ສຳນັກຂ່າວຕ່າງປະເທດ ລາຍງານໃນວັນທີ 16 ທັນວານີ້ວ່າ ບັນດາຜູ້ນຳສະຫະພາບເອີຣົບ ໄດ້ເປີດກອງປະຊຸມກັນ ທີ່ນະຄອນຫລວງບຣຸກແຊນ ປະເທດແບນຊິກ ໃນວັນພະຫັດທີ 15 ທັນວາຜ່ານມາ ມີມະຕິຕົກລົງເຫັນດີ ເພີ່ມເວລານຳໃຊ້ມາດຕະການຂວ້ຳບາດຕໍ່ຣັດເຊຍ ອອກໄປອີກ 6 ເດືອນ ໄປຈົນເຖິງກາງປີ 2017 ໃນຂະນະທີ່ຂະບວນການຢ່າງເປັນທາງການ ໃນການເພີ່ມເວລາຂວ້ຳບາດທາງການທະຫານ, ພະລັງງານ ແລະ ການເງິນຂອງຣັດເຊຍ ຈະມີຂຶ້ນໃນຕົ້ນອາທິດໜ້າ.
ທັງນີ້ ການຂວ້ຳບາດຂອງສະຫະພາບເອີຣົບຕໍ່ຣັດເຊຍ ມີຂຶ້ນພາຍຫລັງເກີດມີສະພາບຄວາມບໍ່ສະຫງົບຢູ່ອູແກຣນ ຊຶ່ງຝ່າຍຕາເວັນຕົກເຫັນວ່າ ຣັດເຊຍເປັນຜູ້ຢູ່ເບື້ອງຫລັງ ແລະ ໃຫ້ການສະໜັບສະໜູນ ແຂວງໄຄຣເມຍ ແຍກຕົວອອກຈາກອູແກຣນ ແລ້ວໄປຂຶ້ນເປັນສ່ວນໜຶ່ງຂອງດິນແດນຣັດເຊຍ ເມື່ອປີ 2014 ຜ່ານມາ.
ຕິດຕາມເຮົາທາງFacebook ກົດຖືກໃຈເລີຍ!