spot_img
Homeຂ່າວການພັດທະນາປະທານາທິບໍດີ ໂອບາມາ ຢືນຢັນຈະເພີ່ມທຶນຊ່ວຍເຫລືອວຽກງານເກັບກູ້ລະເບີດບໍ່ທັນແຕກຢູ່ລາວຂຶ້ນເທົ່າຕົວ

ປະທານາທິບໍດີ ໂອບາມາ ຢືນຢັນຈະເພີ່ມທຶນຊ່ວຍເຫລືອວຽກງານເກັບກູ້ລະເບີດບໍ່ທັນແຕກຢູ່ລາວຂຶ້ນເທົ່າຕົວ

Published on

ໃນໂອກາດຢ້ຽມຢາມສາທາລະນະລັດ ປະຊາທິປະໄຕ ປະຊາຊົນລາວ ຄັ້ງປະຫວັດສາດຂອງປະທານາທິບໍດີ ສະຫະລັດ ອາເມລິກາ ບາຣັກ ໂອບາມາ ແລະ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 28,29 ແລະ ກອງປະຊຸມສຸດຍອດອາຊຽນ-ອາເມລິກາຄັ້ງທີ 4 ທີ່ນະຄອນຫລວງວຽງຈັນໃນວັນທີ 6-8 ກັນຍານີ້ ແລະ ໃນຕອນບ່າຍວັນທີ 6 ກັນຍານີ້, ທ່ານປະທານາທິບໍດີສະຫະລັດອາເມລິກາ ໄດ້ໃຫ້ກຽດປາໄສຕໍ່ຊາວໜຸ່ມ, ນັກຮຽນນັກສຶກສາ ແລະ ນັກທຸລະກິດລາວຢູ່ຫໍວັດທະນະທໍາແຫ່ງຊາດວ່າ: ຂ້າພະເຈົ້າມີຄວາມພາກພູມໃຈຫລາຍທີ່ໄດ້ມີໂອກາດມາຢ້ຽມຢາມປະເທດລາວ, ຊຶ່ງເປັນແຜ່ນດິນທີ່ມີຄວາມສະຫງົບສວຍງາມ,ອຸດົມສົມບູນໄປດ້ວຍທິວທັດທໍາມະຊາດ, ມີວັດທະນະທໍາຮີດຄອງປະເພນີອັນດີງາມ, ຜູ້ຄົນແມ່ນມີຈິດໃຈອ່ອນນ້ອມຖອມຕົນ ແລະ ຍິ້ມແຍ້ມແຈ່ມໃສ່ດີ. ຊຶ່ງເປັນມົນສະເໜ່ອັນໜຶ່ງທີ່ເຮັດໃຫ້ນັກທ່ອງທ່ຽວ ແລະ ແຂກຕ່າງປະເທດທີ່ເຄີຍໄດ້ມາທ່ອງທ່ຽວຢ້ຽມຢາມປະເທດລາວແລ້ວ ຕ່າງກໍ່ມີຄວາມຫລົງໄຫລ ແລະ ຢາກກັບມາທ່ຽວປະເທດລາວອີກ, ຊຶ່ງຂ້າພະເຈົ້າເອງກໍມີຄວາມຫວັງວ່າຈະໄດ້ກັບມາຢ້ຽມຢາມປະເທດທີ່ສວຍງາມນີ້ອີກເທື່ອໜຶ່ງ. ແຕ່ແນວໃດກໍຕາມ ບົນຜືນແຜນດິນທີ່ມີອະລິຍະທໍາເກົ່າແກ່ ແລະ ປະຫວັດສາດອັນຍາວນານນີ້, ຊຶ່ງເຄີຍໄດ້ຖືກທໍາລາຍຈາກສົງຄາມຢ່າງໜັກໜ່ວງ, ເປັນສົງຄາມປິດລັບ ແລະ ບໍ່ຮູ້ວ່າຍ້ອນເຫດຜົນອັນໃດທີ່ເຮັດໃຫ້ສົງຄາມຕ້ອງເກີດຂຶ້ນ, ຊຶ່ງໃນເວລານັ້ນ ສະຫະລັດອາເມລິກາໄດ້ເອົາລະເບີດຫລາຍກວ່າ 2 ລ້ານໂຕນຖິ້ມລົງແຜ່ນດິນລາວ, ຊຶ່ງເຫັນວ່າມີຈໍານວນຫລາຍກວ່າການເຮັດສົງຄາມຢູ່ເຢຍລະມັນ ແລະ ຍີ່ປຸ່ນໃນເວລານັ້ນ, ຊຶ່ງເຮັດໃຫ້ມີເຮືອນຊານບ້ານຊ່ອງ ແລະ ປະຊາຊົນຜູ້ບໍລິສຸດເສຍຊີວິດຢ່າງຫລວງຫລາຍ ແລະ ຕະຫລອດຫລາຍທົດສະວັດຜ່ານມາສະຫະລັດອາເມລິກາກໍຍັງບໍ່ທັນເຂົ້າມາຮັບຜິດຊອບກັບສິ່ງທີ່ເກີດ
ຂຶ້ນຢ່າງແຂງແຮງ, ເນື່ອງຈາກວ່າຈໍານວນລະເບີດທີ່ຖິ້ມລົງໃສ່ແຜ່ນດິນລາວເວລານັ້ນ 30% ແມ່ນບໍ່ແຕກ ແລະ ກາຍເປັນຄວາມອັນຕະລາຍຕໍ່ການຜະລິດ, ການທໍາມາຫາກິນ ແລະ ດໍາລົງຊີວີດຂອງປະຊາຊົນບັນດາເຜົ່າ, ຊຶ່ງມີປະຊາຊົນເສຍຊີວິດ ແລະ ພິການ ເປັນຈໍານວນບໍ່ໜ້ອຍໃນແຕ່ລະປີ, ທັງເປັນອຸປະສັກກົດໜ່ວງທ່ວງດຶງການພັດທະນາເສດຖະກິດ-ສັງຄົມອີກດ້ວຍ. ດັ່ງນັ້ນ ການຢ້ຽມຢາມລາວຂອງຂ້າພະເຈົ້າໃນຄັ້ງປະຫວັດສາດນີ້ຂໍຢືນຢັນວ່າສະຫະລັດອາເມລິກາຈະໃຫ້ການຊ່ວຍເຫລືອວຽກງານເກັບກູ້ລະເບີດບໍ່ທັນແຕກຢູ່ລາວເພີ່ມຂຶ້ນເທົ່າຕົວຄືປະມານ 90 ລ້ານໂດລາສະຫະລັດ. ເພື່ອຊ່ວຍໃຫ້ ສປປ ລາວ ຫລຸດຜ່ອນຄວາມສ່ຽງອັນຕະລາຍຈາກລະເບີດບໍ່ທັນແຕກຫລາຍຂຶ້ນ. ນອກຈາກນີ້ສະຫະລັດອາເມລິກາຍີນດີທີ່ຈະຍົກລະດັບການພົວພັນຮ່ວມມືຫລາຍດ້ານກັບ ສປປ ລາວ ເພື່ອກ້າວສູ່ການພັດທະນາໃນອະນາຄົດທີ່ສົດໃສ.

 

ຂ່າວຈາກ: ໜັງສືພິມລາວພັດທະນາ
ສຳຫຼັບທ່ານທີ່ຮັກຂ່າວໄອທີ ແລະ ເກມ ຕິດຕາມເລື່ອງດີດີ ກົດໄລຄ໌ເລີຍ!

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...