spot_img
Homeຂ່າວນໍ້າຖ້ວມເມືອງປາກແຊງ-ໂພນໄຊ ນ້ຳຖ້ວມຮ້າຍແຮງໃນຮອບຫຼາຍປີ

ເມືອງປາກແຊງ-ໂພນໄຊ ນ້ຳຖ້ວມຮ້າຍແຮງໃນຮອບຫຼາຍປີ

Published on

ເມືອງປາກແຊງໄດ້ຮັບຜົນກະທົບຈາກໄພນ້ຳຖ້ວມຄັ້ງໃຫຍ່ໃນຮອບຫຼາຍປີ ເນື່ອງຈາກມີຝົນຕົກໜັກຕິດຕໍ່ກັນຫຼາຍວັນໄດ້ເຮັດໃຫ້ບັນດາແມ່ນ້ຳ ແລະນ້ຳຫ້ວຍນ້ອຍຫຼາຍສາຍເກີດນອງໃຫຍ່ໄຫຼຊຸເອົາຕົ້ນໄມ້

ກີ່ງໄມ້ລົງສູ່ແມ່ນ້ຳເຊືອງ ແລະ ແມ່ນ້ຳແຊງ, ມາຮອດວັນທີ 20 ສິງຫານີ້ ເຮັດໃຫ້ແມ່ນນໍ້າທັງສອງສາຍມີປະລິມານສູງຍື່ງຂຶ້ນຖ້ວມບ້ານເຮືອນຂອງປະຊາຊົນໃນ 15 ບ້ານ, ມີ 108 ຄອບຄົວທີ່ຢູ່ລຽບຕາມແຄມແມ່ນໍ້າສອງສາຍສ້າງຄວາມເສຍຫາຍຢ່າງໜັກໜ່ວງພໍສົມຄວນ.

ທ່ານ ສຸກດາວັນ ພັນຈັກຂັນ ຮອງເຈົ້າເມືອງປາກແຊງໄດ້ໃຫ້ສໍາພາດວ່າ: ຕາມການເກັບກຳຂໍ້ມູນເບື້ອງຕົ້ນມູນຄ່າການເສຍຫາຍມີເຖິງ 2,4 ຕື້ກ່ວາກີບ, ໄພນ້ຳຖ້ວມໃນຄັ້ງນີ້ ໄດ້ສົ່ງຜົນເຮັດໃຫ້ສັດລ້ຽງ ແລະຜົນຜະລິດຂອງປະຊາຊົນເສຍຫາຍເປັນຈຳນວນຫຼາຍ, ຮ້າຍແຮງໄປກວ່ານັ້ນແມ່ນນ້ຳໄດ້ໄຫຼເຂົ້າຖ້ວມບ້ານເຮືອນຂອງ ປະຊາຊົນເຮັດໃຫ້ເຄື່ອງນຸ່ງຮົ່ມ, ເຄື່ອງໃຊ້ໃນຄົວເຮືອນກະທົບເຖິງພື້ນຖານໂຄງລ່າງເຊັ່ນ ເສັ້ນທາງຖືກຕັດຂາດ 3 ເສັ້ນ ໂດຍສະເພາະແມ່ນເສັ້ນທາງເຊື່ອມຕໍ່ຫາເມືອງວຽງຄຳ ແລະເສັ້ນທາງເຂົ້າຫາບ້ານປະຊາຊົນ, ຕໍ່ກັບສະພາບການດັ່ງກ່າວການນຳຂອງເມືອງໄດ້ຊີ້ນຳໃຫ້ພາກສ່ວນກ່ຽວຂ້ອງຂອງເມືອງລົງເກັບກຳຂໍ້ມູນລາຍລະອຽດຢູ່ບັນດາບ້ານທີ່ຖືກຜົນກະທົບຄືນຕື່ມຄາດວ່າ

ຈະມີການລາຍງານຂໍ້ມູນເພີ່ມເຕີມຕື່ມພາຍໃນອາທິດນີ້ ສຳລັບການຊ່ວຍເຫຼືອນັ້ນ ປະຈຸບັນພວມປຸກລະດົມທຸກພາກສ່ວນເພື່ອໃຫ້ການຊ່ວຍເຫຼືອ, ໂອກາດນີ້ ທ່ານ ຮອງເຈົ້າເມືອງໄດ້ຮຽກຮ້ອງມາຍັງທົ່ວສັງຄົມ ໂດຍສະເພາະແມ່ນພາກສ່ວນ ກ່ຽວຂ້ອງຂອງແຂວງ ແລະສູນກາງ ລວມທັງບັນດາຫົວໜ່ວຍທຸລະກິດຈົ່ງພ້ອມກັນໃຫ້ການຊ່ວຍເຫຼືອແກ່ປະຊາຊົນທີ່ຖືກຜົນກະທົບເນື່ອງຈາກມີຫຼາຍຄອບຄົວພົບຄວາມຫຍຸ້ງຍາກເຊັ່ນ ຂາດ ເຂົ້າກີນ, ເຄື່ອງນຸ່ງຫົ່ມ, ແລະອື່ນໆ ທ່ານ ໃດຕ້ອງການໃຫ້ການຊ່ວຍເຫຼືອແມ່ນສາມາດພົວພັນໄດ້ໂດຍກົງກັບການນຳຂອງເມືອງ ຫຼື ຈະມອບຜ່ານຫ້ອງວ່າການປົກຄອງແຂວງຫຼວງພະບາງກໍ່ໄດ້.

ເຊັ່ນດຽວກັນໃນວັນທີ 19 ສິງຫານີ້ເມືອງໂພນໄຊໄດ້ຮັບຜົນກະທົບຈາກໄພນ້ຳຖ້ວມ ໂດຍເກີດຈາກຝົນຕົກຕິດຕໍ່ກັນຫຼາຍວັນເຮັດໃຫ້ແມ່ນ້ຳປາເກີດນອງໃຫຍ່ໄຫຼຊຸເອົາກີ່ງໄມ້ນ້ອຍໃຫຍ່ ແລະ ຕົ້ນໄມ້ທີ່ຢູ່ລຽບຕາມແຄມນ້ຳປາລົ້ມ ນອນເປັນພື້ນທີ່ກວ້າງ, ຮ້າຍແຮງກ່ວາ ນັ້ນແມ່ນມີເຮືອນຂອງປະຊາຊົນບາງຫຼັງຖືກນ້ຳໄຫຼຊຸ ແລະພື້ນທີ່ທຳການຜະລິດ ກໍ່ເສຍຫາຍຢ່າງຫຼວງຫຼາຍ ປະຈຸບັນການນຳຂອງເມືອງໄດ້ຊີ້ນຳໃຫ້ທຸກພາກສ່ວນລົງເກັບກຳຂໍ້ມູນມາຮອດຕອນບ່າຍຂອງ ວັນທີ 21 ສິງຫາ ລາຍງານເບື້ອງຕົ້ນ ລະບຸວ່າ: ມີປະຊາຊົນໃນ 7 ກຸ່ມບ້ານພັດ ທະນາແລະ 1 ບ້ານໃຫຍ່ ຈຳນວນ 166ຄອບຄົວຖືກຜົນກະທົບ, ໃນນີ້ ມີເຮືອນ ທີ່ຖືກນ້ຳຊຸໄຫຼ 10 ຫຼັງຄາເຮືອນ, ພື້ນຖານໂຄງລ່າງທີ່ຈຳເປັນແມ່ນໄດ້ຮັບຄວາມ ເສຍຫາຍເຊັ່ນ: ລະບົບໄຟຟ້າ, ນ້ຳປະປາ, ນ້ຳລີນ, ເສັ້ນທາງຫຼາຍຈຸດຖືກຕັດຂາດ, ຂົວຂ້າມນ້ຳປາມີຄວາມສ່ຽງໃນການຊົມ ໃຊ້, ສ່ວນປະຊາຊົນຫຼາຍຄອບຄົວກໍ່ຂາດ ນ້ຳກິນ, ນ້ຳໃຊ້, ສະບຽງອາຫານ, ເຄື່ອງນຸ່ງຫົ່ມ, ເຄື່ອງໃຊ້ທີ່ຈຳເປັນອື່ນໆ.

ນອກຈາກປະຊາຊົນຊາວ ເມືອງໂພນ ໄຊແລ້ວປະຊາຊົນຊາວຫຼວງພະບາງທີ່ອາໄສຢູ່ແຄມແມ່ນ້ຳປາກໍ່ໄດ້ຮັບຜົນກະທົບເຊັ່ນກັນ ໂດຍສະເພາະແມ່ນພື້ນທີ່ທຳ ການຜະລິດເຂດບ້ານຜາວຽງ, ຜາແດງແມ່ນເສຍຫາຍໜັກລວມທັງບ້ານເຮືອນ ຂອງປະຊາຊົນຈຳນວນໜຶ່ງກໍໄດ້ຮັບຜົນ ເສຍຫາຍ.

ໂດຍເຫັນໄດ້ເຖິງຄວາມຈຳເປັນ ທ່ານ ບົວຄົງ ນາມມະວົງ ຮອງເຈົ້າແຂວງຫຼວງພະບາງພ້ອມດ້ວຍຜູ້ຕາງໜ້າຈາກພະແນກການຂອງແຂວງໄດ້ນຳເອົາເງີນສົດ 10 ລ້ານກີບ ພ້ອມດ້ວນສະບຽງອາ ຫານຈຳນວນໜຶ່ງໄປມອບໃຫ້ແກ່ການ ນຳຂອງເມືອງໂພນໄຊ ເພື່ອນຳໄປແຈກ ຢາຍໃຫ້ກັບປະຊາຊົນທີ່ຖືກຜົນກະທົບພ້ອມກັນນັ້ນການນຳຂອງເມືອງກໍ່ໄດ້ມີການປຸກລະດົມບັນດານັກທຸລະກິດໃຫ້ຮ່ວມປະກອບສ່ວນວັດຖຸປັດໄຈໃຫ້ແກ່ ປະຊາຊົນຜູ້ປະສົບໄພນ້ຳຖ້ວມ ແຕ່ກໍ່ຍັງບໍ່ພຽງພໍກັບຄວາມຮຽກຮ້ອງຕ້ອງການຕົວຈິງ.

ຂ່າວຈາກ: 

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...