- ການອອກກຳລັງກາຍ: ກໍ່ເປັນວິທີໜຶ່ງເພື່ອລະບາຍໂຮໂມນຂອງຄວາມຄຽດອອກໄປໃຫ້ໝົດ ເຊັ່ນ: ອອກກຳລັງກາຍລະຫວ່າງເຮັດວຽກດ້ວຍການຍ່າງຂຶ້ນລົງຂັ້ນໄດ ຫຼືເຮັດວຽກອື່ນໃນຕອນແລງຫຼັງເລີກວຽກ, ການອອກກຳລັງກາຍຈົນເຫື່ອອອກຈະກະຕຸ້ນໃຫ້ຮ່າງກາຍຫຼັ່ງໂຮໂມນຂອງຄວາມສຸກອອກມາ ເຊິ່ງຈະຊ່ວຍໃຫ້ຮ່າງກາຍ ແລະຈິດໃຈເຮົາສົດຊື່ນຂຶ້ນມາທັນທີ.
- ພັກຜ່ອນໃຫ້ພຽງພໍ: ເຮົາຕ້ອງຮູ້ຈັກບໍລິຫານເວລາເພື່ອໃຫ້ມີເວລາພັກຜ່ອນສ່ວນຕົວແລະເວລາໃຫ້ກັບຄອບຄົວ, ພ້ອມກັບຢ່າລືມວ່າ ເຄື່ອງຈັກຍັງມີເວລາຢຸດພັກ ແລະສ້ອມແປງ, ບຳລຸງຮັກສາ. ສະນັ້ນ ຕົວເຮົາເອງກໍ່ເຊັ່ນກັນ ຕ້ອງມີເວລາພັກຜ່ອນເພື່ອເອົາແຮງໄວ້ສຳລັບການເຮັດວຽກໃນມື້ຕໍ່ມາ.
- ການເວົ້າຈາປຶກສາຫາລືບັນຫາທີ່ໜັກໃຈກັບຄົນໃກ້ຊິດ: ເຖິງແມ່ນວ່າຄົນອື່ນອາດຈະຊ່ວຍເຮົາແກ້ບັນຫາບໍ່ໄດ້ກໍ່ຕາມ, ແຕ່ການໄດ້ເວົ້າສິ່ງອົດກັ້ນໃນໃຈອອກມາ ແລະໄດ້ຄໍາແນະນຳຈາກຄົນໃກ້ຊິດກໍ່ຈະເຮັດໃຫ້ເຮົາຮູ້ສຶກດີ, ສະບາຍໃຈຂຶ້ນ ແລະສະໝອງກໍ່ປອດໂປ່ງ ເຊິ່ງກໍ່ອາດຄິດແກ້ໄຂບັນຫາໄດ້ໃນເວລາຕໍ່ມາ.
- ການຮູ້ຈັກປ່ຽນແນວຄິດ: ຢ່າຄິດເອົາແຕ່ຄວາມວິຕົກກັງວົນຫຼາຍເກີນໄປ, ໃຫ້ລອງຄິດໃນຫຼາຍໆແງ່ມຸມ, ຄິດໃນສິ່ງດີໆ ຄິດຢ່າງມີຫວັງແດ່ ແລະຢ່າຄິດແຕ່ບັນຫາຂອງຕົວເອງ ຕ້ອງຄິດເຖິງຄົນອື່ນ ແລະ ຄົນອ້ອມຂ້າງ ເພື່ອໃຫ້ມີກຳລັງໃຈຕໍ່ສູ້ກັບບັນຫາຕໍ່ໄປ.
- ການເຝິກເຕັກນິກລະບາຍຄວາມຕຶງຄຽດເຊັ່ນ: ການຫາຍໃຈເຂົ້າເລິກໆເຮັດໃຫ້ທ້ອງຕຶງອອກ ແລະຫາຍໃຈອອກຊ້າໆ, ໃຫ້ທ້ອງແວບລົງ ຈະຊ່ວຍຫຼຸດຄວາມຕຶງຄຽດໄດ້. ນອກຈາກນີ້ ຄວນຝຶກສະມາທິເພື່ອສະຫງົບຈິດໃຈ ໂດຍມີສະຕິຢູ່ກັບລົມຫາຍໃຈເຂົ້າ-ອອກ ຈະຊ່ວຍລະບາຍຄວາມເຄັ່ງຕຶງໄດ້ດີ.
ຂອບໃຈບົດດີໆຈາກ: sanook