ສຳນັກຂ່າວຕ່າງປະເທດ ລາຍງານໃນວັນທີ 8 ທັນວານີ້ວ່າ ລັດຖະສະພາ ແຫ່ງ ສາທາລະນະລັດເກົາຫລີ ຫລື ເກົາຫລີໃຕ້ ໄດ້ສະເໜີຮ່າງລັດຖະບັນຍັດ ຖອດຖອນປະທານາທິບໍດີ ປາກ ກຶນເຮ ອອກຈາກຕຳແໜ່ງແລ້ວໃນມື້ນີ້ ແລະ ຈະມີການລົງມະຕິຢ່າງເປັນທາງການໃນມື້ອື່ນ (9 ທັນວາ) ຊຶ່ງຮ່າງລັດຖະບັນຍັດດັ່ງກ່າວ ຈະຕ້ອງໄດ້ຮັບການສະໜັບສະໜູນຈາກ ສານລັດຖະທຳມະນູນ ຊຶ່ງເປັນຂັ້ນຕອນສຸດທ້າຍ ແລະ ຄາດວ່າຈະໃຊ້ເວລາອີກຫລາຍເດືອນ.

ທັງນີ້ ທ່ານ ນາງ ປາກ ກຶນເຮ ໄດ້ຖືກກ່າວຫາວ່າ ສົມຮູ້ຮ່ວມຄິດກັບ ນາງ ຊອຍ ຊຸນຊິນ ໝູ່ສະໜິດຂອງຕົນ ໃນການກົດດັນບັນດາເຈົ້າຂອງທຸລະກິດລາຍໃຫຍ່ ໃຫ້ການບໍລິຈາກເງິນໃຫ້ມູນນິທິ 2 ແຫ່ງ ຊຶ່ງທ່ານເອງໄດ້ປະຕິເສດຂໍ້ກ່າວຫາດັ່ງກ່າວ ແລະ ຢືນຢັນຈະລໍຖ້າຄຳຊີ້ຂາດຂອງສານ.

ຕິດຕາມເຮົາທາງFacebook ກົດຖືກໃຈເລີຍ!