spot_img
Homeຂ່າວເຫດການຄະນະຜູ້ແທນຊາວໜຸ່ມລາວ ຈະເດີນທາງແລກປ່ຽນບົດຮຽນ ກັບຊາວໜຸ່ມແຂວງຢຸນນານ ສປ ຈີນ

ຄະນະຜູ້ແທນຊາວໜຸ່ມລາວ ຈະເດີນທາງແລກປ່ຽນບົດຮຽນ ກັບຊາວໜຸ່ມແຂວງຢຸນນານ ສປ ຈີນ

Published on

ຂປລ. ຄະນະຜູ້ແທນຊາວໜຸ່ມລາວ ຈຳນວນ 35 ຄົນ ໄດ້ອອກເດີນທາງ ໃນວັນ​ທີ 25 ພະຈິກ ໄປຍັງ ສປ ຈີນ ເພື່ອເຂົ້າຮ່ວມກິດຈະກຳແລກປ່ຽນກັບ ຊາວໜຸ່ມແຂວງຢຸນນານ ​ເຊິ່ງລວມມີການແລກປ່ຽນທາງດ້ານສິລະປະ, ວັດທະນະທຳ ແລະ ວຽກງານວິຊາສະເພາະ ເພື່ອເປັນການຮັດແໜ້ນຄວາມສາມັກຄີ ແລະ ເສີມສ້າງມິດຕະພາບ ລະຫວ່າງ ຊາວໜຸ່ມສອງປະເທດ ເນື່ອງໃນໂອກາດສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ຈີນ ຄົບຮອບ 55 ປີ.

ໃນໂອກາດເຂົ້າຢ້ຽມຂ່ຳນັບ ກ່ອນອອກເດີນທາງ ໃນວັນທີ 24 ພະຈິກ, ທ່ານ ນາງ ວິລະວອນ ພັນທະວົງ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ກໍໄດ້ເນັ້ນໃຫ້ ຄະນະຊາວໜຸ່ມລາວ ໃຫ້ຖືເອົາຄວາມສາມັກຄີທີ່ເປັນໜຶ່ງດຽວເປັນ ສິ່ງທີ່ສຳຄັນທີ່ສຸດ ພ້ອມທັງໃຫ້ທຸກຄົນປະຕິບັດກົດລະບຽບຕ່າງໆ ແລະ ມີຄວາມຮັບຜິດຊອບສູງຕໍ່ໜ້າທີ່ຂອງຕົນ. ນອກຈາກນັ້ນ, ຍັງຮຽກຮ້ອງຊາວໜຸ່ມທັງຫລາຍ ໃຫ້ກະກຽມຄວາມພ້ອມໃນທຸກໆດ້ານ ເພື່ອໄປແລກປ່ຽນ ແລະ ຖອດຖອນບົດຮຽນ ຮ່ວມກັບຊາວໜຸ່ມ ສປ ຈີນ ເພື່ອນຳເອົາຮູ້ ແລະ ປະສົບການເຫລົ່ານັ້ນ ມາປະກອບສ່ວນເຂົ້າໃນ ການພັດທະນາວຽກງານຊາວໜຸ່ມຢູ່ປະເທດເຮົາ ໃຫ້ກ້າວໜ້າ.

ກິດຈະກຳຄັ້ງນີ້, ຈະໄດ້ດຳເນີນໄປໃນລະຫວ່າງ ວັນທີ 25 ພະຈິກຫາ 1 ທັນວາ ​ເຊິ່ງລວມມີການແຂ່ງຂັນກິລາມິດຕະພາບ ລະຫວ່າງ ຊາວໜຸ່ມສອງປະເທດ, ການພົບປະແລກປ່ຽນບົດຮຽນກັບ ມະຫາວິທະຍາໄລຕ່າງໆ ແລະ ການທັດສະນະຢ້ຽມຊົມສະຖານທີ່ທ່ອງທ່ອງ ຢູ່ນະຄອນຄຸນໝິງ ແລະ ເມືອງຕ້າຫລີ ແຂວງຢຸນນານ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...