ

ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ...

ກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025.

ຫສນຍ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025. ໃນຕອນເຊົ້າວັນທີ 21 ເມສາ 2025 ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການນໍາພາ-ຊີ້ນໍາວຽກງານຮອບດ້ານ...

ແຈ້ງການສະພາບອາກາດປະຈຳວັນທີ 23 ເມສາ 025

ພະຍາກອນອາກາດແຕ່ເວລາ 07 ໂມງ ຂອງວັນທີ 23/04/2025 ຫາ ເວລາ 07 ໂມງ ຂອງວັນທີ 24/04/2025. ຄວາມກົດດັນຕໍ່າຂອງອາກາດຮ້ອນມີກໍາລັງປານກາງ ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມ ຕາເວັນຕົກພັດປົກຄຸມເປັນສ່ວນໃຫຍ່,...