spot_img
Homeຂ່າວການພັດທະນາລາວກຽມສົ່ງແຮງງານໄປເຮັດວຽກຢູ່ເກົາຫຼີ

ລາວກຽມສົ່ງແຮງງານໄປເຮັດວຽກຢູ່ເກົາຫຼີ

Published on

ໂອກາດທີ່ທ່ານ ບຸນຄົງ ຫຼ້າສຸກັນ ຮອງລັດຖະມົນຕີ, ຜູ້ຊີ້ນຳວຽກງານແຮງງານ, ກະຊວງແຮງງານແລະສະຫວັດ ດີການສັງຄົມ (ຮສສ), ພ້ອມດ້ວຍຄະນະເດີນທາງໄປທັດສະນະສຶກສາຖອດຖອນບົດຮຽນກ່ຽວກັບລະບົບການອະນຸ ຍາດການຈ້າງງານ ຫຼື EPS ຢູ່ ສ.ເກົາຫຼີ ໃນລະຫວ່າງວັນທີ 19-22 ກໍລະກົດຜ່ານມານີ້, ທີ່ເມືອງເຊອຸນ ສ. ເກົາຫຼີ ໂດຍການຕ້ອນຮັບຂອງທ່ານ park Young-bum ປະທານອົງການຊັບພະຍາກອນມະນຸດ ສ. ເກົາຫຼີ (HRD), ພ້ອມຄະນະ.

ທ່ານ ບຸນຄົງ ຫຼ້າສຸກັນ ກ່າວວ່າ: ການໄປທັດສະນະຂອງຝ່າຍລາວໃນ ເທື່ອນີ້ມີຄວາມໝາຍສຳຄັນຫຼາຍ ທັງ ເປັນຄັ້ງປະຫວັດສາດລະຫວ່າງສອງລັດຖະບານໃນການຮ່ວມມືກ່ຽວກັບການສົ່ງແຮງງານລາວໄປເຮັດວຽກຢູ່ ສ. ເກົາຫຼີ, ນອກຈາກນີ້ ສປປ ລາວ ຍັງເປັນປະເທດທີ 16 ທີ່ທາງລັດຖະບານ ສ. ເກົາຫຼີ ຈະລົງນາມບົດບັນທຶກຄວາມ ເຂົ້າໃຈວ່າດ້ວຍການສົ່ງແຮງງານລາວ ໄປເຮັດວຽກຢູ່ ສ. ເກົາຫຼີ ຮ່ວມກັນ ໂດຍສະເພາະແມ່ນການປັບປຸງເນື້ອໃນ MOU ລາວ-ສ. ເກົາຫຼີ ໃຫ້ສຳເລັດ ໂດຍອີງ ໃສ່ກົດໝາຍ ແລະລະບຽບການຂອງ ສອງປະເທດເຮັດໃຫ້ສຳເລັດ ແລະໃຫ້ສາມາດລົງນາມໄດ້ໃນເດືອນກັນຍານີ້, ຊຶ່ງໃນການໄປເທື່ອນີ້ ທາງຝ່າຍລາວ ກໍໄດ້ລາຍງານເຖິງຄວາມຮັບຜິດຊອບ ເພື່ອກະກຽມໃນການຈັດສົ່ງແຮງງານລາວ ໄປເຮັດວຽກຢູ່ ສ.ເກົາຫຼີ ເປັນຕົ້ນແມ່ນການຄັດເລືອກເອົາແຮງງານຢູ່ຕົ້ນທາງ ຝ່າຍລາວ ຈະຕ້ອງໄດ້ເອົາໃຈໃສ່ເປັນພິ ເສດ, ຫຼັກສູດການຝຶກອົບຮົມໃຫ້ແຮງງານລາວ ທີ່ຕ້ອງການໄປເຮັດວຽກຢູ່ເກົາຫຼີ, ຕິດຕາມຄຸ້ມຄອງແຮງງານລາວທີ່ມາ ເຮັດວຽກຢູ່ເກົາຫຼີ ແລະການສົ່ງແຮງງານລາວກັບຄືນປະເທດເມື່ອໝົດສັນຍາ.

ໃນໂອກາດດັ່ງກ່າວນີ້ ທາງຝ່າຍ ສ. ເກົາຫຼີ ກໍໄດ້ລາຍງານກ່ຽວກັບມາດຕະການ ເພື່ອປ້ອງກັນແຮງງານໂຕນໜີ, ພ້ອມກັນນັ້ນ ກໍຍັງເນັ້ນໃຫ້ຝ່າຍລາວ ກ່ຽວກັບການຝຶກອົບຮົມກ່ອນການຈັດສົ່ງ ຕ້ອງໃຫ້ຂໍ້ມູນແກ່ຜູ້ອອກແຮງງານລະອຽດໃຫ້ຮັບຮູ້ ແລະເຂົ້າໃຈກ່ອນຕັດສິນໃຈໄປເຮັດວຽກ, ຝ່າຍລາວຕ້ອງມີມາດຕະການຕໍ່ຜູ້ອອກແຮງງານ ເພື່ອປ້ອງກັນແຮງງານໂຕນໜີ, ຖ້າແຮງງານໂຕນໜີຈະເຮັດໃຫ້ມີຜົນຕໍ່ຈຳນວນໂກຕ້າຫຼຸດລົງຖ້າຮ້າຍແຮງອາດຖືກຍົກເລີກສັນຍາ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...