spot_img
Homeຊີວິດແລະຄວາມຮັກແມ່ຍິງເວົ້າເກັ່ງ, ຕະລົກ, ອາລົມດີ vs ແມ່ຍິງເວົ້າໜ້ອຍ, ນິ້ງໆ, ຮຽບຮ້ອຍ ຜູ້ຊາຍມັກແບບໃດ?

ແມ່ຍິງເວົ້າເກັ່ງ, ຕະລົກ, ອາລົມດີ vs ແມ່ຍິງເວົ້າໜ້ອຍ, ນິ້ງໆ, ຮຽບຮ້ອຍ ຜູ້ຊາຍມັກແບບໃດ?

Published on

ໃນຄໍລຳຊີວິດ ກັບ ຄວາມຮັກ ມື້ນີ້ເຮົາຈະມາຕາມຫາສາວທີ່ເປັນສະເປັກຂອງຊາຍໜຸ່ມ ເຊິ່ງມື້ນີ້ແອັດມິນໄດ້ໄປເຊີດສ໌ຫາກະທູ້ກ່ຽວກັບຫົວຂໍ້ ແມ່ຍິງເວົ້າເກັ່ງ, ຕະລົກ, ອາລົມດີ vs ແມ່ຍິງເວົ້າໜ້ອຍ, ນິ້ງໆ, ຮຽບຮ້ອຍ ຜູ້ຊາຍມັກແບບໃດ? ໃນອິນເຕີເນັດ ເຊິ່ງໄດ້ເຂົ້າໄປອ່ານທີ່ “ເພສ ພັນທິບ, ເພສ ເດັກດີ” ແລະ ສຳຫຼວດຄວາມຄິດເຫັນຈາກຄົນໃນຄອບຄົວ, ໝູ່ເພື່ອນ ແລະ ຄົນອ້ອມຂ້າງ ກໍ່ໄດ້ສາມາດສັງລວມໄດ້ດັ່ງນີ້:

ແມ່ຍິງທີ່ມີບຸກຄະລິກທັງສອງປະເພດນີ້ແມ່ນມີສະເໜ່ຄືກັນທັງຄູ່ ຄວາມມີສະເໜ່ມັນກໍ່ບໍ່ຫຼຸດລື່ນກັນຫຼາຍປຽບງ່າຍໆກໍ່ຄືໄຂ່ເປັດກັບໄຂ່ໄກ່ ເພາະມັນກໍ່ຂຶ້ນກັບຄວາມມັກຂອງຜູ້ຊາຍແຕ່ລະຄົນມັກບໍ່ຄືກັນ

ແຕ່ຈາກການທີ່ີສຳຫຼວດຄຳຄິດເຫັນຕາມເພສຊື່ດັງຕ່າງໆທີ່ຕັ້ງກະທູ້ແບບນີ້ຂຶ້ນ ແລະ ສອບຖາມຄຳຄິດເຫັນຈາກຄົນຮູ້ຈັກ ຜູ້ຊາຍສ່ວນຫຼາຍຈະມັກຢູ່ກັບແມ່ຍິງທີ່ເວົ້າເກັ່ງ ຊ່າງເວົ້າຊ່າງລົມ, ອາລົມດີ, ເຮຮາມ່ວນຊື່ນ, ມີມຸກຕະລົກ ແລະ ມີຄວາມກວນໆເລັກນ້ອຍ ເພາະຢູ່ນຳແລ້ວເຮັດໃຫ້ມີຊີວິດມີສີສັນຂຶ້ນ ຢູ່ແລ້ວສະບາຍໃຈ ແລະ ມີຄວາມໜ້າຮັກຢູ່ໃນຕົວທີ່ສົ່ງຜ່ານໃນເວລາເວົ້າ, ເວລາຍິ້ມ ແລະ ເວລາຫົວ ເບິ່ງແລ້ວເຮັດໃຫ້ບັນຍາກາດທີ່ມືດຄຶ້ມສົດໃສຂຶ້ນ ດ້ວຍເຫດຜົນນີ້ຈິ່ງເຮັດໃຫ້ສາວລົມເກັ່ງເປັນຄົນທີ່ມີແຟນຫຼາຍ ເພາະມັກມີຊາຍໜຸ່ມເຂົ້າມາໃຫ້ຄວາມສົນໃຈຫຼາຍ ບໍ່ວ່າທ່ານຈະໄປຢູ່ສະຖານທີ່ແຫ່ງໃດກໍ່ຕາມ ໂດຍສະເພາະຜູ້ຊາຍທີ່ບໍ່ມັກປາກ ບຸກຄະລິກນິ້ງໆ ຈະມັກແມ່ຍິງປະເພດນີ້ຫຼາຍກວ່າແມ່ຍິງທີ່ບໍ່ມັກປາກ ແລະ ນິ້ງຄືກັບຕົວເອງ.

ສ່ວນແມ່ຍິງທີ່ເວົ້າໜ້ອຍ, ບຸກຄະລິກນິ້ງໆ ແລະ ຮຽບຮ້ອຍ ເບິ່ງແລ້ວກໍ່ລຶກລັບໜ້າຄົນຫາ ເພາະຄວາມງຽບຂອງນາງຈິ່ງເຮັດໃຫ້ເບິ່ງແລ້ວຄືມີຫຍັງບາງຢ່າງຊ້ອນເອົາໄວ້ ກໍ່ມີຜູ້ຊາຍຈຳນວນບໍ່ໜ້ອຍທີ່ຕົກຫຼຸມຮັກສາວປະເພດນີ້ ໂດຍສະເພາະຊາຍໜຸ່ມທີ່ເວົ້າເກັ່ງ ເພາະປຽບເໝືອນສິ່ງທີ່ທ້າທາຍ ແລະ ມີຜູ້ຟັງທີ່ດີ.

ນີ້ກໍ່ເປັນພຽງຂໍ້ມູນບາງສ່ວນທີ່ນຳມາປຽບທຽບໃຫ້ໄດ້ຮູ້ຈັກນຳກັນ ແມ່ຍິງແຕ່ລະຄົນມີສະເໜ່ຢູ່ໃນຕົວແຕກຕ່າງກັນອອກໄປ ທຸກຄົນມີຄວາມງາມ, ຄວາມໜ້າຮັກຕາມແບບສະບັບຂອງໃຜມັນ ແຕ່ສິ່ງທີ່ສຳຄັນແມ່ນຕ້ອງເປັນຕົວຂອງຕົວເອງ ບໍ່ຕ້ອງແອັບ ຫຼື ສ້າງພາບ ຫຼື ເຮັດໃຫ້ຕົວເອງໄປເປັນຄືຄົນອື່ນ ເພາະການເປັນຕົວຂອງຕົວເອງແມ່ນສະເໜ່ຕົວຈິງທີ່ຜູ້ຊາຍຕ້ອງການ.

 

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

 

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...