ເຈົ້າເຄີຍສັງເກດເບິ່ງ “ນິ້ວກ້ອຍ” ຂອງເຈົ້າບໍ? ຫາກເຄີຍ ເຈົ້າຮູ້ບໍວ່າ “ນິ້ວກ້ອຍ” ສາມາດສື່ເຖິງຕົວຕົນຂອງເຈົ້າໄດ້ ຈະຖືກຂະໜາດໃດຕ້ອງມາເບິ່ງນຳກັນ, ສຳລັບຜູ້ຍິງ ໃຫ້ເບິ່ງເບື້ອງຊ້າຍ, ຜູ້ຊາຍ ໃຫ້ເບິ່ງເບື້ອງຂວາ ແລ້ວຂີດເສັ້ນແບ່ງຂໍ້ຕໍ່ ແຕ່ລະຂໍ້ເທິງນິ້ວກ້ອຍ ຈະໄດ້ທັງໝົດ 3 ຂໍ້
ສ່ວນທີ່່ຍາວທີ່ສຸດ ຄືສ່ວນທີ່ບົ່ງບອກໃຫ້ເຖິງຈຸດເດັ່ນຂອງເຈົ້າ
- ຂໍ້ເທິງຍາວທີ່ສຸດ: ເຈົ້າເປັນຄົນເວົ້າຈາຊັດເຈນ ທັງສຽງ ແລະກິລິຍາທ່າທາງ ຈຶ່ງມີພອນສະຫວັນ ໃນການເວົ້າຈາດຶງດູດຈິດໃຈຄົນ, ນອກຈາກນີ້ ຍັງເປັນຄົນຊ່າງສັງເກດ ແລະມີຄວາມຮອບຄອບຫຼາຍ
- ຂໍ້ກາງຍາວທີ່ສຸດ: ເຈົ້າເປັນຄົນທີ່ໃຫ້ຄວາມໃສ່ໃຈຕໍ່ກັບຄົນອື່ນ ແລະຄວາອົດທົນສູງທີ່ສຸດ, ລັກສະນະນີ້ ສ່ວນຫຼາຍມັກພົບເຫັນໃນບຸກຄົນທີ່ຢູ່ໃນວົງການແພດໝໍ
- ຂໍ້ລຸ່ມຍາວທີ່ສຸດ: ເຈົ້າເປັນຄົນມັກອິດສະລະ, ບໍ່ມັກໃຫ້ໃຜຄວບຄຸມ, ເປັນຄົນເວົ້າຈາເປີດເຜີຍ, ກົງໄປກົງມາ, ກ້າເວົ້າກ້າວ່າ, ເປັນຄົນມີເຫດຜົນ ແລະເກັ່ງເລື່ອງຖຽງກັບຄົນອື່ນ
ສ່ວນທີ່ສັ້ນທີ່ສຸດ ຄືສ່ວນທີ່ບົ່ງບອກເຖິງຈຸດອ່ອນຂອງເຈົ້າ
- ຂໍ້ເທິງສັ້ນທີ່ສຸດ: ເຈົ້າເປັນຄົນບໍ່ກ້າສະແດງອອກ, ເປັນຄົນຂີ້ອາຍຫຼາຍ, ດັ່ງນັ້ນ ຈຶ່ງສົ່ງຜົນໃຫ້ເຈົ້າບໍ່ມີມະນຸດສຳພັນກັບຄົນອ້ອມຂ້າງຫຼາຍປານໃດ
- ຂໍ້ກາງສັ້ນທີ່ສຸດ: ເຈົ້າເປັນຄົນທີ່ຊື່ສັດ, ມີຄວາມຍຸຕິທຳ, ມີຄວາມໝັ້ນຄົງ, ບໍ່ມີປະນີປະນອມ ມີຄວາມກົງປານໄມ້ບັນທັດ, ການເຄັ່ງຫຼາຍກໍບໍ່ດີ ເພາະອາດສົ່ງຜົນເສຍກັບເຈົ້າໄດ້
- ຂໍ້ກາງສັ້ນທີ່ສຸດ: ເຈົ້າເປັນຄົນຊື່ໆ ງ່າຍໆ ບໍ່ມີເລ່ລ່ຽມ, ບໍ່ມີມານຍາ ເຊື່ອຄົນງ່າຍ ຈົນບາງຄັ້ງອາດຖືກຫຼອກ ຫຼືຖືກໂກງໄດ້ງ່າຍ ດ້ວຍການໄຮ້ດຽງສາຂອງເຈົ້າເອງ
ຕິດຕາມນານາສາລະ ກົດໄລຄ໌ເລີຍ!