ເວັບໄຊ໌ ຊີຊີທີວີ ຂອງທາງການຈີນນຳສະເໜີເລື່ອງລາວຂອງ ເດັກຊາຍ ບາເຢຊິດ ໂຮສຊາຍນ໌ ເດັກນ້ອຍຊາວບັງກາລາເທດທີ່ມີໃບໜ້າ ແລະ ຜິວພັນແຫ່ວຕັ້ງແຕ່ອາຍຸ 4 ປີເທົ່ານັ້ນ ເນື່ອງຈາກການຜິດປົກກະຕິທາງພັນທຸກຳຫາຍາກທີ່ມີຊື່ວ່າ Progeria ແລະ Cutis Laxa

ເດັກຊາຍ ບາເຢຊິດຕ້ອງໃຊ້ຊີວິດບໍ່ຄືກັບເດັກນ້ອຍໄວດຽວກັນ ແລະ ຍັງໄດ້ພົບກັບພາວະແຊກຊ້ອນເຊັ່ນ: ປັດສະວະຍາກ, ແຂ້ວບາງ ແລະ ຫັກງ່າຍ ແຖມຍັງມັກປວດກະດູກຄໍ່ຕໍ່

ນາງ ທຣິບຕີ ຄາຕຸນ ແມ່ຂອງລາວເລົ່າວ່າ ຮູ້ສຶກຢ້າທີ່ເຫັນສະພາບລູກຊາຍຕອນເກີດມາທຳອິດ ເພາະມີແຕ່ໜັງຫຸ້ມກະດູກເໝືອນສັດປະຫຼາດ ຫົວໃຈຂອງນາງແທບໃຈສະຫຼາຍ ແລະ ແພດກໍ່ບໍ່ມີຫົນທາງຮັກສາ ເພາະບໍ່ເຄີຍພົບເດັກເກີດໃໝ່ແບບນີ້ມາກ່ອນ ແຕ່ລູກຊາຍຂອງນາງ ທ້າວ ບາເຢຊິດ ເປັນຄົນສະຫຼາດ ລົມເກັ່ງທັງວັນ ແຖມຍັງເປັນຄົນຫົວແຂງ ແລະ ໃຈຮ້ອນອີກດ້ວຍ

ຄອບຄົວໄດ້ໝົດຄ່າໃຊ້ຈ່າຍໄປກວ່າ 5,200 ໂດລາ ເພື່ອຫາຫົນທາງຮັກສາ ບາເຢຊິດ ແຕ່ສະພາບຍັງເໝືອນເດີມ ແລະ ມີອາການທົດຖອຍລົງເລື່ອຍໆ ໂດຍແພດຜູ່ຊ່ຽວຊານໄດ້ບອກວ່າຍັງບໍ່ສາມາດຮັກສາອາການຂອງເດັກນ້ອຍຄົນນີ້ໄດ້

ທີ່ມາຈາກ: http://bk.upyim.com/12730/