Homeຂ່າວທ້ອງຖິ່ນພົບນັກຮຽນ 3 ຄົນທີ່ສູນຫາຍ ເຫດຂົວອູ່ເພຢູ່ຫລວງພະບາງ ທັງໝົດປອດໄພດີ!

ພົບນັກຮຽນ 3 ຄົນທີ່ສູນຫາຍ ເຫດຂົວອູ່ເພຢູ່ຫລວງພະບາງ ທັງໝົດປອດໄພດີ!

Published on

ທ່ານຮອງເຈົ້າເມືອງວຽງຄໍາ ແຂວງຫລວງພະບາງ ຊາຍພອນ ຈັນທຸມມາ ລາຍງານໃຫ້ນັກຂ່າວພວກເຮົາຮູ້ ໃນວັນທີ 3 ຕຸລານີ້ວ່າ: ອໍານາດການປົກຄອງເມືອງ ໄດ້ພົບເຫັນນັກຮຽນຍິງ 3 ຄົນ ທີ່ຖືກລະບຸວ່າເປັນຜູ້ສູນຫາຍ ໃນເຫດການຂົວອູ່ຂ້າມນໍ້າແຊງເປ່ເພກະທັນຫັນ ເມື່ອວັນທີ 30 ກັນຍາຜ່ານມາແລ້ວ, ເຊິ່ງພວກເຂົາປອດໄພດີ ພ້ອມທັງບອກວ່າ ພາຍຫລັງເກີດເຫດ ໄດ້ພາກັນລອຍໄປຂຶ້ນຝັ່ງ ແລ້ວກໍພາກັນຮີບຮ້ອນກັບເມືອເຮືອນ ທີ່ຢູ່ຫ່າງໄກຈາກບ່ອນເກີດເຫດຫລາຍສົມຄວນ ຍ້ອນມີອາການຕື່ນຕົກໃຈ, ດັ່ງນັ້ນເຫດການຄັ້ງນີ້ຈຶ່ງມີຜູ້ເສຍຊີວິດ 2 ຄົນຄື: ນາງຫອມ ອາຍຸ 15 ປີ ແລະ ທ້າວ ພອນ ອາຍຸ 16 ປີ, ທັງສອງແມ່ນຮຽນຢູ່ຊັ້ນ ມ5, ໂດຍອໍານາດການປົກຄອງເມືອງ ແລະ ຄອບຄົວ ໄດ້ຈັດພິທີຊາປະນາກິດສົບ ໃຫ້ນ້ອງນັກຮຽນທັງສອງແລ້ວ ໃນວັນທີ 1 ຕຸລານີ້, ສ່ວນຜູ້ທີ່ມີອາການເຈັບໜັກ ຈໍານວນ 19 ຄົນ ແມ່ນຍັງປິ່ນປົວຢູ່ໂຮງໝໍແຂວງ ແລະ ຜູ້ທີ່ເຈັບເລັກນ້ອຍປະມານ 30 ກວ່າຄົນແມ່ນໄດ້ປິ່ນປົວຢູ່ໂຮງໝໍເມືອງ, ໂດຍແມ່ນທາງເມືອງເປັນຜູ້ຮັບພິຊອບຄ່າປິ່ນປົວທັງໝົດ. ນອກຈາກນີ້, ໄດ້ມີຫົວໜ່ວຍທຸລະກິດ ແລະ ອົງການຈັດຕັ້ງພາຍໃນແຂວງ ແລະ ເມືອງຈໍານວນໜຶ່ງ ໄດ້ສົມທົບທຶນຮອນຈໍານວນໜຶ່ງ ເພື່ອຊ່ວຍເຫລືອບັນເທົ່າທຸກ ຜູ້ປະສົບເຄາະຮ້າຍຄັ້ງນີ້ໃນເບື້ອງຕົ້ນ.

ທ່ານຮອງເຈົ້າເມືອງວຽງຄໍາ ໃຫ້ຮູ້ວ່າ: ເຫດການດັ່ງກ່າວ ແມ່ນເກີດຂຶ້ນເນື່ອງມາຈາກເປັນຂົວເກົ່າ ທີ່ໄດ້ຮັບການກໍ່ສ້າງມາແຕ່ປີ 2012 ດ້ວຍງົບປະມານຂອງເມືອງໃນມູນຄ່າ 600 ລ້ານກ່າວກີບ, ໂດຍແມ່ນ ບໍລິສັດ ອ່ອນສີກໍ່ສ້າງຂົວທາງ ເປັນຜູ້ຮັບເໝົາກໍ່ສ້າງ, ເພື່ອອຳນວຍຄວາມສະດວກ ໃຫ້ແກ່ນັກຮຽນຊັ້ນ ມ 3 ຫາ ມ 7 ທີ່ຂ້າມໄປຮຽນຢູ່ຟາກກົງກັນຂ້າມ ກັບສໍານັກງານອົງການຂອງເມືອງໃນປັດຈຸບັນ, ຊຶ່ງເຫດການໄດ້ເກີດຂື້ນໃນໄລຍະທີ່ນັກຮຽນ ພວມເດີນທາງໄປໂຮງຮຽນ. ຕາມການສຳຫຼວດຈາກວິຊາການຂອງເມືອງ ແມ່ນອາດເກີດຈາກສະພາບຄວາມຊຸດໂຊມຂອງຂົວ ບວກກັບການຮັບນ້ຳໜັກຂອງການສັນຈອນບໍ່ໄດ້, ຈື່ງເຮັດໃຫ້ຮາວພະນັກຂອງຂົວ ທີ່ຈ່ອງດືງດ້ວຍສາຍກາບຂາດ ແລະ ເປ່ເພລົງ ສົ່ງຜົນເຮັດໃຫ້ນັກຮຽນຈໍານວນບໍ່ໜ້ອຍ ທີ່ພວມໄຕ່ຂ້າມຂົວຕົກລົງນໍ້າຈົນເຮັດໃຫ້ມີຜູ້ເສຍຊີວິດ  ແລະ ບາດເຈັບເປັນຈໍານວນຫລາຍ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...