ບໍລິສັດສາມາດ ອີເວັ້ນອໍແກນນາຍເຊີ້ ຈຳກັດ ໄດ້ມີພິທີຖະແຫຼງຂ່າວ ກ່ຽວກັບການຈັດງານ ວັງວຽງ ມິວຊິກ ເຟສ 2016 ຂຶ້ນໃນະຄອນຫຼວງວຽງຈັນວັນທີ 8 ພະຈິກນີ້ ທີນະຄອນຫຼວງວຽງຈັນ, ໂດຍການເປັນປະທານຂອງທ່ານ ອານຸລັກ ປະຖຳມະວົງ ຜູ້ອຳນວຍການ ບໍລິສັດ ສາມາດ ອີເວັ້ນອໍແກນນາຍເຊີ້ ຈຳກັດ ໃຫ້ກຽດເຂົ້າຮ່ວມຂອງທ່ານ ຄຳພວງ ອິນທະວົງສີ ຫົວໜ້າກົມສິລະປະ ການສະແດງ, ມີຮອງປະທານ ສະມາຄົມນັກຂ່າວ ແຫ່ງ ສປປ ລາວ ແລະພາກສ່ວນທີ່ກ່ຽວຂ້ອງເຂົ້າຮ່ວມ
ງານມະຫາກຳ ດົນຕີ ນານາຊາດ ວັງວຽງ ມິວຊິກ ເຟສ ຈະໄດ້ຈັດຂຶ້ນເປັນຄັ້ງທີ 2 ໃນວັນທີ 16-17 ທັນວາ 2016 ທີ່ຖໍ້າລົມ ວັງວຽງ ແຂວງວຽງຈັນ, ພາຍໃນງານດັ່ງກ່າວ ທ່ານຈະໄດ້ພົບກັບ ສິລະປິນທີ່ມີຊື່ສຽງຈາກຄ້າຍເພງ Indee Record, ຈາກປະເທດເພື່ອນບ້ານ ມີສອງວົງທີ່ຈະມາຄື Labanoon, Big Ass ແລະ DJ ທີ່ດັງມາຈາກ 6 ປະເທດເຊັ່ນ: ລາວ, ຫວຽດນາມ, ອາເມລິກາ, ອີຕາລີ, ຢູເຄນ ແລະຟີລິບປິນ
ການຈັດງານໃນຄັ້ງນີ້ ກໍເພື່ອສົ່ງເສີມການທ່ອງທ່ຽວເມືອງວັງວຽງ ແລະງານດັ່ງກ່າວ ຈະສາມາດດຶງດູດແຂກ ທີ່ມາຈາກພາຍໃນ ແລະຕ່າງປະເທດ ໃຫ້ມາທ່ອງທ່ຽວ ຫຼາຍຂຶ້ນກວ່າເກົ່າ, ພ້ອມນັ້ນ ຍັງສ້າງລາຍໄດ້ ໃຫ້ກັບປະຊາຊົນໃນເມືອງວັງວຽງອີກດ້ວຍ
ຂ່າວ: ສຳນັກຂ່າວສານປະເທດລາວ