spot_img
Homeຂ່າວການພັດທະນາຜູ້ອາຍຸສູງຫຼາຍກວ່າພັນຄົນ ໄດ້ຮັບບໍລິການກວດພະຍາດໂດຍບໍ່ເສຍຄ່າ

ຜູ້ອາຍຸສູງຫຼາຍກວ່າພັນຄົນ ໄດ້ຮັບບໍລິການກວດພະຍາດໂດຍບໍ່ເສຍຄ່າ

Published on

ກະຊວງແຮງງານ ແລະ ສະຫວັດດີການ-ສັງຄົມ ຮ່ວມກັບໂຮງໝໍເຊດຖາທິລາດ ໂດຍໄດ້ຮັບການສະໜັບສະໜູນຈາກບໍລິສັດ ວຽງທອງການຢາ ຈຳກັດ ໄດ້ຈັດການສະເຫຼີມສະຫຼອງວັນຜູ້ອາຍຸສູງສາກົນ 2016 “ຮັກ ແລະ ຫ່ວງໄຍໃສ່ໃຈຜູ້ມີພະຄຸນ” ຂຶ້ນໃນວັນທີ 12 ຕຸລາ 2016 ທີ່ສູນການຄ້າລາວ-ໄອເຕັກ ເປັນປະທານຮ່ວມຂອງທ່ານ ແສງອາລຸນ ຫຼວງລາດ ຮອງຫົວໜ້າກອງເລຂາຄະນະກຳມະການແຫ່ງຊາດ ເພື່ອຄົນພິການ ແລະ ຜູ້ອາຍຸສູງ ແລະ ທ່ານ ຮສ.ດຣ. ຄຳເປ ພົງສະຫວັດ ຜູ້ອຳນວຍການໂຮງໝໍເຊດຖາທິລາດ.
ກະຊວງແຮງງານ ແລະ ສະຫວັດດີການ-ສັງຄົມ ຮ່ວມກັບໂຮງໝໍເຊດຖາທິລາດ ໄດ້ຮ່ວມກັນຈັດງານດັ່ງກ່າວຂຶ້ນ ເພື່ອເປັນການຄຳນັບຮັບຕ້ອນວັນຊາດທີ 2 ທັນວາ ເພື່ອປະຕິບັດແຜນຍຸດທະສາດຂອງກົມການເມືອງສູນກາງພັກ ຄັ້ງທີ X ໃຫ້ປາກົດຜົນເປັນຈິງ ທັງເປັນການປະຕິບັດແຜນຍຸດທະສາດຂອງກະຊວງສາທາລະນະສຸກ ເພື່ອຕ້ານ ແລະ ຄວບຄຸມພະຍາດບໍ່ຕິດຕໍ່ ເປັນຕົ້ນ ພະຍາດເບົາຫວານ ພະຍາດຄວາມດັນເລືອດສູງ ຫົວໃຈ ແລະ ຫຼອດເລືອດ ມະເຮັງ ແລະ ພະຍາດຫອບຫືດ ແລະ ທີ່ສຳຄັນ ເພື່ອສະເຫຼີມສະຫຼອງວັນຜູ້ອາຍຸສູງ ຄຽງຄູ່ກັນນັ້ນ ກໍ່ເພື່ອກະຕຸກຊຸກຍູ້ໃຫ້ຜູ້ອາຍຸສູງ ໃຫ້ເຂົ້າມາກວດສຸຂະພາບນຳແພດໝໍຢ່າງໜ້ອຍປີລະຄັ້ງ ສຳລັບງານດັ່ງກ່າວ ແມ່ນໄດ້ຈັດຕິດຕໍ່ກັນເປັນປີທີ 6.

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...