ສຳລັບຄົນທີ່ກຳລັງເຮັດວຽກ ໜ້າທີ່ວຽກງານບົ່ງບອກເຖິງຄຸນນະພາບຊີວິດ ແລະຖານະຄວາມເປັນຢູ່ທີ່ດີ, ຄົນສ່ວນຫຼາຍມັກໃຊ້ເວລາຢູ່ກັບເຮັດວຽກ ແລະຫົວໜ້າຫຼາຍກວ່າ 5 ວັນຕໍ່ອາທິດ, ດັ່ງນັ້ນ ບ່ອນເຮັດວຽກກໍປຽບຄືກັບເຮືອນຫຼັງທີສອງ, ໝູ່ທີ່ເຮັດວຽກນຳກັນກໍຄືກັບຄອບຄົວ, ດັ່ງນັ້ນການຢູ່ຮ່ວມກັນຈຶ່ງຈຳເປັນທີ່ຈະຢູ່ໄດ້ດີ ມີຄວາມສຸກ, ບໍ່ດັ່ງນັ້ນ ຫາກວ່າເຈົ້າເຂົ້າກັບໝູ່ບໍ່ໄດ້ ກໍຈະມີບັນຫາຕາມມາ ແລະນິໄສທີ່ບໍ່ຄວນເຮັດໃນບ່ອນເຮັດວຽກມີດັ່ງນີ້
- ເອົາແຕ່ໃຈຕົນເອງ: ການເອົາຄວາມຄິດຂອງຕົນເອງເປັນໃຫຍ່ ເຮັດທຸກຢ່າງຕາມໃຈຕົນເອງ ໃຫ້ຄົນອື່ນເຮັດຕາມທີ່ຕົນມັກ ຖ້າເຮັດນິໄສແບບນີ້ ຈະເຮັດໃຫ້ບໍ່ມີໃຜຫຼິ້ນນຳ, ເຖິງເວົ້ານຳກໍຄືຈະແມ່ນແຕ່ເລື່ອງວຽກເທົ່ານັ້ນ
- ມັກຂາດ, ມັກລາພັກ ແລະມາສວາຍຕະຫຼອດ: ການເຮັດແບບນີ້ ກໍຄືກັບການເອົາປຽບຫ້ອງການ ແລະໝູ່ທີ່ເຮັດວຽກນຳກັນ
- ມັກເວົ້າຂວັນຄົນອືື່ນ: ການເວົ້າໃຫ້ຄົນອື່ນໄດ້ຮັບຄວາມເສຍຫາຍ ເຖິງວ່າຄົນທີ່ເຈົ້າເວົ້ານັ້ນຈະບໍ່ໄດ້ຍິນ ແຕ່ຄົນທີ່ຟັງນຳ ຈະຮູ້ຈັກທາດແທ້ຂອງເຈົ້າ ແລະເຂົາກໍຈະຄິດວ່າເຈົ້າເປັນຄົນບໍ່ດີມັກເວົ້າຂວັນຄົນອື່ນ
- ມັກຢືມເງິນຄົນອື່ນ: ການຢືມເງິນຕະຫຼອດ ຈະເຮັດໃຫ້ຄົນທີ່ຖືກເຈົ້າຢືມນັ້ນລຳຄານ ເພາະເຫັນໜ້າຍາມໃດກໍມີແຕ່ຢືມເງິນ, ແມ່ນຢູ່ວ່າການຢືມເງິນແລ້ວຕ້ອງໃຊ້ຄືນ ແຕ່ວ່າຖ້າຮອດເວລາແລ້ວບໍ່ຄືນ ຈະເຮັດໃຫ້ເຈົ້າເສຍຫາຍ ບໍ່ພຽງແຕ່ຄວາມສຳພັນລະຫວ່າງສອງຄົນເທົ່ານັ້ນເພາະຖ້າທຸກຄົນຮູ້ ເຂົາອາດຈະເບິ່ງເຈົ້າບໍ່ດີ
- ມັກປະຈົບປະແຈງ ແລະມັກຟ້ອງຫົວໜ້າ: ເຊິ່ງນິໄສແບບນີ້ສັງເກດໄດ້ຈາກ ມັກຈັບຜິໝູ່ຮ່ວມງານ, ເວົ້າສຽງດັງໃຫ້ຫົວໄດ້ຍິນນຳ, ລໍຖ້າກິນເຂົ້າພ້ອມຫົວໜ້າ
- ໃຈຮ້ອນ: ຄວາມໃຈຮ້ອນທີ່ເກີດຂຶ້ນຕະຫຼອດຈະສ້າງຫຼົ້ມເຫຼວແກ່ການເຮັດວຽກ, ບໍ່ມີໃຜຢາກຮ່ວມວຽກງານນຳ
- ມັກເອົາບັນຫາສ່ວນຕົວມາເລົ່າ: ດ້ວຍການເຫັນໃຜກໍເລົ່າໃຫ້ຄົນອື່ນຟັງ ຈະເຮັດໃຫ້ຄົນອື່ນເບິ່ງເຮົາແບບບໍ່ດີ ແລະບໍ່ມີໃຜຢາກຄົບຫານຳ
- ລັກເອົາວຽກນອກມາເຮັດ: ເຊິ່ງມັນບໍ່ເໝາະສົມທີ່ສຸດ ເພາະເວລາວຽກກໍຄືເວລາວຽກ ບໍ່ຄວນເອົາວຽກອື່ນມາເຮັດເດັດຂາດ
ຕິດຕາມນານາສາລະ ກົດໄລຄ໌ເລີຍ!