spot_img
Homeຂ່າວຕ່າງປະເທດກຸ່ມຕິດອາວຸດບຸກຊິງສະໜາມບິນລີເບຍ ຕາຍຢ່າງໜ້ອຍ 47 ເຮືອບິນຖືກເຜົາວອດ!

ກຸ່ມຕິດອາວຸດບຸກຊິງສະໜາມບິນລີເບຍ ຕາຍຢ່າງໜ້ອຍ 47 ເຮືອບິນຖືກເຜົາວອດ!

Published on

LIBYA-UNREST-AVIATION

 

ການຕໍ່ສູ້ລະຫວ່າງກຸ່ມຕິດອາວຸດອິດສະລາມິສ ກັບນັກຮົບຝ່າຍກົງກັນຂ້າມ ທີ່ຄວບຄຸມສະໜາມບິນຫຼັກຂອງລີເບຍ

ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 47 ຄົນ ພາຍໃນຮອບອາທິດນີ້ ຕາມການຖະແຫຼງຂອງກະຊວງສາທາລະນະສຸກ

ລິເບຍ ໃນວັນນີ້ (21 ກໍລະກົດ).

 

ການສູ້ຮົບ ເຊິ່ງເລີ່ມຂຶ້ນຕັ້ງແຕ່ວັນທີ 13 ກໍລະກົດຜ່ານມາ ຍັງຄົງເຮັດໃຫ້ມີຜູ້ບາດເຈັບອີກປະມານ 120 ຄົນ ຕາມ

ຂໍ້ມູນເມື່ອວັນເສົາ ແລະ ສົ່ງຜົນເຮັດໃຫ້ສະໜາມບິນສາກົນຕິໂປລີ ຕ້ອງປິດການໃຫ້ບໍລິການ.

 

ສະຫະພາບເອີລົບ ໄດ້ອອກມາຖະແຫຼງປະນາມເຫດຮຸນແຮງຄັ້ງລ່າສຸດ ເມື່ອວັນທີ 20 ກໍລະກົດ ຫຼັງຈາກທີ່ຂໍ້ຕົກລົງ

ຢຸດຍິງລະຫວ່າງກຸ່ມອິດສະລາມິສ ແລະ ກຸ່ມຕິດອາວຸດອີກກຸ່ມໜຶ່ງເຊິ່ງເປັນຄູ່ແຂ່ງ ບໍ່ໄດ້ຮັບການປະຕິບັດອີກຕໍ່ໄປ

ເມື່ອ 2 ມື້ທີ່ຜ່ານມາ.

 

LIBYA-UNREST-AVIATION

 

ແນວຮ່ວມກຸ່ມຕິດອາວຸດ ເຊິ່ງນຳໂດຍນັກຮົບອິດສະລາມິສ ໄດ້ເປີດສາກໂຈມຕີສະໜາມບິນຕິໂປລີ ມື້ວານນີ້ ກ່ອນ

ທີ່ການຕໍ່ສູ້ຈະລຸກລາມອອກໄປຍັງຖະໜົນ ທີ່ມຸ່ງໜ້າເຂົ້າສູ່ເມືອງຫຼວງຂອງປະເທດ.

 

ເຫດຮຸນແຮງທີ່ເກີດຂຶ້ນ ສົ່ງຜົນໃຫ້ຖ້ຽວບິນບໍ່ສາມາດຂຶ້ນ – ລົງໄດ້ ແລະ ສ້າງຄວາມເສຍຫາຍຢ່າງໜັກ ຕໍ່ສະໜາມ

ແລະ ໂຄງສ້າງພື້ນຖານຕ່າງໆ ເຊິ່ງເຈົ້າໜ້າທີ່ການບິນຄາດວ່າ ສະໜາມບິນຕິໂປລີແຫ່ງນີ້ ອາດຈະຕ້ອງປິດເພື່ອປັບ

ປຸງອີກຫຼາຍເດືອນ.

 

ສາຍການບິນລິບຽນແອຣ໌ລາຍ ໄດ້ໂພສຕ໌ຂໍ້ຄວາມໃນເຟສບຸກວ່າ ເຮືອບິນບອມບາເດຍ CRJ 900 ລຳໜຶ່ງຖືກທຳ

ລາຍ ໃນຂະນະດຽວກັນກໍມີຜູ້ໂພສຕ໌ພາບເຮືອບິນລິບຽນແອຣ໌ລາຍລຳໜຶ່ງ ກຳລັງຖືກໄຟລຸກໄໝ້ລົງທາງສື່ສັງຄົມ

ອອນລາຍ ເຊິ່ງຕໍ່ມາກໍມີລາຍງານເພີ່ມເຕີມວ່າ ເຮືອບິນແອຣ໌ບັສ A330 ອີກລຳໜຶ່ງກໍຖືກໄຟໄໝ້ເຊັ່ນດຽວກັນ.

 

 

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...