ການໃຊ້ຜ້າອະນາໄມເປັນສິ່ງທີ່ຈຳເປັນສຳລັບແມ່ຍິງ ເພາະເຮົາຕ້ອງໄດ້ໃສ່ມັນທຸກເດືອນ ຈົນກວ່າຈະໝົດປະຈຳເດືອນ ຫຼືໃນເວລາມີລູກກໍຈະບໍ່ໄດ້ໃສ່. ການເປັນປະຈຳເດືອນເປັນສິ່ງທີ່ີດີສຳລັບສຸຂະພາບຮ່າງກາຍຂອງແມ່ຍິງ ເພາະການເປັນປະຈຳເດືອນຊ່ວຍໃຫ້ໂຮໂມນຕ່າງໆ ພາຍໃນຮ່າງກາຍເຮົາມີຄວາມສົມດູນ ເຮັດໃຫ້ຮ່າງກາຍຂອງເຮົາດີຂຶ້ນ, ແຕ່ການໃຊ້ຜ້າອະນາໄມໃນທຸກໆເດືອນລະຫວ່າງເປັນປະຈຳເດືອນ ອາດສ່ຽງຕໍ່ການເປັນມະເຮັງມົດລູກໄດ້ ຖ້າບໍ່ຮູ້ຈັກການໃຊ້ຜ້າອະນາໄມທີ່ຖືກຕ້ອງ ສິ່ງທີ່ບໍ່ຄວນເຮັດເວລາໃສ່ຜ້າອະນາໄມ
- ປ່ຽນຜ້າອະນາໄມໜ້ອຍກວ່າ 2 ເທື່ອຕໍ່ມື້: ການທີ່ເຮົາບໍ່ປ່ຽນຜ້າອະນາໄມຕະຫຼອດຈະເຮັດໃຫ້ຈຸດຊ່ອນເລັ້ນເຮົາອັບຊື້ນ, ສຳລັບຄົນທີ່ມາບໍ່ຫຼາຍຄື ມື້ໜຶ່ງມາໜ້ອຍດຽວກໍຄວນປ່ຽນຜ້າອະນາໄມຢ່າງໜ້ອຍ 2 ອັນຕໍ່ວັນ, ເພາະຄວາມອັບຊື້ນນັ້ນ ຈະເຮັດໃຫ້ເຊື້ອແບັກທີເລຍເຕີບໂຕໄດ້ດີ ເຊິ່ງສ່ຽງຕໍ່ການຕິດເຊື້ອໃນຊ່ອງຄອດ
- ປະຜ້າອະນາໄມໄວ້ຫ້ອງນໍ້າ: ການປະໄວ້ນັ້ນຈະເຮັດໃຫ້ຜ້າອະນາໄມດູດຊຶມຄວາມຊຸ່ມຊື້ນ, ຖ້າຫາກຜ້າອະນາໄມຫາກຊຸ່ມຊື້ນ ຈະເຮັດໃຫ້ເຊື້ອແບັກທີເລຍເຕີບໂຕໄດ້ງ່າຍ ແລະທີ່ສຳຄັນທີ່ສຸດ ຢູ່ໃນຫ້ອງນໍ້າເປັນບ່ອນສະສົມຂອງເຊື້ອພະຍາດ ຈຶ່ງບໍ່ຄວນເກັບໄວ້ຫ້ອງນໍ້າ ແຕ່ຄວນເກັບໄວ້ບ່ອນແຫ້ງ ແລະສະອາດຈະດີກວ່າ
- ມັກໃຊ້ຜ້າອະນາໄມທີ່ຊຶມຊັບຫຼາຍ: ເພື່ອໃຫ້ບໍ່ໄດ້ປ່ຽນຜ້າອະນາໄມໃນມື້ນັ້ນ ເຈົ້າຄວນຈະປ່ຽນຄວາມຄິດໃໝ່ ເພາະຜ້າອະນາໄມທີ່ມີປະຈຳເດືອນນັ້ນ ເປັນແຫຼ່ງອາຫານຂອງເຊື້ອແບັກທີເລຍທີ່ເກີດຈາກການທີ່ເຮົາໃຊ້ອັນດຽວຕະຫຼອດວັນ
- ບໍ່ອ່ານວັນເດືອນປີຜະລິດ: ຜ້າອະນາໄມທີ່ຜະລິດອອກມາດົນແລ້ວ ແຕ່ໃຊ້ບໍ່ໝົດຄຸນນະພາບກໍຫຼຸດລົງ, ເຮົາຄວນຊື້ມາໃຊ້ເທື່ອເລັກເທື່ອໜ້ອຍ ໃຊ້ໝົດແລ້ວຄ່ອຍຊື້ໃໝ່ ແລະທີ່ສຳຄັນຄວນເບິ່ງວັນເດືອນປີຜະລິດກ່ອນທີ່ຈະຊື້ທຸກຄັ້ງ ເພື່ອຄວາມປອດໄພຂອງໂຕທ່ານເອງ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ