ອີງຕາມການລາຍງານຂ່າວຕ່າງປະເທດເມື່ອວັນທີ 7 ທັນວາຜ່ານມາວ່າ ຍົນລຸ້ນ ATR-42 ຖ້ຽວບິນ KP-881 ຂອງປາກິສະຖານອິນເຕີເນຊັ່ນແນລ (PIA) ສາຍການບິນແຫ່ງຊາດຂອງປາກິສະຖານ ປະສົບອຸປະຕິເຫດໃນພື້ນທີ່ພາກເໜືອຂອງປະເທດເມື່ອວັນທີ 7 ທັນວາ 2016 ໃນຊ່ວງຕອນບ່າຍ , ຂະນະບິນສູ່ນະຄອນອິສລາມາບັດ ຈາກເມືອງຊິດຣັນ ທາງພາກເໜືອຂອງປະເທດ
ສາຍການບິນ ປາກິສະຖານອິນເຕີເນຊັ່ນແນລ ໄດ້ບອກໃນຖະແຫຼງການວ່າ ຍົນຂາດການຕິດຕໍ່ກັບຫໍຄວບຄຸມການບິນຂອງປາກິສະຖານບໍ່ດົນ ກ່ອນເກີດເຫດດັ່ງກ່າວ, ມີຜູ້ໂດຍສານ ແລະລູກເຮືອເສຍຊີວິດທັງໝົດ 47 ຄົນ ເຊິ່ງໜຶ່ງໃນນັ້ນມີ ນັກຮ້ອງ, ນັກແຕ່ງເພງຊື່ດັງຂອງ ປາກິສະຖານ, ສຳລັບຈຸດທີ່ຕົກຢູ່ໃກ້ເມືອງ ຮາເວລຽນ ຫ່າງຈາກນະຄອນອິສລາມາບັດ ປະມານ 70 ກິໂລແມັດ, ເຊິ່ງທາງລັດຖະບານກໍໄດ້ລະດົມກູ້ໄພໄປຈຸດເກີດເຫດ
ແຫຼ່ງຂ່າວ: http://news.sanook.com/2115290/