ສຳນັກຂ່າວຕ່າງປະເທດ ລາຍງານໃນວັນທີ 25 ພະຈິກນີ້ວ່າ ທາງການອິດສະລາແອນ ໄດ້ສັ່ງອົບພະຍົບປະຊາຊົນ ອອກຈາກທີ່ຢູ່ອາໄສ ເນື່ອງຈາກໄຟປ່າໄໝ້ລາມ ເຂົ້າໃກ້ກັບເມືອງໄຮຟາ ທາງພາກເໜືອຂອງປະເທດ ໂດຍໂຄສົກເທດສະບານໄຮຟາ ໄດ້ລະບຸວ່າ ມີປະຊາຊົນປະມານ 50,000 ຄົນ ຕ້ອງໄດ້ອົບພະຍົບໄປຢູ່ສູນທີ່ລັດສ້າງຂຶ້ນຊົ່ວຄາວ 4 ແຫ່ງ ໃນນັ້ນ ມີຜູ້ໄດ້ຮັບບາດເຈັບ ຈາກການສູດດົມຄວັນໄຟ ຊຶ່ງນຳສົ່ງໂຮງໝໍແລ້ວ 17 ຄົນ.
ທັງນີ້ ທາງການອິດສະຣາແອນ ໄດ້ສັ່ງກຳລັງທະຫານຈຳນວນຫລາຍຮ້ອຍຄົນ ເຂົ້າຊ່ວຍເຈົ້າໜ້າທີ່ຕຳຫລວດ ແລະ ໜ່ວຍມອດໄຟຂອງເມືອງ ໃນການສະກັດກັ້ນ ບໍ່ໃຫ້ໄຟປ່າໄໝ້ລາມອອກສູ່ວົງກວ້າງ.
ຕິດຕາມເຮົາທາງFacebook ກົດຖືກໃຈເລີຍ!