ສຳນັກຂ່າວຕ່າງປະເທດ ລາຍງານໃນວັນທີ 3 ສິງຫານີ້ວ່າ ສູນເຄືອຂ່າຍຂໍ້ມູນຂ່າວສານອິນເຕີເນັດຈີນ (China Internet Network Information Center : CNNIC) ໄດ້ເປີດເຜີຍວ່າ ຈຳນວນຜູ້ໃຊ້ອິນເຕີເນັດຢູ່ຈີນ ໄດ້ເພີ່ມຂຶ້ນເປັນ 710 ລ້ານຄົນ ໂດຍເພີ່ມຂຶ້ນ 3.1% ໃນໄລຍະ 6 ເດືອນຜ່ານມາ ຊຶ່ງນັ້ນໝາຍເຖິງປັດຈຸບັນ ປະຊາກອນຈີນຫລາຍກວ່າເຄິ່ງໜຶ່ງ ແມ່ນໄດ້ນຳໃຊ້ອິນເຕີເນັດແລ້ວ ແລະ ຕົວເລກດັ່ງກ່າວນີ້ ແມ່ນສູງກວ່າຈຳນວນຜູ້ໃຊ້ອິນເຕີເນັດ ໃນສະຫະລັດອາເມຣິກາເທົ່າຕົວ.
ທັງນີ້ ລັດຖະບານຈີນ ໄດ້ມີຍຸດທະສາດໃນການກະຕຸ້ນເສດຖະກິດ ດ້ວຍການຄ້າຂາຍທາງອີເລັກໂຕນິກ ຫລື ການຄ້າອອນລາຍ ໂດຍຖືເປັນຊ່ອງທາງສຳຄັນ ໃນຄວາມພະຍາຍາມພັດທະນາເສດຖະກິດ-ສັງຄົມຂອງຈີນ ຕາມທິດທັນສະໄໝ.
ຕິດຕາມນານາສາລະ ກົດໄລຄ໌ເລີຍ!