ຮູ້ຜົນການຕັດສິນເປັນທີ່ຮຽບຮ້ອຍແລ້ວສຳລັບເວທີການປະກວດສາວງາມລະດັບໂລກອີກເວທີໜຶ່ງ ຄືການປະກວດ MISS TOURISM QUEEN OF THE YEAR INTERNATIONAL 2016 ທີ່ໄດ້ຈັດຂຶ້ນໃນຄ່ຳຄືນຂອງວັນທີ 18 ທັນວາ 2016 ເລີ່ມຖ່າຍທອດສົດ ຜ່ານລິ້ງ ເມື່ອເວລາ 19:00 ໂມງເປັນຕົ້ນໄປ ແລະ ສາວທີ່ສາມາດຄ້ວາມົງກຸດອັນຊົງກຽດນີ້ໄປຄອງແມ່ນສາວງາມຈາກ ປະເທດ ຊິລີ “ໂຊເຟຍ ເດລ ໂຣລິໂອ ຊາວີດຣາ”
ສ່ວນ ສາວງາມຕົວແທນ ຈາກ ສປປລາວ ສາວ ເມ ວາລິສະລາ ເຖິງແມ່ນວ່ານາງຈະສາມາດຜ່ານເຂົ້າໄປໃນຮອບເລິກໆຂອງເວທີການປະກວດນີ້ ແຕ່ເຊື່ອວ່ານາງກໍ່ໄດ້ເຮັດເຕັມທີ່ແລ້ວ ແລະ ເວທີນີ້ຖືວ່າເປັນບາດກ້າວທຳອິດຂອງແມ່ຍິງລາວ ທີ່ໄດ້ມີບົດບາດໃນເວທີປະກວດງາມລະດັບໂລກ ແລະ ທີ່ສຳຄັນນາງ ໄດ້ລາງວັນ ນາງງາມມິດຕະພາບຈາກເວທີ Miss tourism queen of the year international 2016 ມາຝາກພໍ່ແມ່ພີ່ນ້ອງຊາວລາວອີກດ້ວຍ
ສຳລັບລາງວັນຊຸດປະຈຳຊາດດີເດັ່ນປີນີ້ຕົກເປັນຂອງ ຫວຽດນາມ, ອິນໂດເນເຊຍ ແລະ ມາເລເຊຍ
ທາງບັນເທີງ ກັບ ລາວໂພສຕ໌ ຂໍສະແດງຄວາມຍິນດີ ກັບ ສາວງາມຈາກ ປະເທດ ຊິລີ “ໂຊເຟຍ ເດລ ໂຣລິໂອ ຊາວີດຣາ” ທີ່ສາມາດຄ້ວາມົງກຸດຈາກເວທີການປະກວດ MISS TOURISM QUEEN OF THE YEAR INTERNATIONAL 2016 ໄປຄອງ ແລະ ຂໍເປັນກຳລັງໃຈ ໃຫ້ກັບສາວງາມຄົວແທນຈາກ ສປປ ລາວ “ເມ ວາລິສະລາ” ທີ່ໄດ້ຕຳແໜ່ງນາງງາມມິດຕະພາບ ຈາກເວທີດັ່ງກ່າວມາຝາກພີ່ນ້ອງຊາວລາວ ເຊິ່ງການເຂົ້າຮ່ວມການປະກວດຂອງນາງ ແມ່ນບາດກ້າວເລີ່ມຕົ້ນທີ່ສຳຄັນ ແລະ ມີຄວາມໝາຍ ໃນການເຜີຍແຜ່ວັດທະນະທຳຂອງລາວໃນເວທີລະດັບໂລກ ແລະ ນາງຄືຄວາມພາກພູມໃຈຂອງຄົນລາວ ໂດຍສະເພາະແມ່ຍິງທັງປະເທດ
ຂໍ້ມູນຈາກ: MISS TOURISM QUEEN OF THE YEAR INTERNATIONAL
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!