ສຳນັກຂ່າວຕ່າງປະເທດ ລາຍງານໃນວັນທີ 8 ສິງຫາຜ່ານມານີ້ວ່າ ເກີດເຫດລະເບີດຂ້າຕົວຕາຍ ຢູ່ໂຮງໝໍແຫ່ງໜຶ່ງ ທາງພາກຕາເວັນຕົກສຽງໃຕ້ ປະເທດປາກີສະຖານ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 93 ຄົນ ແລະ ມີຜູ້ໄດ້ຮັບບາດເຈັບອີກຫລາຍກວ່າ 50 ຄົນ ຊຶ່ງສ່ວນຫລາຍເປັນທະນາຍຄວາມ, ປັດຈຸບັນ ຍັງບໍ່ທັນມີລາຍງານວ່າ ແມ່ນກຸ່ມໃດເປັນຜູ້ຢູ່ເບື້ອງຫລັງຂອງການກໍ່ເຫດ.
ດ້ານທ່ານ ນາວາດ ຊາຣີບ ນາຍົກລັດຖະມົນຕີປາກີສະຖານ ໄດ້ອອກມາຖະແຫລງປະນາມ ການກໍ່ເຫດລະເບີດຄັ້ງນີ້ ພ້ອມກັບສະແດງຄວາມເສົ້າສະຫລົດໃຈ ຈາກການສູນເສຍບຸກຄະລາກອນທາງກົດໝາຍ ຈຳນວນຫລາຍຄົນ ໃນເຫດການດັ່ງກ່າວນີ້ ຊຶ່ງໃນນັ້ນແມ່ນລວມມີທະນາຍຄວາມ ລະດັບອາວຸໂສຫລາຍຄົນ ຖືກສັງຫານເສຍຊີວິດ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!