spot_img
Homeປະຊາສຳພັນອຸຕຸນິຍົມຯເຕືອນ! ອາດມີພາຍຸໝູນເຂດຮ້ອນ ເຄື່ອນເຂົ້າພາກເໜືອລາວ 27-29 ກໍລະກົດນີ້!

ອຸຕຸນິຍົມຯເຕືອນ! ອາດມີພາຍຸໝູນເຂດຮ້ອນ ເຄື່ອນເຂົ້າພາກເໜືອລາວ 27-29 ກໍລະກົດນີ້!

Published on

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ລະຫວ່າງວັນທີ 27-29 ກໍລະກົດນີ້, ຄວາມກົດດັນອາກາດຕ່ຳ ຢູ່ເຂດທະເລຈີນໃຕ້ ຈະເພີ່ມກຳລັງແຮງຂຶ້ນ ແລະ ອາດກໍຕົວເປັນພະຍຸໝູນເຂດຮ້ອນ ເຄື່ອນທີ່ຜ່ານເຂດເກາະໄຮໜຳ ແລະ ເຄື່ອນເຂົ້າຝັ່ງພາກເໜືອຂອງ ສສ ຫວຽດນາມ ແລະ ອາດຜ່ານພາກເໜືອຂອງ ສປປ ລາວ, ເຊິ່ງຈະເຮັດໃຫ້ມີຝົນຕົກໜັກ ພ້ອມມີລົດພັດແຮງ ຢູ່ບັນດາແຂວງພາກເໜືອ ລົງຫາພາກກາງ. ໄລຍະວັນທີ 30-31 ກໍລະກົດ, ສະພາບຝົນຈະຫລຸດລົງ. ພ້ອມນີ້ ອາດເຮັດໃຫ້ມີສະພາບດິນເຈື່ອນ, ນ້ຳຖ້ວມຊູ່, ນ້ຳຖ້ວມ ແລະ ນ້ຳປ່າໄຫລຊຸແຮງ. ດັ່ງນັ້ນ ຈຶ່ງເຕືອນປະຊາຊົນ ທີ່ອາໃສຢູ່ເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບພະຍຸ ແລະ ຝົນຕົກໜັກດັ່ງກ່າວ, ເຊິ່ງອາດສົ່ງຜົນໃຫ້ເກີດອັນຕະລາຍ ກັບຊັບສິນຂອງມີຄ່າ, ຊີວິດຄົນ ແລະ ສັດໄດ້.

ພາກເໜືອດ້ານຕາເວັນອອກ: ຈະມີຝົນຕົກຟ້າຮ້ອງຟ້າເຫລື້ມ ໃນລະດັບປານກາງຫາໜັກ ພ້ອມມີລົມພັດແຮງ, ຈາກນັ້ນ ສະພາບຝົນຈະຫລຸດລົງ. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 29-31 ອົງສາ. ພາກເໜືອດ້ານຕາເວັນຕົກ: ຈະມີຝົນຕົກເພີ່ມຂຶ້ນຕື່ມອີກໃນໄລຍະ 28-30 ກໍລະກົດ, ຊຶ່ງຈະຕົກໃນລະດັບຄ່ອຍຫາປານກາງ ເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 33-35 ອົງສາ.

ນະຄອນຫລວງວຽງຈັນ: ຈະມີຝົນຕົກໃນລະດັບຄ່ອຍຫາປານກາງເປັນບໍລິເວນກ້ວາງ ແລະ ຕົກໜັກຢູ່ບາງບໍລິເວນ, ສ່ວນລະຫວ່າງວັນທີ 30-31 ກໍລະກົດ, ສະພາບຝົນຈະຫລຸດລົງເລັກນ້ອຍ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 33-35 ອົງສາ. ພາກກາງ: ຈະມີຝົນຕົກໃນລະດັບປານກາງຫາໜັກ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 33-35 ອົງສາ ແລະ ພາກໃຕ້: ຈະມີຝົນຕົກຫລາຍຂຶ້ນ, ຊຶ່ງຈະຕົກໃນລະດັບຄ່ອຍຫາປານກາງຢູ່ຫລາຍທ້ອງຖິ່ນ. ຈາກນັ້ນ ທ້າຍອາທິດ ສະພາບຝົນຈະຫລຸດລົງ. ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 34-36 ອົງສາ.

 

ແຫລ່ງຂ່າວ:

ລພນ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...