ບັນເທີງດາລາ ກັບ ລາວໂພສ໌ ມື້ນີ້ແອັດມິນມີຂ່າວເສົ້າສະຫຼົດໃຈຂອງການຈາກໄປຢ່າງບໍ່ມີມື້ຫວນກັບຂອງ ສີລະປິນແຫ່ງຊາດ ທີ່ມີນາມວ່າ ສ.ສີເມືອງຊອງ ຜູ້ທີ່ຢູ່ເບື້ອງຫຼັງໃນການມີສ່ວນຮ່ວມສ້າງຜົນງານເພງດັງຫຼາຍບົດເພງ ບໍ່ວ່າຈະເປັນບົດເພງ ສຸພານຸວົງ, ລານ້ອງສູ່ແນວໜ້າ, ປ່າໄມ້ສົດຊື່ນ ຫຼື (ປ່າໄມ້ເມືອງລາວ) ແລະ ອີກຫຼາຍໆຜົນງານເພງ ເຊິ່ງໄດ້ເຖິງແກ່ມໍລະນະກຳແລ້ວ ໃນວັນທີ 25 ພະຈິກ 2016 ເມື່ອເວລາ 3 ໂມງເຊົ້າ ລວມອາຍຸໄດ້ 75 ປີ.
ລາຍລະອຽດພິທີການ:
- ງານຊາປະນະກິດສົບ ຈະໄດ້ຈັດຂຶ້ນມື້ວັນທີ 27 ພະຈິກ 2016 ທີ່ ວັດເທບນິມິດ (ວັດທາດຝຸ່ນ)
- ມື້ຫ້າງຫາກະຫຽມ ວັນທີ 28 ພະຈິກ 2016 (ວັນຈັນ)
- ມື້ຕັກບາດ ວັນທີ 29 ພະຈິກ 2016 (ວັນຄານ)
ຖ້າທ່ານໃດຕ້ອງການໄປອຸ່ນສິນກິນທານ ໄຫວ້ສົບ ກໍ່ສາມາດໄປທີ່ ສະໂມສອນສີລະປະສູນກາງ ບ້ານໂພນທັນເມືອງ ໄຊເສດຖາ
ທາງທີມງານລາວໂພສຕ໌ ຂໍສົ່ງດວງວິນຍານຂອງທ່ານ ສ.ສີເມືອງຊອງ ໃຫ້ໄປສູ່ສຸຂະຕິ ແລະ ຂໍສະແດງຄວາມເສຍໃຈກັບຄອບຄົວຂອງທ່ານທີ່ໄດ້ເສຍຄົນທີ່ຮັກໄປດ້ວຍ.
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!