spot_img
Homeມູມໄອທີລາວກວດດ່ວນ!! Samsung Galaxy Note 7 ລຸ້ນໃດຈະບໍ່ລະເບີດ ແລະຂໍ້ມູນກ່ຽວກັບແບັດເຕີຣີ

ກວດດ່ວນ!! Samsung Galaxy Note 7 ລຸ້ນໃດຈະບໍ່ລະເບີດ ແລະຂໍ້ມູນກ່ຽວກັບແບັດເຕີຣີ

Published on

ຢ່າງທີ່ຜູ້ໃຊ້ໂທລະສັບລຸ້ນດັ່ງກ່າວນີ້ຮູ້ກັນດີວ່າສະມາດໂຟນເຮືອທຸງລຸ້ນໃໝ່ຫຼ້າສຸດແບບ Samsung Galaxy Note 7 ນັ້ນເກີດບັນຫາລະເບີດຂຶ້ນ ເຮັດໃຫ້ທາງຊຳຊຸງຈຳເປັນຕ້ອງຮຽກເກັບໂທລະສັບລຸ້ນດັ່ງກ່າວນີ້ກັບໄປເຖິງ 2.5 ລ້ານເຄື່ອງໃນທົ່ວໂລກ ເພື່ອແກ້ໄຂບັນຫາດັ່ງກ່າວ. ໂດຍສິ່ງທີ່ເຮົາຮູ້ກໍຄືໂຕເຄື່ອງ Galaxy Note 7 ນີ້ບໍ່ໄດ້ມີບັນຫາໃດໆ ແຕ່ບັນຫານັ້ນເກີດມາຈາກໂຕແບັດເຕີຣີໂດຍກົງ. 

ກ່ອນຈະໄປກວດສອບວ່າລຸ້ນໃດບໍ່ມີຄວາມສ່ຽງໃນການເກີດລະເບີດເຮົາມາຮູ້ກັນກ່ອນກ່ຽວກັບແບັດເຕີຣີທີ່ຖືກໃສ່ໃນ Note 7 ນີ້ເລີຍ, ໂດຍແບັດເຕີຣີແມ່ນຖືກຜະລິດດ້ວຍກັນ 2 ບໍລິສັດຄື: Samsung SDI Co (ບໍລິສັດລູກຂອງຊຳຊຸງ) ແລະ Amperex Technology LTD (ATL).

ເຊິ່ງແບັດເຕີຣີ 70℅ ທີ່ນຳໃຊ້ກັບ Samsung Galaxy S7 ແມ່ນຖືກຜະລິດຈາກ Samsung SDI ແລະອີກ 30℅ ແມ່ນຜະລິດຈາກ Amperex. ໂດຍແບັດເຕີຣີທີ່ເກີດບັນຫາໃນຕອນນີ້ ແນ່ນອນວ່າແມ່ນຂອງ Samsung SDI ເຊິ່ງເກີດຈາກບັນຫາໃນເຊວແບັດເຕີຣີທີ່ມີຜົນຂົ້ວບວກແລະລົບມາລວມກັນຜິດປົກກະຕິເຮັດໃຫ້ເກີດບັນຫາດັ່ງກ່າວນີ້ຂຶ້ນ.

ອີງຕາມການປະກາດຈາກທາງ Amperex, ບໍລິສັດທີ່ຜະລິດແບັດເຕີຣີໃຫ້ກັບ Galaxy Note 7 ສະເພາະລຸ້ນ China Edition ໂດຍກົງ. ອອກມາກ່າວວ່າ Samsung Galaxy Note 7 ທີ່ເປີດໂຕຢູ່ປະເທດຈີນ ໃນວັນທີ 1 ກັນຍານີ້, ຫາກໃຜໄດ້ເປັນເຈົ້າຂອງ ຫຼືຕ້ອງການຊື້ລຸ້ນດັ່ງກ່າວນີ້ ແມ່ນສາມາດຊື້ໄດ້ປົກະຕິ ເພາະວ່າບໍ່ໄດ້ຖືກຈັດໃນກຸ່ມທີ່ມີຄວາມສ່ຽງໃນການເກີດລະເບີດ ແລະຕ້ອງແນ່ໃຈນຳວ່າເປັນແບັດເຕີຣີທີ່ຖືກຜະລິດໂດຍ Amperex Technology LTD ເທົ່ານັ້ນ!!

ນອກຈາກນີ້ເຮົາຍັງສາມາດກວດສອບໄດ້ດ້ວຍຕົນເອງວ່າລຸ້ນທີ່ເຮົາໃຊ້ນີ້ປອດໄພຫຼືບໍ່? ໂດຍການກວດສອບທີ່ດ້ານຫຼັງໂຕເຄື່ອງ ຖ້າຫາກວ່າເຄື່ອງຜະລິດຂຶ້ນຢູ່ ຫວຽດນາມ ແລະເກົາຫຼີ ໃຫ້ນິຍາມໄວ້ກ່ອນເລີຍວ່າອາດມີບັນຫາລະເບີດໄດ້ ແນະນຳວ່າຮີບປ່ຽນເຄື່ອງເລີຍ. ສ່ວນລຸ້ນທີ່ມີຄວາມປອດໄພນັ້ນ ທາງ Amperex Technology LTD ບອກວ່າຖືກຜະລິດຢູ່ ປະເທດຈີນ.

ດັ່ງນັ້ນ, ຖ້າຫາກໃຜມີຄວາມກັງວົນຢູ່ກໍໃຫ້ກວດສອບວ່າເປັນລຸ້ນທີ່ຜະລິດຂຶ້ນຢູ່ປະເທດຈີນຫຼືບໍ່? ຫຼືຖ້າຍັງກັງວົນຢູ່ກໍໃຫ້ສົ່ງຄືນບໍລິສັດເພິ່ນເພື່ອຄວາມສະບາຍໃຈຂອງຜູ້ໃຊ້ເອງ

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: gizmochina

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...