spot_img
Homeຂ່າວທ້ອງຖິ່ນແຂວງບໍລິຄຳໄຊ ມອບເງິນນະໂຍບາຍ ໃຫ້ຜູ້ມີຜົນງານ ໃນພາລະກິດປະຕິວັດຊາດ ປະຊາທິປະໄຕ

ແຂວງບໍລິຄຳໄຊ ມອບເງິນນະໂຍບາຍ ໃຫ້ຜູ້ມີຜົນງານ ໃນພາລະກິດປະຕິວັດຊາດ ປະຊາທິປະໄຕ

Published on

​ວັນ​ທີ 2 ພະຈິກຜ່ານມານີ້, ທ່ານ ​ແດນ​ປີ ມູນ​ທະ​ດີ ຮອງ​ເລຂາ​ພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ ແຂວງບໍລິ​ຄຳ​ໄຊ ໄດ້​ເປັນກຽດມອບເງິນ ນະໂຍບາຍປ່ຽນແທນໂກຕາລົດ ໃຫ້ນັກປະຕິວັດອາວຸໂສ ສົກ​ປີ 2015-2016 ຈຳນວນ 25 ທ່ານ ​ລວມ​ເງິນ​ທັງ​ໝົດ 1,7 ຕື້​ກວ່າກີບ ແລະ ເງິນສົມທົບປຸກສ້າງ-ສ້ອມແປງເຮືອນ ໃຫ້ພະນັກງານບຳນານ ຈຳນວນ 9 ທ່ານ ລວມ​ເງິນ 270 ລ້ານ​ກີບ. ທັງ​ນີ້​ກໍເພື່ອ​ເປັນ​ການສະ​ແດງ​ ເຖິງຄວາມຮູ້ບຸນຄຸນ, ຄຸນງາມຄວາມດີ ຕໍ່ຜູ້​ທີ່​ມີ​ຜົນງານ ​ແລະ ຄຸນງາມຄວາມດີ​ໃນ​ພາລະກິດ​ ຮັບ​ໃຊ້​ການ​ປະຕິວັດ​ຊາດ​ ປະຊາທິປະ​ໄຕ.

ພ້ອມນີ້, ທ່ານ ​ແດນ​ປີ ມູນ​ທະ​ດີ ​ຍັງໄດ້​ສ​ະແດງ​ຄວາມຊົມ​ເຊີຍ​ຕໍ່ ​ພະ​ແນ​ກແຮງງານ ແລະ ສະຫວັດດີການສັງຄົມແຂວງ ທີ່​ໄດ້​ເອົາໃຈໃສ່​ຈັດ​ຕັ້ງ​ປະຕິບັດ ຕໍ່​​ວຽກ​ງານນະ​ໂຍບາຍດ້ານຕ່າງໆຕໍ່ຜູ້ທີ່ມີຜົນງານ, ຄຸນງາມຄວາມດີ ໃນພາລະກິດປະຕິວັດຊາດ ແລະ ໃຫ້ສືບຕໍ່​ຈັດ​ຕັ້ງປະຕິບັດ​ນະ​ໂຍບາຍດັ່ງກ່າວ ​ໃຫ້​ຖືກຕ້ອງ​ສອດຄ່ອງ​ ກັບ​ສະພາບ​ຄວາມ​ເປັນ​ຈິງຂອງ​ພັກ-ລັດ​ວາງ​ອອກ ໃນແຕ່ລະໄລຍະ.
ແຫລ່ງຂ່າວ:
ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...