spot_img
Homeຂ່າວການພັດທະນາສວນເຈົ້າອານຸວົງ ຍັງບໍ່ປອດຄວັນຢາສູບ! ສາທາລະນະສຸກ ຄວນເລັ່ງກວດກາ-ແກ້ໄຂ!

ສວນເຈົ້າອານຸວົງ ຍັງບໍ່ປອດຄວັນຢາສູບ! ສາທາລະນະສຸກ ຄວນເລັ່ງກວດກາ-ແກ້ໄຂ!

Published on

ພາຍຫຼັງທີ່ອົງການອະນາໄມໂລກ ແລະ ກະຊວງສາທາລະນະສຸກ ແຫ່ງ ສປປ ລາວ ໄດ້ກຳນົດເອົາຂອບເຂດສວນສາທາລະເຈົ້າອານຸວົງ (ແຄມຂອງ) ນະຄອນຫຼວງວຽງຈັນ ເປັນເຂດປອດຄັວນຢາສູບ ນັບຕັ້ງແຕ່ກາງປີ 2015 ເປັນຕົ້ນມາ, ແນວໃດກໍຕາມ ຜ່ານການສັງເກດເຫັນຂອງນັກຂ່າວພວກເຮົາພົບວ່າ ການສ້າງສວນແຫ່ງນີ້ ເປັນເຂດປອດຄັວນຢາສູບນັ້ນ ຍັງບໍ່ມີປະສິດທິຜົນເທົ່າທີ່ຄວນ, ຍ້ອນຂາດການກວດກາ, ຄຸ້ມຄອງ, ຊຶ່ງມີພຽງປ້າຍໂຄສະນາ ແລະ ປ້າຍຫ້າມສູບຢາໃນບາງຈຸດເທົ່ານັ້ນ, ໂດຍປະກົດມີຜູ້ທີ່ສູບຢາຈຳນວນບໍ່ໜ້ອຍ ບໍ່ໄດ້ໃຫ້ຄວາມສົນໃຈ ແລະ ປະຕິບັດຕາມ.

ສະເພາະໃນຍາມຄໍ່າຄືນ ພາຍໃນບໍລິເວນດັ່ງກ່າວ ມີໄວໜຸ່ມຈຳນວນບໍ່ໜ້ອຍ ພາກັນມານັ່ງເປັນກຸ່ມກັນພ້ອມທັງສູບຢາປ່ອຍຄວັນ ກຸ້ມໄປທົ່ວບໍລິເວນ, ໂດຍບໍ່ສົນວ່າຈະສົ່ງຜົນກະທົບທີ່ບໍ່ດີຕໍ່ສຸຂະພາບຂອງຄົນອື່ນ. ດັ່ງນັ້ນ, ເພື່ອເຮັດໃຫ້ສ່ວນແຫ່ງນີ້ເປັນເຂດປອດຄັວນຢາສູບຢ່າງແທ້ຈິງ ເຫັນວ່າທຸກຄົນຕ້ອງມີສ່ວນຮ່ວມ ແລະ ພ້ອມກັນປະຕິບັດມາດຕະການຕ່າງໆທີ່ໄດ້ກຳນົດໄວ້ ໃນກົດໝາຍວ່າດ້ວຍການຄວບຄຸມຢາສູບ, ສຳຄັນແມ່ນພາກສ່ວນກ່ຽວຂ້ອງ ໂດຍສະເພາະແມ່ນອົງການຄຸ້ມຄອງວຽກງານຄວບຄຸມຢາສູບຄື ຂະແໜງສາທາລະນະສຸກທຸກຂັ້ນ ຄວນໄດ້ປະສານສົມທົບກັບອົງການປົກຄອງທ້ອງຖິ່ນ ຈັດຕັ້ງໃຫ້ມີໜ່ວຍງານຕິດຕາມກວດກາ ແລະ ກ່າວເຕືອນ ເມື່ອພົບເຫັນຜູ້ທີ່ສູບຢາ ຢູ່ໃນບໍລິເວນສວນສາທາລະນະ ແລະ ເຂດຫ້າມສູບຢາຕ່າງໆ, ຈຶ່ງຈະສາມາດເຮັດໃຫ້ສັງຄົມມີສະພາບແວດລ້ອມທີ່ດີຂື້ນເທື່ອລະກ້າວ. 

untitled-1-15

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...