spot_img
Homeອຸບັດເຫດແລະປາກົດການຫຍໍ້ທໍ້ຈັບໄດ້ແລ້ວ ຄາດຕະກອນໂຫດ ໃຊ້ນ້ຳມັນເຜົາຄົນທັງເປັນ

ຈັບໄດ້ແລ້ວ ຄາດຕະກອນໂຫດ ໃຊ້ນ້ຳມັນເຜົາຄົນທັງເປັນ

Published on

ອີງຕາມການລາຍງານຂອງເຈົ້າໜ້າທີ່ຕຳຫຼວດແຂວງຈຳປາສັກ ສາມາດຈັບຕົວ ທ້າວ ເລຮຸ່ງ ຜູ້ໃຊ້ນ້ຳມັນເຜົາຄົນທັງເປັນ, ໃນເດືອນກໍລະກົດ 2016 ຜ່ານມາ ພາຍຫຼັງທີ່ໄດ້ລົງມືຢ່າງໂຫດຫ້ຽມ ແລ້ວເອົາຕົວຫຼົບໜີໄປຢູ່ນະຄອນຫຼວງວຽງຈັນ.
ທ່ານ ພັນໂທ ໄພຈິດ ໄຊຍະເດດ ຮອງຕຳຫຼວດຜູ້ຊີ້ນຳວຽກງານ ສືບສວນສອບສວນ ປກສ ແຂວງຈຳປາສັກ ລາຍງານໃຫ້ຮູ້ວ່າ: ວັນທີ 25 ຕຸລາ 2016 ເຈົ້າໜ້າທີ່ ປກສ ແຂວງຈຳປາສັກສົມທົບກັບເຈົ້າໜ້າທີ່ ປກສ ນະຄອນຫຼວງວຽງຈັນ ສາມາດນຳຈັບຕົວ ທ້າວ ເລຮຸ່ງ ຫຼື ຮຸ່ງ ອາຍຸ 27 ປີ ອາຊີບກຳມະກອນ ສັນຊາດຫວຽດນາມ ຢູ່ບ້ານພັດທະນາທ່າໄຮ ເມືອງປາກເຊ ແຂວງຈຳປາສັກ ມາດຳເນີນຄະດີໄດ້ແລ້ວ ໃນຂໍ້ຫາຄາດຕະກອນໂຫດທີ່ໃຊ້ນ້ຳມັນເຜົາຄູ່ອາຄາດທັງເປັນ.
ຜ່ານການສືບສວນ-ສອບສວນ ທ້າວ ເລຮຸ່ງ ໄດ້ສາລະພາບວ່າ: ໃນເດືອນມີນາ 2016 ຜູ້ກ່ຽວໄດ້ເອົາຢາເສບຕິດປະເພດຢາບ້າຈຳນວນ 1 ຖົງເທົ່າກັບ 200 ເມັດ ໃຫ້ທ້າວ ພອນທະວີ ອາຍຸ 32 ປີ (ຜູ້ເສຍຊີວິດ) ເປັນຜູ້ໄປຈຳໜ່າຍ. ແຕ່ພາຍຫຼັງຂາຍໝົດແລ້ວ ທ້າວ ພອນທະວີ ບໍ່ໄດ້ເອົາເງິນມາໃຫ້ຜູ້ກ່ຽວ, ສະນັ້ນ ທ້າວ ເລຮຸ່ງ ຈິ່ງໄດ້ ທວງຖາມເອົາເງິນຫຼາຍຄັ້ງ ແຕ່ບໍ່ໄດ້, ຕົກມາຮອດ ວັນທີ 24 ກໍລະກົດ 2016 ເວລາປະມານ 20:00 ໂມງ ຜູ້ກ່ຽວໄດ້ໄປຊື້ນ້ຳມັນແອັດຊັງ ຢູ່ປ້ຳນ້ຳມັນ ຈິດປະສົງ ຈຳນວນ 15.000 ກີບ ໃສ່ກະຕຸກ ເພື່ອມາໃສ່ລົດຈັກຢູ່ເຮືອນ ພໍຂີ່ມາຮອດຄ້ອຍ ໜ້າສະໜາມບິນສາກົນປາກເຊ ໄດ້ຫຼຽວເຫັນ ທ້າວ ພອນທະວີ ນັ່ງຄາບລົດຈັກຢູ່ແຄມທາງ ຜູ້ກ່ຽວຈິ່ງໄດ້ເຂົ້າໄປທວງຖາມເລື່ອງເງິນ ແຕ່ ທ້າວ ພອນທະວີ ຕອບປະຕິເສດວ່າບໍ່ມີເງິນ, ຜູ້ກ່ຽວຈິ່ງເກີດຄວາມໂມໂຫຢາກຮ້າຍ ຈິ່ງໄດ້ເອົານ້ຳມັນແອັດຊັງທີ່ຊື້ມາ ຫົດໃສ່ ທ້າວ ພອນທະວີ ແລ້ວຂີດກັບໄຟໃສ່ ເຮັດໃຫ້ໄຟໄໝ້ລຸກຖ້ວມຕົນໂຕ ທ້າວ ພອນທະວີ ທັງເປັນ. ຈາກນັ້ນສອງວັນຕໍ່ມາຄືວັນທີ 26 ກໍລະກົດ 2016 ທ້າວ ພອນທະວີ ກໍ່ໄດ້ເສຍຊີວິດລົງທີ່ໂຮງໝໍແຂວງ. ສ່ວນ ທ້າວ ເລຮຸ່ງ ກໍ່ໄດ້ເອົາຕົວຫຼົບໜີຄື: ວັນທີ 24 ກໍລະກົດ 2016 ໄດ້ໄປເຊົ່າຫ້ອງນອນຢູ່ເມືອງຊະນະສົມບູນ, ວັນທີ 25 ກໍລະກົດ 2016 ໄດ້ໄປເຊົ່າ ເຮືອນພັກ ຢູ່ແຂວງສະຫວັນນະເຂດເປັນເວລາ 2 ອາທິດ ຈິ່ງໄດ້ໜີໄປພັກນຳພີ່ນ້ອງຢູ່ນະຄອນຫຼວງວຽງຈັນ. ຈົນມາຮອດວັນທີ 25 ຕຸລາ 2016 ນີ້ຈິ່ງຖືກເຈົ້າໜ້າທີ່ກັກຕົວໄດ້ມາດຳເນີນຄະດີຕາມລະບຽບກົດໝາຍ.

ຂ່າວ: ໜັງສືພິມ ຈຳປາໃໝ່

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...