spot_img
Homeຂ່າວເຫດການນາຍົກ ທອງລຸນ ສີສຸລິດ ພົບປະສອງຝ່າຍກັບ ປະທານາທິບໍດີຟິລິບປິນ ຮັດແໜ້ນການຮ່ວມມືຫລາຍດ້ານ!

ນາຍົກ ທອງລຸນ ສີສຸລິດ ພົບປະສອງຝ່າຍກັບ ປະທານາທິບໍດີຟິລິບປິນ ຮັດແໜ້ນການຮ່ວມມືຫລາຍດ້ານ!

Published on

ໃນວັນທີ 6 ກັນຍາ 2016, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຮ່ວມພົບປະສອງຝ່າຍກັບ ທ່ານ ໂຣດຣິໂກ ດຸຍແຕກເຕ ປະທານາທິບໍດີ ແຫ່ງ ສ ຟີລິບປິນ ໂດຍທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ທ່ານປະທານາທິບໍດີ ທີ່ໄດ້ໃຫ້ກຽດມາຢ້ຽມຢາມ ແລະ ເຮັດວຽກຢູ່ ສປປ ລາວ ພາຍຫລັງທີ່ໄດ້ຮັບເລືອກຕັ້ງເປັນປະທານາທິບໍດີ ຄົນໃໝ່ ທີ 16 ແຫ່ງ ສ ຟີລິບປິນ.

ທ່ານນາຍົກລັດຖະມົນຕີ ໄດ້ສະແດງຄວາມເຫັນໃຈຕໍ່ເຫດການລະເບີດແຕກ ທີ່ເມືອງດາວາວ ໃນວັນທີ 2 ກັນຍາ 2016 ນີ້ ເຊິ່ງເຮັດໃຫ້ພົນລະເມືອງເສຍຊີວິດຈໍານວນ 14 ຄົນ ແລະ ບາດເຈັບອີກ 67 ຄົນ ແຕ່ກໍຫວັງຢ່າງຍິ່ງວ່າ ລັດຖະບານ ແລະ ຄອບຄົວ ຂອງຜູ້ປະສົບເຄາະຮ້າຍ ຈະຜ່ານຜ່າຄວາມທຸກໂສກທີ່ເກີດຂຶ້ນ ຈາກການໂຈມຕີດັ່ງກ່າວ. ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຕີລາຄາສູງ ທີ່ເຫັນວ່າສາຍພົວພັນມິດຕະພາບ ແລະ ການຮ່ວມມືຖານປະເທດເພື່ອນມິດ ແລະ ຄອບຄົວອາຊຽນ ທີ່ເປັນມູນເຊື້ອອັນດີງາມລະຫວ່າງສອງປະເທດ ລາວ-ຟີລິບປິນ ໄດ້ຮັບການເສີມຂະຫຍາຍໃຫ້ດີຂຶ້ນຢ່າງເປັນລຳດັບ. ພ້ອມນີ້, ສອງປະເທດໄດ້ມີການສະໜັບສະໜູນຊ່ວຍເຫລືອກັນ ທັງໃນຂອບການຮ່ວມມືສອງຝ່າຍກໍຄືຫລາຍຝ່າຍ.

ທ່ານນາຍົກລັດຖະມົນຕີ ໄດ້ສະເໜີໃຫ້ສອງຝ່າຍຊຸກຍູ້ການຮ່ວມມື ໃນຂົງເຂດເສດຖະກິດ, ການຄ້າ ແລະ ການລົງທຶນໃນຂົງເຂດອຸດສາຫະກຳຂະໜາດນ້ອຍ ແລະ ຂະໜາດກາງ (SME), ນັບທັງຂົງເຂດການສຶກສາ ໃຫ້ມີການຂະຫຍາຍຕົວເພີ່ມຂຶ້ນ, ພ້ອມນັ້ນກໍຊອກຫາຊ່ອງທາງ ເພື່ອເສີມຂະຫຍາຍການຮ່ວມມື ໃຫ້ກວ້າງອອກໄປສູ່ຂົງເຂດອື່ນໆ ທີ່ທັງສອງຝ່າຍມີທ່າແຮງ ແລະ ຍັງບໍ່ທັນມີການຮ່ວມມືນຳກັນ ເຊັ່ນ: ການສົ່ງເສີມການທ່ອງທ່ຽວ, ການແພດ, ການບໍລິການ ແລະ ອື່ນໆ ເພື່ອສືບຕໍ່ເສີມຂະຫຍາຍການຮ່ວມມື ແລະ ຮັດແໜ້ນສາຍພົວພັນມິດຕະພາບ ລະຫວ່າງສອງປະເທດໃຫ້ກວ້າງຂວາງຂຶ້ນໄປເລື້ອຍໆ. ຊຸກຍູ້ໃຫ້ກະຊວງແຮງງານ ແລະ ສະຫວັດດີການສັງຄົມ ລາວ-ຟີລິບປິນ ມີການຮ່ວມມືໃນການຈັດຝຶກອົບຮົມດ້ານສີມືແຮງງານ. ຊຸກຍູ້ໃຫ້ພາກສ່ວນກ່ຽວຂ້ອງຂອງສອງຝ່າຍ ປະສານສົມທົບກັນ ເພື່ອຄົ້ນຄວ້າ ແລະ ກະກຽມຄວາມພ້ອມ ໃນການເປີດສາຍການປິນໂດຍກົງ ລະຫວ່າງ ນະຄອນຫລວງມານີລາ ແລະ ນະຄອນຫລວງວຽງຈັນ ເພື່ອອຳນວຍຄວາມສະດວກ ໃນການໄປມາຫາສູ່ກັນ ແລະ ສ່ົງເສີມການຮ່ວມມືໃນດ້ານຕ່າງໆ ໂດຍສະເພາະດ້ານການທ່ອງທ່ຽວ.

ນອກຈາກນີ້ ຍັງສະເໜີໃຫ້ທັງສອງຝ່າຍສືບຕໍ່ກະກຽມຮ່ວມກັນ ເພື່ອຈັດກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມມືສອງຝ່າຍ ລາວ-ຟີລິບປິນ (JC) ຄັ້ງປະຖົມມະລຶກ ໃຫ້ປະກົດຜົນເປັນຈິງ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...