spot_img
Homeຂ່າວພາຍ​ໃນປະທານປະເທດຕ້ອນຮັບຜູ້ແທນຫວຽດນາມ ເຂົ້າຢ້ຽມຂ່ຳນັບ

ປະທານປະເທດຕ້ອນຮັບຜູ້ແທນຫວຽດນາມ ເຂົ້າຢ້ຽມຂ່ຳນັບ

Published on

ທ່ານ ບຸນຍັງ ວໍລະຈິດ ປະທານປະເທດໄດ້ຕ້ອນຮັບ ຄະນະຜູ້ແທນຫວຽດນາມເຂົ້າ ຢ້ຽມຂ່ຳນັບໃນຕອນແລງວັນ ທີ 21 ທັນວານີ້, ທີ່ທຳນຽບປະ ທານປະເທດ ນຳໂດຍທ່ານ ຫງວຽນ ຈີ່ ຢຸງ ລັດຖະມົນຕີກະ ຊວງແຜນການ ແລະ ການລົງ ທຶນ, ປະທານຄະນະກຳມະການ ຮ່ວມມືຫວຽດນາມ-ລາວ ພ້ອມ ຄະນະໃນໂອກາດເດີນທາງ ມາຢ້ຽມຢາມ ແລະ ເຮັດວຽກ ຮ່ວມກັບກະຊວງແຜນການ ແລະ ການລົງທຶນຂອງລາວ, ທ່ານປະທານປະເທດໄດ້ກ່າວ ສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານ ຫງວຽນ ຈີ່ ຢຸງ ພ້ອມຄະນະທີ່ໄດ້ ເດີນທາງ ມາຢ້ຽມຢາມລາວ ເພື່ອເສີມ ຂະຫຍາຍສາຍພົວພັນລະ ຫວ່າງສອງກະຊວງ ຊຶ່ງເປັນກະ ຊວງທີ່ສຳຄັນ ໃນການເປັນເສ ນາທິການສ້າງແຜນພັດທະນາ ເສດຖະກິດ-ສັງຄົມແຫ່ງຊາດ ສະນັ້ນ ສະເໜີໃຫ້ສອງກະຊວງ ມີການພົວພັນຢ່າງໃກ້ຊິດ ເພື່ອ ຊ່ວຍເຫຼືອຊຸກຍູ້ ແລະ ຖອດ ຖອນບົດຮຽນໃຫ້ແກ່ກັນ ໃນ ການວາງແຜນພັດທະນາເສດ ຖະກິດແຫ່ງຊາດໃຫ້ມີປະສິດທິຜົນ ໃນແຕ່ລະໄລຍະ ພ້ອມກັນ ນັ້ນກໍໄດ້ສະເໜີໃຫ້ສອງຝ່າຍ ກວດກາຄືນການຈັດຕັ້ງປະຕິ ບັດບັນດາໂຄງການ, ກິດຈະ ການຕ່າງໆທີ່ສອງ ຝ່າຍໄດ້ຕົກ ລົງນຳກັນຢ່າງມີປະສິດທິຜົນ ແລະ ເກີດປະໂຫຍດສູງສຸດ ເພື່ອນຳເອົາໝາກຜົນຕົວຈິງ ມາສູ່ປະຊາຊົນສອງຊາດແລະ ໃນປີ 2017 ນີ້ ເປັນປີຄົບຮອບ ໃຫຍ່ຂອງສອງວັນປະຫວັດ ສາດຄື: ວັນສ້າງຕັ້ງສາຍພົວ ພັນການທູດລາວ-ຫວຽດນາມ ຄົບຮອບ 55 ປີ ແລະ ວັນ ເຊັນສົນທິສັນຍາມິດຕະພາບ ຄົບຮອບ 40 ປີ ຊຶ່ງສອງ ປະເທດຈະຕ້ອງໄດ້ຈັດກິດ ຈະກຳສຳຄັນຮ່ວມກັນ ເພື່ອ ເຮັດໃຫ້ການສະເຫຼີມສະຫຼອງ ສອງວັນປະຫວັດສາດດັ່ງກ່າວ ມີຄວາມໝາຍເລິກເຊິ່ງ ແລະ ປະສົບຜົນສຳເລັດຢ່າງຈົບ ງາມ. ຕອນທ້າຍ ທ່ານປະທານ ປະເທດຍັງໄດ້ກ່າວສະແດງ ຄວາມຊົມເຊີຍຕໍ່ທ່ານ ຫງວຽນ ຈີ່ ຢຸງ ທີ່ໄດ້ຮັບຄວາມໄວ້ເນື້ອ ເຊື່ອໃຈຈາກພັກ-ລັດຖະບານ ຫວຽດນາມທີ່ແຕ່ງ ຕັ້ງໃຫ້ ເປັນ ປະທານຄະນະກຳມະການ ຮ່ວມມືຫວຽດນາມ-ລາວ. ໂອ ກາດດັ່ງກ່າວ ທ່ານປະທານປະ ເທດຍັງໄດ້ຝາກຄວາມຢື້ຢາມ ຖາມຂ່າວ ແລະ ຄວາມອວຍ ພອນໄຊ ອັນປະເສີດ ໄປຍັງພັກ -ລັດຖະບານ ແລະ ປະຊາຊົນ ຫວຽດນາມຈົ່ງມີພະລານາໄມ ສົມບູນ ໃນໂອກາດປີໃໝ່ 2017 ທີ່ຈະມາເຖິງ ອວຍພອນໃຫ້ສາຍ ພົວພັນຄວາມສາມັກຄີພິເສດ ແລະ ການຮ່ວມມືຮອບດ້ານ ລະ ຫວ່າງສອງພັກ-ສອງລັດກໍຄື ປະຊາຊົນສອງຊາດຈົ່ງໝັ້ນຄົງ ຕະຫຼອດໄປ.

ແຫລ່ງຂ່າວຈາກ:​
(ຂ່າວ-ພາບ: ພູວຽງຄຳ)

http://www.pasaxon.org.la/index/22-12-16/content1.html
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...