spot_img
Homeຂ່າວການພັດທະນາລາວ-ຫວຽດນາມ ຈະຮ່ວມກັນແກ້ໄຂໂຄງການສະໜາມບິນໜອງຄ້າງໃນໄວໆນີ້

ລາວ-ຫວຽດນາມ ຈະຮ່ວມກັນແກ້ໄຂໂຄງການສະໜາມບິນໜອງຄ້າງໃນໄວໆນີ້

Published on

ລັດຖະບານໄດ້ແນະນໍາໃຫ້ກະຊວງແຜນການ ແລະ ການລົງທຶນກະກຽມເອົາບັນຫາໂຄງ ການກໍ່ສ້າງສະໜາມບິນໜອງຄ້າງ, ແຂວງຫົວພັນ ເປັນວາລະສໍາຄັນໃນກອງປະຊຸມຄະນະກໍາມະການຮ່ວມມືລາວ-ຫວຽດນາມທີ່ຈະຈັດຂຶ້ນໃນຕໍ່ໜ້ານີ້, ຫລັງຈາກບໍລິສັດຜູ້ຮັບເໝົາລົງທຶນຈາກຫວຽດ ນາມໄດ້ຢຸດການກໍ່ສ້າງໂຄງການດັ່ງກ່າວ.
ບັນຫານີ້ໄດ້ຮັບການເປີດເຜີຍຈາກທ່ານລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທ ຂ) ບຸນຈັນ ສີນທະວົງ ໃນກອງປະຊຸມສະພາແຫ່ງຊາດເມື່ອທ້າຍອາທິດຜ່ານມານີ້ວ່າ: ພາຍຫລັງກະຊວງ ຍທຂ ໄດ້ລາຍງານຕໍ່ກອງປະຊຸມນາຍົກ-ຮອງນາຍົກທີ່ໄຂຂຶ້ນເມື່ອຕົ້ນເດືອນສິງຫາ 2016 ຜ່ານມາກ່ຽວກັບໂຄງການສະໜາມບິນໜອງຄ້າງ, ແຂວງຫົວພັນ ທີ່ບໍລິສັດພັດທະນາກະສິກໍາຮວ່າງແອງອັດຕະປືເປັນຜູ້ຮັບເໝົາລົງທຶນກໍ່ສ້າງໃນມູນຄ່າທັງໝົດ 74 ລ້ານໂດລາສະຫະລັດ, ມາແຕ່ຕົ້ນເດືອນມີນາ 2015 ແລະ ມາຮອດທ້າຍປີ 2015 ການກໍ່ສ້າງມີຄວາມຄືບໜ້າພຽງ 30% ຕາມແຜນ ການແມ່ນຕ້ອງຄືບໜ້າຫລາຍກວ່າ 70% ແລະ ບໍລິສັດໄດ້ຢຸດການກໍ່ສ້າງໂດຍອ້າງວ່າບໍ່ມີເງິນ ແລະ ບໍ່ໄດ້ຮັບການສຳປະທານໂຄງການເຂື່ອນໄຟຟ້ານ້ຳແອດ 1, 2 ແລະ 3 ຈາກລັດຖະບານລາວ. ຕໍ່ບັນ ຫາດັ່ງກ່າວກອງປະຊຸມນາຍົກ-ຮອງນາຍົກ ຈຶ່ງແນະນໍາໃຫ້ກະຊວງການເງິນເຊີນບໍລິສັດດັ່ງກ່າວມາ ປືກສາຫາລືຄືນໃໝ່ກ່ຽວກັບການກໍ່ສ້າງ ແລະ ການຊົດເຊີຍຄ່າເສຍຫາຍໃຫ້ປະຊາຊົນທີ່ໄດ້ຮັບຜົນກະທົບຈາກໂຄງການ ແລະ ໃຫ້ກະຊວງແຜນການ ແລະ ການລົງທຶນ ກະກຽມເອົາບັນຫາດັ່ງກ່າວເຂົ້າລາຍງານຕໍ່ກອງປະຊຸມຄະນະກໍາມະການຮ່ວມມືລາວ-ຫວຽດນາມທີ່ຈະຈັດຂຶ້ນໃນຕໍ່ໜ້ານີ້.

ທ່ານລັດຖະມົນຕີກະຊວງດັ່ງກ່າວໃຫ້ຮູ້ວ່າ: ໃນໄລຍະຜ່ານມາ, ຂະແໜງກ່ຽວຂ້ອງໄດ້ຮ່ວມປຶກສາຫາລືກັບບໍລິສັດຜູ້ຮັບເໝົາຫລາຍຄັ້ງແຕ່ກໍ່ໃຫ້ເຫດຜົນວ່າເປັນການຢຸດກໍ່ສ້າງຊົ່ວຄາວເທົ່ານັ້ນ ແລະ ຢືນຢັນຍັງຈະສືບຕໍ່ການກໍ່ສ້າງຖ້າຫາກສະພາບການເງິນຂອງບໍລິສັດດີຂຶ້ນ ແລະ ຖ້າລັດຖະບານລາວມອບໂຄງການເຂື່ອນໄຟຟ້າແຫ່ງໃໝ່ເພື່ອທົດແທນໂຄງການເຂື່ອນນ້ຳແອັດ 1, 2 ແລະ 3 ໄດ້ກ່ອນ. ນອກຈາກນີ້ການຈ່າຍຊົດເຊີຍຄ່າເສຍຫາຍຜົນກະທົບຕ່າງໆຈາກໂຄງການ ເປັນຕົ້ນ: ເຮັດໃຫ້ດິນເຈື່ອນໄຫລເຂົ້າຖົມທົ່ງນາ ແລະ ເນື້ອທີ່ປູກຝັງຂອງປະຊາຊົນຈົນບໍ່ສາມາດທໍາການຜະລິດໄດ້ຫລາຍກວ່າ 60 ເຮັກຕາ ແລະ ນໍ້າຖ້ວມສາງເຂົ້າເສຍຫາຍເປັນຈໍານວນຫລາຍ, ຊຶ່ງລວມມູນຄ່າເສຍຫາຍຫລາຍກວ່າ 6 ຕື້ກີບກໍຍັງບໍ່ທັນໄດ້ຮັບການຈັດຕັ້ງປະຕິບັດເຊັ່ນກັນ

ຂ່າວ: ລາວພັດທະນາ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...