spot_img
Homeຂ່າວການພັດທະນາ20 ປີທີ່ ມຊ ເກີດສ້າງບຸກຄະລາກອນໄດ້ແລ້ວເກືອບ 90 ພັນຄົນ

20 ປີທີ່ ມຊ ເກີດສ້າງບຸກຄະລາກອນໄດ້ແລ້ວເກືອບ 90 ພັນຄົນ

Published on

ມະຫາວິທະຍາໄລແຫ່ງຊາດ (ມຊ) ຈັດພິທີສະເຫຼີມສະຫຼອງຄົບຮອບ 20 ປີ (5 ພະຈິກ 1996 – 5 ພະຈິກ 2016) ແຫ່ງການເຕີບໃຫຍ່ຂະຫຍາຍຕົວຂຶ້ນຢ່າງມີບັນຍາກາດຟົດຟື້ນ ໃນວັນທີ 3 ພະຈິກ 2016 ທີ່ມະຫາວິທະຍາໄລ ນະຄອນຫຼວງວຽງຈັນ ໂດຍໃຫ້ກຽດເຂົ້າ ຮ່ວມເປັນປະທານ ແລະໂອ້ລົມໃຫ້ທິດຊີ້ນໍາຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານລັດຖະມົນຕີ, ຮອງລັດຖະມົນຕີ,ຫົວໜ້າກົມ, ຮອງກົມ, ບັນດາທ່ານຮອງ ອະທິການບໍດີ, ຄະນະບໍດີ, ພະນັກງານ ຄູອາຈານ ແລະນັກສຶກສາ ພ້ອມດ້ວຍ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ.

ໂອກາດນີ້ ທ່ານ ສົມສີ ຍໍພັນໄຊ ຮັກສາການອະທິການບໍດີມະຫາວິທະຍາໄລ ແຫ່ງຊາດ ກ່າວວ່າ: ຜ່ານໄລຍະ 20 ປີ ແຫ່ງການເຕີບໃຫຍ່ຂະຫຍາຍຕົວ, ປະຈຸບັນ ມຊ ປະກອບດ້ວຍ 12 ຄະນະວິຊາ, 11 ຫ້ອງການບໍລິຫານ, 2 ສະຖາບັນ 4 ສູນ 1 ຫໍສະໝຸດກາງ 1 ໂຮງໝໍ 1 ໂຮງຮຽນພອນສະຫວັນ ແລະຊົນເຜົ່າທີ່ ຢູ່ພາຍໃຕ້ການຊີ້ນໍາໂດຍກົງຂອງອະທິ ການບໍດີ, ໃນປີ 2015-2016 ມຊ ມີອາຈານສອນທັງໝົດ 1,5 ພັນກວ່າຄົນ, ຍິງ 6 ຮ້ອຍກວ່າຄົນ, ມີນັກສຶກສາທັງໝົດ 21,5 ພັນກວ່າຄົນ, ຍິງ 8,9 ພັນກວ່າ ຄົນ, ໃນຈໍານວນດັ່ງກ່າວເປັນນັກສຶກສາຕ່າງປະເທດ 699 ຄົນ.

ດ້ານວິຊາການໄດ້ເອົາໃຈໃສ່ໃນ ການປັບປຸງ ແລະພັດທະນາຫຼັກສູດແຕ່ ລະວິຊາ ໂດຍອີງໃສ່ຄວາມຕ້ອງການໃນ ການພັດທະນາເສດຖະກິດ-ສັງຄົມຂອງຊາດ ແລະການເຊື່ອມໂຍງກັບພາກພື້ນ ໃຫ້ແທດເໝາະກັບການປ່ຽນແປງແຕ່ລະໄລຍະ, ມາຮອດປະຈຸບັນມີຫຼັກສູດທີ່ເປີດ ການຮຽນ-ການສອນທັງໝົດ 178 ຫຼັກສູດ, ຊຶ່ງມີນັກສຶກສາໄດ້ສໍາເລັດ ການສຶກສາຜ່ານຫຼັກສູດເຫຼົ່ານີ້ໄປແລ້ວທັງໝົດ 89,9 ພັນກວ່າຄົນ, ຍິງ 31,8 ພັນກວ່າ ຄົນ, ດ້ານວຽກງານບໍລິຫານແມ່ນໄດ້ ເອົາໃຈໃສ່ກໍ່ສ້າງໂຄງລ່າງພື້ນຖານ ເພື່ອຮັບໃຊ້ໃນການຮຽນ-ການສອນ ໂດຍນໍາໃຊ້ງົບປະມານຂອງລັດຖະບານ, ໂຄງການຊ່ວຍເຫຼືອລ້າ ແລະໂຄງການ ຮ່ວມມືສາກົນທາງດ້ານວິຊາການ, ຂະນະທີ່ວຽກງານການຄົ້ນຄວ້າວິທະຍາສາດ ກໍເຫັນວ່າມີລັກສະນະພົ້ນເດັ່ນ ແລະ ຕໍ່ເນື່ອງ ໂດຍໄດ້ຮັບທຶນສະໜັບສະໜູນ ຈາກລັດຖະບານໂດຍສະເລ່ຍແລ້ວຕື້ກີບຕໍ່ປີ, ຮັບການສະໜັບສະໜູນໂດຍກອງ ທຶນເພື່ອສຶກສາອາຊີຂອງລັດຖະບານ ເກົາຫຼີ ແລະກອງທຶນອື່ນໆ, ມາຮອດປະຈຸບັນ ໄດ້ສໍາເລັດການຄົ້ນຄວ້າແລ້ວຫຼາຍກວ່າ 5 ຮ້ອຍຫົວບົດ ສ່ວນໃຫຍ່ແມ່ນໄດ້ຖືກຕີພິມໃນວາລະສານຄົ້ນຄວ້າວິທະຍາສາດພາຍໃນ ມຊ ເອງ.

ນອກຈາກວຽກງານການຮຽນ-ການສອນອັນເປັນປົກກະຕິ ອາຈານ ແລະນັກສຶກສາ ໄດ້ເອົາໃຈໃສ່ເຮັດວຽກບໍລິການວິຊາການແກ່ສັງຄົມເຊັ່ນ: ການໃຫ້ຄວາມຮູ້ທາງດ້ານພື້ນຖານກົດໝາຍ, ການສົ່ງເສີມວຽກງານກະສິກໍາ-ປ່າໄມ້, ດ້ານຄອມພິວເຕີ, ພາສາຕ່າງປະເທດ, ການປະກອບສ່ວນເຄື່ອນໄຫວກິດຈະກໍາພັດທະນາຊົນນະບົດ ແລະອື່ນໆ.

ສຳລັບແນວທາງພົວພັນຕ່າງປະເທດຂອງ ພັກ-ລັດ ມຊ ໄດ້ມີການພົວພັນຮ່ວມ ມືດ້ານວິຊາການໂດຍກົງກັບສະຖາບັນ ການສຶກສາຕ່າງປະເທດ ແລະອົງການ ຈັດຕັ້ງສາກົນຕ່າງໆເພື່ອເຊື່ອມໂຍງ ແລະ ນໍາເອົາບົດຮຽນດ້ານຕັ້ງໜ້າຈາກຕ່າງປະເທດ ເຂົ້າສູ່ການພັດທະນາທາງດ້ານ ວິຊາການ ແລະໄດ້ລົງນາມບົດບັນທຶກ ຄວາມຊົງຈໍາທາງດ້ານວິຊາການກັບ 100 ກວ່າມະຫາວິທະຍາໄລໃນ 29 ປະ ເທດ 14 ອົງການສາກົນ, ດ້ານກິດຈະກຳຄຸ້ມຄອງນັກສຶກສາ ແມ່ນໄດ້ຊຸກຍູ້ໃຫ້ ເຂົ້າຮ່ວມແລກປ່ຽນວັດທະນະທໍາ, ກີລາ ກາຍະກໍາ ແລະເຂົ້າຮ່ວມແຂ່ງຂັນດ້ານວິ ທະຍາສາດກັບບັນດາປະເທດພາກພື້ນ ແລະໄດ້ຮັບຜົນສໍາເລັດດີ, ນອກນັ້ນໄດ້ ເອົາໃຈໃສ່ຍາດແຍ່ງທຶນການສຶກສາຈາກມູນນິທິ, ອົງການຈັດຕັ້ງສາກົນ, ບໍລິສັດ ເພື່ອຊ່ວຍເຫຼືອນັກຮຽນເກັ່ງ, ມີ ຄຸນສົມບັດດີ, ມີຄວາມຕັ້ງໃຈສູ້ຊົນຮໍ່າ ຮຽນແຕ່ຍັງຂາດເຂີນທາງດ້ານທຶນຮອນໄດ້ເກືອບ 1 ພັນຄົນ.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...