spot_img
Homeນານາສາລະນ້ຳສົ້ມສາຍຊູຊັກເຄື່ອງ ປະໂຫຍດດີໆທີ່ຄວນຮູ້

ນ້ຳສົ້ມສາຍຊູຊັກເຄື່ອງ ປະໂຫຍດດີໆທີ່ຄວນຮູ້

Published on

ສິ່ງງ່າຍໆທີ່ຢູ່ໃກ້ຕົວເຊັ່ນນໍ້າສົ້ມສາຍຊູ ນອກຈາກຈະມີໄວ້ເພື່ອປຸງແຕ່ງອາຫານແລ້ວ ໃຜຊິຮູ້ວ່າຍັງສາມາດນຳມາໃຊ້ໃນການຊັກເສື້ອຜ້າໃຫ້ມີຄວາມສະອາດ, ອ່ອນນຸ້ມ ແລະ ກຳຈັດກິ່ນເໝັນອັບ ທີ່ສຳຄັນຍັງມີລາຄາບໍ່ແພງ, ປອດສານຜິດ ເປັນມິດກັບສິ່ງງແວດລ້ອມຕາມກະແສຄົນຍຸກໃໝ່ອີກດ້ວຍ. ເຊິ່ງນ້ຳສົ້ມສາຍຊູທີ່ໃຊ້ນີ້ ຕ້ອງມີຄວາມເປັນກົດປະມານ 4-7% ເພາະຄວາມເປັນກົດອ່ອນໆນີ້ເອງສາມາດນຳມາໃຊ້ໃນການຊັກເສື້ອຜ້າ ໄດ້ຢ່າງມີຄຸນປະໂຫຍດເຫຼືອຫຼາຍ
1.) ຊ່ວຍຄົງສີສັນສົດໃສ່ ແລະ ຂາວສະອາດຂອງເສື້ອຜ້າ
ພຽງແຕ່ເທນ້ຳສົ້ມສາຍຊູ ປະມານ ½ ຖວຍຕວງ ລົງໄປໃນຊ່ອງນ້ຳຢາປັບຜ້ານຸ້ມຂອງຕູ້ຊັກຜ້າປະເພດອັດຕະໂນມັດ ຫຼື ໃສ່ລົງໄປເອງກ່ອນການຊັກຄັ້ງສຸດທ້າຍ ແລ້ວກໍທຳການຊັກໂດຍສະບູ່ຝຸ່ນປົກກະຕິ ເຊິ່ງກົດອ່ອນໆຂອງນ້ຳສົ້ມສາຍຊູຈະເຮັດໜ້າທີ່ກຳຈັດຄວາມໝອງຂອງເສື້ອຜ້າກັບມາຂາວ ສ່ວນຜ້າສີກໍຈະຄົງຄວາມສົດໃສໄດ້ອີກ.
2.) ຊ່ວຍກຳຈັດບັນຫາເສື້ອຜ້າເໝັນອັບ
ເປັນວິທີດຽວກັນກັບຂ້າງເທິງ ໂດຍໃຊ້ນ້ຳສົ້ມສາຍຊູເທລົງໄປໃນຕູ້ຊັກຜ້າ ປະມານ ½ ຖ້ວຍຕວງ ພ້ອມກັບຊັກດ້ວຍສະບູ່ຝຸ່ນ.
3.) ຊ່ວຍປັບສະພາບເນື້ອຜ້າໃຫ້ນຸ້ມ
ເທນ້ຳສົ້ມສາຍຊູ ½ ຖ້ວຍຕວງ ລົງໄປກ່ອນການຊັກຄັ້ງສຸດທ້າຍຂອງຕູ້ຊັກຜ້າ ເຊິ່ງຈະຊ່ວຍໃຫ້ເສື້ອຜ້ານຸ້ມຂຶ້ນ ເນື່ອງຈາກລິດຄວາມເປັນກົດ ຈະໄປລະລາຍສານທີ່ມີຄວາມເປັນດ່າງໃນສະບູ່ຝຸ່ນ
4.) ຊ່ວຍກຳຈັດຄາບເຫຼືອງບໍລິເວນຂີ້ແຮ້
ສາມາດໃຊ້ນ້ຳສົ້ມສາຍຊູມາຫົດລົງບໍລິເວນຂີ້ແຮ້ທີ່ມີຄາບເປື້ອນ ແລ້ວແຊ່ໄວ້ປະມານ 5-10 ນາທີ ກ່ອນນຳໄປຊັກຕາມປົກກະຕິ ເຊິ່ງຄາບເປື້ອນບໍລິເວນດັ່ງກ່າວຈະຫາຍໄປ.
5.) ໃຊ້ລ້າງຕູ້ຊັກຜ້າ
ໂດຍປົກກະຕິພວກເຮົາຄວນທຳຄວາມສະອາດລ້າງຕູ້ຊັກຜ້າ ທຸກໆ 3-6 ເດືອນ ເຊິ່ງວິທີການນີ້ພຽງແຕ່ເທນ້ຳສົ້ມສາຍຊູ 2-3 ຖ້ວຍ ລົງໄປໃນຖັງຊັກຜ້າ ແລ້ວປັບອຸນຫະພູມຂອງນ້ຳໃຫ້ເປັນນ້ຳຮ້ອນ ຫຼັງຈາກນັ້ນກົດປຸ່ມຊັກຜ້າຕາມປົກກະຕິ ແລະ ເພື່ອເປັນການໄລ່ກິ່ນນ້ຳສົ້ມສາຍຊູອາດຈະທຳການຊັກອີກຄັ້ງໂດຍທີ່ບໍ່ມີເສື້ອຜ້າກໍໄດ້ ພຽງແຕ່ເທົ່ານີ້ບັນດາເຊື້ອລາ, ກິ່ນອັບ ແລະ ແບກເຕີເລຍ ກໍຈະຖືກກຳຈັດໄປໂດຍທັນທີ.

ທີ່ມາຈາກ: Mahason Magazine

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...