ສະມາຊິກສະພາທ້ອງຖິ່ນຮຽກຮ້ອງຕໍ່ບໍລິສັດຮວງແອງໃນນາມຜູ້ຮັບເໝົາກໍ່ສ້າງສະໜາມບິນໜອງຄ້າງໃຫ້ເອົາເງິນ 6 ຕື້ກີບມາຊົດເຊີຍປະຊາຊົນທີ່ໄດ້ຮັບຜົນກະທົບຈາກໂຄງການຮີບດ່ວນ
ຂປລ. ປະຊາຊົນຜູ້ໄດ້ຮັບຜົນກະທົບຈາກໂຄງການກໍ່ສ້າງສະໜາມບິນໜອງຄ້າງໃນແຂວງຫົວພັນຍັງບໍ່ໄດ້ຄ່າຊົມເຊີຍຈໍານວນເງິນ 6 ຕື້ກີບຈາກບໍລິສັດຮວງແອງອັດຕະປືພາຍໃຕ້ຮົ່ມເງົາຂອງບໍລິສັດຮວງແອງຢາລາຍຂອງຫວຽດນາມທີ່ໄດ້ຮັບສໍາປະທານຮັບເໝົາກໍ່ສ້າງສະໜາມດັ່ງກ່າວ ຂະນະທີ່ ສະມາຊິກສະພາທ້ອງຖິ່ນແຂວງຫົວພັນໄດ້ສະເໜີບັນຫາດັ່ງກ່າວຕໍ່ສະພາແຫ່ງຊາດ,ຄະນະລັດຖະບານໃຫ້ຂຸ້ນຂ້ຽວແກ້ໄຂດ່ວນ.
ບໍລິສັດຮວງແອງອັດຕະປືຂອງຫວຽດນາມໄດ້ຮັບສິດຮັບເໝົາກໍ່ສ້າງສະໜາມບິນໜອງຄ້າງມູນຄ່າ 74 ລ້ານໂດລາສະຫະລັດ ແລະ ໄດ້ເລີ່ມລົງມືກໍ່ສ້າງໃນປີ 2013 ແຕ່ບໍ່ມີຄຄວາມຄືໜ້າ ຍິ່ງໄປກວ່ານັ້ນຍັງບໍ່ໄດ້ມາດຕະຖານທີ່ລັດຖະບານລາວກໍານົດໄວ້ ແຕ່ແນວໃດກໍດີ ບໍລິສັດດັ່ງກ່າວອ້າງວ່າຕົນເອງຂາດສະພາບຄ້ອງທຶນ ແລະ ເປັນໜີ້ຄຸມເຄືອຈົນເຖິງຂັ້ນປະກາດຂາຍສວນຢາງພາລາ 20 ພັນເຮັກຕາໃຫ້ນັກລົງທຶນຈີນໃນແຂວງພາກໃຕ້ຂອງ ສປປ ລາວ.
ບໍລິສັດຮວງແອງຢາລາຍເປັນທີ່ຮູ້ຈັກໃນນາມບໍລິສັດຍັກໃຫຍ່ໂດ່ງດັງໃນປະເທດຫວຽດນາມໂດຍສ່ວນໃຫຍ່ແມ່ນດໍາເນີນທຸລະກິດຂຸດຄົ້ນບໍ່ແຮ່, ສ້າງເຂື່ອນໄຟຟ້າ, ຂຸດຄົ້ນໄມ້, ກໍ່ສ້າງ ແລະ ອື່ນໆ.
ໂດຍ: ຮັກຊາດ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!