spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 3 ສິງຫາ

ບົດຄວາມເກມ: ມື້ນີ້ໃນອະດີດ ວັນທີ 3 ສິງຫາ

Published on

ວັນທີ 3 ສິງຫາ ປີ 2001 ຫຼືມື້ນີ້ເມື່ອ 15 ປີທີ່ແລ້ວ ເປັນມື້ວາງຈຳໜ່າຍຂອງເກມ Rockman Dash 2 (ຫຼື Mega Man Legends 2) ເທິງເຄື່ອງ PS1 ໃນທະວີບຢຸໂຣບ.  ໂດຍເກມ Rockman Dash 2 ເປັນພາກຕໍ່ຈາກພາກທຳອິດທີ່ອອກວາງຈຳໜ່າຍເມື່ອປີ 1997 ເຊິ່ງພາກ Dash ຫຼື Legends ນີ້ຈະເປັນເກມແນວແອັກຊັ່ນປະສົມ RPG ເລັກນ້ອຍທີ່ຕ້ອງການເຮັດເຄວສໄປເລື້ອຍໆເພື່ອດຳເນີນເນື້ອເລື່ອງຕໍ່ ໂດຍມີທ່ານເຄຈິ ອິນາຟຸເນະ ທີ່ຫາກ່ອນຈະມີດຣາມ້າກັບເກມ Mighty No.9, ເຊິ່ງລາວຮັບໜ້າທີ່ເປັນໂປຣດິວເຊີ້ໃຫ້ກັບເກມນີ້ນຳ. 

ດ້ານເນື້ອເລື່ອງຂອງເກມນີ້ຈະເວົ້າເຖິງຣ໋ອກແມນທີ່ຕ້ອງອອກຊອກຫາກະແຈວິເສດຈຳນວນ 4 ດອກທີ່ເຊື່ອງຢູ່ຕາມຈຸດຕ່າງໆ ເທິງໂລກເພື່ອນຳທາງສູ່ຂຸມຊັບໃນຕຳນານທີ່ເປັນແຫຼ່ງພະລັງງານອະນັນ ທີ່ສາມາດນຳມາໃຊ້ໄດ້ບໍ່ສິ້ນສຸດ ແລະຕ້ອງປະເຊີນໜ້າກັບວາຍຮ້າຍທີ່ຄອຍຂັດຂວາງແລະຕ້ອງການຍາດເອົາຂຸມຊັບນີ້ໄວ້ຄອບຄອງແຕ່ພຽງຜູ້ດຽວນຳ.

ລະບົບເກມຂອງ Rockman Dash 2 ຈະເປັນລັກສະນະຟຣີຣັນນິິ້ງ 3D ທີ່ຜູ້ຫຼິ້ນຈະແລ່ນໄປມາໄດ້ຢ່າງອິດສະຫຼະຄືເກມແອັກຊັ່ນ RPG ທົ່ວໄປ ແຕ່ການໂຈມຕີສັດຕູຈະເປັນການຍິງໄປໃນທິດດ້ານໃນຂອງຈໍເທົ່ານັ້ນ (ໂຕຣ໋ອກແມນຈະຢືນຫັນຫຼັງໃຫ້ເຮົາເວລາຍິງ) ຜູ້ຫຼິ້ນຈະຕ້ອງບັງຄັບຣ໋ອກແມນອອກປະຈົນໄພໃນເມືອງແລະດັນຈ້ຽນຕ່າງໆ ທີ່ເຕັມໄປດ້ວຍສັດຕູຫຼາກຫຼາຍ ພ້ອມກັບມີເຄວສໃຫ້ເຮັດເປັນໄລຍະໆ ໂດຍແຕ່ລະດັນຈ້ຽນກະຈະມີປິດສະໜາໃຫ້ຄຶດແກ້ໄປນຳ ເຊິ່ງຣ໋ອກແມນສາມາດຍົກວັດຖຸຫຼືໃຊ້ບັສເຕີ້ໃນການໄຂປິດສະໜາໄດ້. 

Fact ເລັກນ້ອຍກ່ຽວກັບເກມ Rockman Dash 2

  • ໃນເວີຊັ່ນພາສາອັງກິດ (Mega Man Legends 2) ຫາກໃຜທີ່ຊື້ໄອເທັມ Stuffed Doll, Cushion ແລະ Model Ship ແລ້ວນຳໄປໃຫ້ໂຣລ ນາງຈະຕອບແທນດ້ວຍການຫຼຸດຄ່າອັບເກຣດອາວຸດທຸກຢ່າງລົງ 10% ຢ່າງຖາວອນທັນທີ. 

  • ຫາກເຮັດການບໍລິຈາກເງິນໃນໂບດຄົບ 1 ລ້ານ Zenny ໂຕຣ໋ອກແມນຈະປ່ຽນເປັນສີຂາວ ແລະສິນຄ້າຕ່າງໆ ໃນຮ້ານທົ່ວໄປຈະຫຼຸດລາຄາລົງ 20% ທັງໝົດ. 

  • ຖ້າຫາກຍ່າງໄປທີ່ເກາະ Calbania ແລ້ວລອງເຕະໝູລົວໆເບິ່ງ ຈະພົບວ່າໂຕຣ໋ອກແມນຈະປ່ຽນເປັນສີເຂັ້ມຂຶ້ນ (ຄ້າຍໆກັບວ່າຍິ່ງເຮັດຊົ່ວໂຕຍິ່ງດຳຂຶ້ນ 55+)

  • ເວລາເຮົາຍິງບັສເຕີ້ອອກໄປດ້ານໜ້າ ໃຫ້ລອງກົດປຸ່ມ “ເທິງ” ຂອງ D-Pad ລົວໆເບິ່ງ ຈະພົບວ່າລູກປືນຂອງເຮົາຈະແລ່ນໄວແລະລົວຂຶ້ນໂດຍທີ່ເຮົາບໍ່ຕ້ອງອັບເກຣດຄວາມລົວຂອງບັສເຕີ້ເລີຍ (ແຕ່ຖ້າຢ້ານເມື່ອຍນິ້ວກໍຄົງຕ້ອງໄປອັບເກຣດມາຈະດີກວ່າ)

ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ:online station

ບົດຄວາມຫຼ້າສຸດ

ແຈ້ງການເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ 11 ໃຕ້ ຂອງລົດບັນທຸກຫນັກ

ພະແນກ ໂຍທາທິການ ແລະ ຂົນສົ່ງອອກແຈ້ງການເລື່ອງ: ເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ...

ກັກຕົວແກ້ງມົ້ວສຸມນໍ້າກະທ້ອມ ເຂດບ້ານໂພນພິມ ເມືອງທ່າແຂກ ແຂວງຄຳມ່ວນ

ເຈົ້າໜ້າທີ່ ປກສ ແຂວງຄຳມ່ວນໃຫ້ຮູ້ວ່າ: ເວລາປະມານ 22:00 ໂມງ ຂອງວັນທີ 16 ກັນຍາທີ່ຜ່ານມາ, ໄດ້ພົບເຫັນເປົ້າໝາຍ ຈຳນວນ 7 ຄົນ ກຳລັງຄ້າ-ຂາຍ...

ນໍ້າປະປາ ນວ ແຈ້ງ ໄລຍະນີ້ການຜະລິດນຳ້ປະປາບໍ່ສະດວກ ສົ່ງຜົນນໍ້າໄຫຼຄ່ອຍ-ບໍ່ມີນໍ້າ

ອີງຕາມແຈ້ງການຂອງລັດວິສະຫະກິດນໍ້າປະປານະຄອນຫຼວງ ລົງເມື່ອວັນທີ 18 ກັນຍາ 2024 ກ່ຽວກັບການຜະລິດນໍ້າປະປາບໍ່ສະດວກ ແລະ ຈະສົ່ງຜົນກະທົບຕໍ່ປະຊາຊົນຜູ້ຊົມໃຊ້ນໍ້າປະປາ (ລາຍລະອຽດແຈ້ງການລຸ່ມນີ້)  

ແຈ້ງເຕືອນພາຍຸໜຸນເຂດຮ້ອນ ຊູລີກ ຈະຜ່ານສະຫວັນນະເຂດ ຄຳມ່ວນ ບໍລິຄຳໄຊ ວັນທີ 21 ກັນຍາ 2024

ອີງຕາມແຈ້ງການຂອງກົມອຸຕຸນິຍົມ ແລະ ອຸທົກກະສາດລົງເມື່ອວັນທີ 19 ກັນຍາ 2024 ກ່ຽວກັບແຈ້ງເຕືອນໄພ ພາຍຸໜຸນເຂດຮ້ອນ ຊູລີກ (Soulik) ໃນລະຫວ່າງ ວັນທີ 19 –...