spot_img
Homeຂ່າວເຫດການລາວ-ຈີນ ຮັດແໜ້ນສາຍພົວພັນຮ່ວມມື ຜ່ານສິລະປະວັດທະນະທໍາ

ລາວ-ຈີນ ຮັດແໜ້ນສາຍພົວພັນຮ່ວມມື ຜ່ານສິລະປະວັດທະນະທໍາ

Published on

ຂປລ. ກະຊວງ​ຖະ​ແຫລ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ​ ຮ່ວມ​ກັບ​ ສູນວັດທະນະ​ທໍາ​ຈີນປະ​ຈໍາ ສປປ ລາວ​ ຈັດ​ງານ​ສັບປະດາ​ວັດທະນະ​ທໍາ​ຊິນ​ຈ່ຽງ ສປ ຈີນ​ ຂຶ້ນ​ໃນ​ວັນ​ທີ 11 ຕຸລານີ້​ ທີ່​ຫໍ​ວັດທະນະ​ທໍາ​ແຫ່ງ​ຊາດ ນະຄອນຫລວງ​ວຽງ​ຈັນ, ​ໂດຍ​ໃຫ້​ກຽດ​ເຂົ້າ​ຮ່ວມມີ ທ່ານ​ ບໍ່​ແສງ​ຄໍາ ວົງ​ດາລາ ລັດຖະມົນຕີ​ກະຊວງ​ຖະ​ແ​ຫລງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ, ທ່ານ ສິນ​ລະ​ວົງ ຄຸດ​ໄພທູນ ​ເຈົ້າ​ຄອງ​ນະຄອນຫລວງ​ວຽງ​ຈັນ, ທ່ານ ​ແຊ້ຊຽວຮົວ ຫົວໜ້າ​ສູນວັດທະນະ​ທໍາ​ຈີນ ​ປະ​ຈໍາ ສປປ ລາວ, ພ້ອມ​ດ້ວຍ​ແຂກ​ຖືກ​ເຊີນ ​ແລະ ຊາວ​ນະຄອນຫລວງ​ວຽງ​ຈັນ ​ເຂົ້າ​ຮ່ວມຢ່າງ​ຄຶກຄື້ນ​ມ່ວນຊື່ນ.

ງານ​ສັບປະດາ​ວັດທະນະ​ທໍາ​ດັ່ງກ່າວ, ຈັດ​ຂຶ້ນ​ເພື່ອ​ສົ່ງ​ເສີມ​ມິດຕະພາບ​ ລະຫວ່າງ​ສອງ​ປະ​ເທດ​ ລາວ-ຈີນ, ຊຸກ​ຍູ້ການ​ແລກປ່ຽນຮ່ວມ​ມື​ເຊິ່ງກັນ ​ແລະ ກັນ ​ໂດຍ​ຜ່ານ​ການສະ​ແດງ ​ສິລະ​ປະ​ວັນນະຄະດີ 13 ລາຍການ​​ ໃຫ້​ຜູ້​ຊົມ​ໄດ້​ຮັບ​ຊົມ. ພ້ອມ​ນີ້, ​ຍັງ​​ໄດ້​ວາງສະ​ແດງຮູບ​ພາບຈໍານວນຫລາຍ​ຮ້ອຍ​​ແຜ່ນ​ ທີ່​ສະທ້ອນ​ໃຫ້​ເຫັນ​ທິວທັດ​ທໍາ​ມະ​ຊາດ, ວິຖີ​ຊີວິດ ​ແລະ ຮີດຄອງ​ປະ​ເພນີ​ອັນ​ດີງາມ​ຂອງ​ຊາວ​ຊິນ​ຈ່ຽງ.

ທ່ານ ​ແຊ້ຊຽວຮົວ ກ່າວ​ວ່າ: ມີ​ຄວາມ​ຮູ້ສຶກ​​ເປັນ​ກຽດ​ຢ່າງ​ສູງ ທີ່​ໄດ້​ຮ່ວມມື​ກັບ ​ພະ​ແນ​ກວັດທະນະ​ທໍາ​ເຂດ​ຊິນ​ຈ່ຽງ ຊົນ​ເຜົ່າ​ວຸຍອູ​ເອີ​ປົກຄອງ​ຕົນ​ເອງ ເພື່ອ​ຈັດ​ກິດຈະ​ກໍາ​ສັບປະດາ​ວັດທະນະ​ທໍາແຂວງ​ຊິນ​ຈ່ຽງ ຄັ້ງ​ທໍາ​ອິດທີ່ ສປປ ລາວ ​ໂດຍ​ປະກອບ​ມີ​ກິດຈະກຳ​ປິ່ນ​ອ້ອມຄື: ສະ​ແດງ​ສິລະ​ປະ, ວາງສະ​ແດງ​ມໍລະດົກ​ວັດທະນະ​ທໍາ, ປາຖະກະຖາ​ກ່ຽວ​ກັບ​ບູຮານຄະດີ ​ແລະ ອື່ນໆ. ​ເຊິ່ງງານ​ດັ່ງກ່າວ, ​ໄດ້​ເຮັດ​ໃຫ້​ປະຊາຊົນ​ລາວ​ ​ຮູ້​ເຂົ້າ​ໃຈ​​ເຖິງວັດທະນະ​ທໍາ​ເຂດ​ຊິນ​ຈ່ຽງ ທີ່​ອຸ​ດົມ​ສົມບູນ ​ແລະ ຮູບ​ແບບ​ສັງຄົມ​ທີ່​ມີ​ຄວາມຫລາກ​ຫລາຍ​ທາງ​ດ້ານຊົນ​ເຜົ່າ, ສົ່​ງ​ເສີມ​ການ​ແລກປ່ຽນ​ວັດທະນະ​ທໍາ​ ລະຫວ່າງ​ສອງ​ປະ​ເທດ ​ລາວ-ຈີນ, ​ເສີມ​ຂະ​ຫຍາຍ​ມິດຕະພາບຄວາມ​ເຂົ້າ​ໃຈ​ເຊິ່ງກັນ ​ແລະ ກັນ​ ຂອງ​ປະຊາຊົນ​ສອງ​ປະ​ເທດ​ໃຫ້​ແໜ້ນ​ແຟ້ນຍິ່ງ​ຂຶ້ນ.

​ແຂວງ​ຊິງ​ຈ່ຽງ ຕັ້ງ​ຢູ່​ທິດຕາ​ເວັນ​ຕົກ​ສຽງ​ເໜືອ​ຂອງສປ ຈີນ, ປະກອບມີ 47 ຊົນ​ເຜົ່າ​ ໃນ​ນັ້ນມີ​ຊົນ​ເຜົ່າ​​ວຸຍອູ​ເອີ, ຮັ້ນ, ຮາ​ຊາ​ເຄີ້ ​ແລະ ອື່ນໆຕື່ມ​ອີກ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...