spot_img
Homeຂ່າວເຫດການລະດົມຄຳເຫັນໃສ່ ຮ່າງດຳລັດວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງ ສນຍ

ລະດົມຄຳເຫັນໃສ່ ຮ່າງດຳລັດວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງ ສນຍ

Published on

ຂປລ. ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ​ໄດ້ຈັດກອງປະຊຸມສຳມະນາ ເພື່ອລະດົມຄຳຄິດຄຳເຫັນ ໃສ່ຮ່າງດຳລັດ ວ່າດ້ວຍການຈັດຕັ້ງແລະ ການເຄື່ອນໄຫວຂອງສນຍເພື່ອເຮັດໃຫ້ເນື້ອໃນຮ່າງດຳລັດສະບັບດັ່ງກ່າວ ອຸດົມສົມບູນ, ​ເປັນເອກະພາບແລະ ສາມາດນຳໄປຈັດຕັ້ງປະຕິບັດ ໃຫ້ໄດ້ຮັບຜົນດີ.

ທ່ານເພັດ ພົມພິພັກ ລັດຖະມົນຕີປະຈຳ ສນຍ, ຫົວໜ້າ ຫສນຍໄດ້ກ່າວໃນກອງປະຊຸມດັ່ງກ່າວໃນວັນທີ 9 ກັນຍານີ້ ຢູ່ນະຄອນຫລວງວຽງຈັນວ່າຮ່າງດຳລັດສະບັບນີ້ໂດຍພື້ນຖານແມ່ນໄດ້ປັບປຸງ ດຳລັດຂອງນາຍົກລັດຖະມົນຕີ ສະບັບເລກທີ 291/ລບ, ລົງວັນທີ 19 ກັນຍາ 2011 ວ່າດ້ວຍການຈັດຕັ້ງແລະເຄື່ອນໄຫວຂອງຫ້ອງວ່າການລັດຖະບານແລະ ຮ່າງກົດໝາຍວ່າດ້ວຍລັດຖະບານ ສະບັບປັບປຸງໃໝ່ ທີ່ໄດ້ຜ່ານການຮັບຮອງຈາກກອງປະຊຸມລັດຖະບານໃນທ້າຍເດືອນຜ່ານມາ, ​ເຊິ່ງເນື້ອໃນຕົ້ນຕໍຂອງຮ່າງດຳລັດສະບັບນີ້ແມ່ນໄດ້ປັບປຸງຄືນທີ່ຕັ້ງ, ພາລະບົດບາດ, ຂອບເຂດສິດ, ​ໜ້າທີ່ແລະ ກົງຈັກການຈັດຕັ້ງຂອງ ຫສນຍເພື່ອຮັບປະກັນການເຄື່ອນໄຫວ ​​ແລະໃຫ້ສອດຄ່ອງກັບໜ້າທີ່ການເມືອງໃນໄລຍະໃໝ່ຂອງ ຫສນຍ ທີ່ມີບົດບາດໃນການເປັນເສນາທິການໃຫ້ແກ່ລັດຖະບານ, ນາຍົກລັດຖະມົນຕີແລະ ບັນດາຮອງນາຍົກລັດຖະມົນຕີ, ຄວບຄຸມການເຄື່ອນໄຫວວຽກງານຂອງລັດຖະບານແລະ ອົງການປົກຄອງທ້ອງຖິ່ນ, ຊ່ວຍວຽກນາຍົກລັດຖະມົນຕີ, ບັນດາຮອງນາຍົກລັດຖະມົນຕີໃນການບໍລິຫານບັນຊາ ວຽກງານລວມແລະ ປະສານສົມທົບວຽກງານກັບບັນດາອົງການຈັດຕັ້ງຂອງພັກ-ລັດ, ​ອົງການຈັດຕັ້ງມະຫາຊົນແລະ ອົງການປົກຄອງທ້ອງຖິ່ນ, ສ້າງແລະ ຈັດຕັ້ງປະຕິບັດຢ່າງເຂັ້ມງວດ ລະບຽບແບບ​​ແຜນວິທີເຮັດວຽກແລະແຜນການເຄື່ອນໄຫວຂອງລັດຖະບານ, ນາຍົກລັດຖະມົນຕີແລະ ບັນດາຮອງນາຍົກລັດຖະມົນຕີໃນການເປັນເສນາທິການທີ່ດີ, ປະສານງານທີ່ດີແລະ ຄຸ້ມຄອງບໍລິການຮັບໃຊ້ໃຫ້ແກ່ການນຳ, ຮັບປະກັນເງື່ອນໄຂດ້ານຕ່າງໆໃຫ້ແກ່ການເຄື່ອນໄຫວວຽກງານຂອງລັດຖະບານ ມີຄວາມຄ່ອງຕົວແລະ ມີປະສິດທິຜົນທີ່ດີ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...