ມະເຮັງຕັບເປັນເນື້ອງອກມະເຮັງທີ່ສາມາດເກີດຂຶ້ນໄດ້ທັງຈາກເນື້ອເຍື່ອໃນຕັບຄືເຊວຕັບ, ທໍ່ນໍ້າບີ ຫຼືຕ່ອມນໍ້າເຫຼືອງ ແລະເນື້ອງອກມະເຮັງທີ່ເກີດຈາກບໍລິເວນອື່ນໆ ແລ້ວລຸກລາມແຜ່ກະຈາຍມາຫາຕັບໄດ້ ໂດຍອາດເລີ່ມຈາກລະບົບທາງເດີນອາຫານ, ລຳໄສ້ ແລະເຕົ້ານົມເປັນຕົ້ນ ເຊິ່ງເປັນມະເຮັງຕັບນີ້ພົບຫຼາຍເປັນອັນດັບ 1 ແມ່ນຜູ້ຊາຍ ແລະຕໍ່ມາແມ່ນຜຸ້ຍິງ

ສາເຫດຂອງການເກີດມະເຮັງຕັບ ຍັງບໍ່ຮູ້ສາເຫດທີ່ແທ້ຈິງ ແລະສາມາດຂ້າຊີວິດຂອງຜູ້ທີ່ເປັນໄດ້ພາຍໃນໄລຍະເວລາປະມານ 3-6 ເດືອນ ເຊິ່ງພົບວ່າປັດໄຈ ທີ່ສາມາດເຮັດໃຫ້ເກີດມະເຮັງໄດ້ນີ້ຄື ຜູ້ທີ່ເປັນໄວຣັດຕັບບີ ແລະຊີ ຫຼືເປັນພະຍາດຕັບແຂງ ຈະມັກເປັນມະເຮັງຕັບໄດ້ງ່າຍກວ່າຄົນປົກກະຕິ 2-3 ເທົ່າ, ລວມເຖິງບັນດາຜູ້ທີ່ດື່ມແອວກໍຮໍຕະຫຼອດ ແລະສານ ທີ່ຢູ່ໃນສາລີ, ຖົ່ວດິນ, ໝາກເຜັດແຫ້ງ, ເຕົາຫູ້ ກໍເປັນສານທີ່ກໍ່ເປັນມະເຮັງໄດ້ເຊັ່່ນກັນ ເພາະສານອະຟລາທອກຊິນນີ້ ຈະເຂົ້າໄປຊ່ວຍເສີມເກີດເປັນພະຍາດມະເຮັງຕັບອັກເສບບີ ແລະຊີ, ນອກນີ້ ຍັງພົບເຫັນກັບຜູ້ທີ່ມັກກິນອາຫານສຸກໆ ດິບໆຫຼື ຜູ້ທີ່ຕິດເຊື້ອພະຍາດໃບໄມ້ໃນຕັບອີກດ້ວຍ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ