spot_img
Homeຂ່າວການສຶກສາລາວຈະປັບປຸງນະໂຍບາຍ ຮັບປະກັນໃຫ້ທຸກຄົນ ເຂົ້າເຖິງການສຶກສາ ຢ່າງມີຄຸນນະພາບ!

ລາວຈະປັບປຸງນະໂຍບາຍ ຮັບປະກັນໃຫ້ທຸກຄົນ ເຂົ້າເຖິງການສຶກສາ ຢ່າງມີຄຸນນະພາບ!

Published on

ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII (2016-2020) ໄດ້ຊີ້ໃຫ້ເຫັນວ່າ: ສປປ ລາວ ຈະມີການປັບປຸງຫລາຍນະໂຍບາຍ ແລະ ນິຕິກຳຕ່າງໆ ເພື່ອຮັບປະກັນໃຫ້ທຸກຄົນ ເຂົ້າເຖິງການສຶກສາ ໄດ້ຢ່າງທົ່ວເຖິງ ແລະ ມີຄຸນນະພາບ ທັງໃຫ້ບັນລຸຄາດໝາຍວາງໄວ້ ຄືໃຫ້ເດັກໃນເກນອາຍຸ 3-5 ປີ ໄດ້ເຂົ້າຮຽນຫລາຍກວ່າ 55%, ອັດຕາເຂົ້າຮຽນລວມຂອງເດັກອາຍຸ 5 ປີ ໃຫ້ໄດ້ 70%, ອັດຕາເຂົ້າຮຽນສຸດທິຊັ້ນປະຖົມ ໃຫ້ໄດ້ 99%, ອັດຕາຫລອດເຫລືອຂອງນັກຮຽນຊັ້ນປະຖົມໃຫ້ໄດ້ 90%, ອັດຕາເຂົ້າຮຽນຊັ້ນມັດທະຍົມຕອນຕົ້ນ ໃຫ້ໄດ້ 85% ແລະ ມັດທະຍົມຕອນປາຍໃຫ້ໄດ້ 75%, ຊຸກຍູ້ນັກຮຽນທີ່ຈົບ ມ.ຕົ້ນ ເຂົ້າຮຽນໃນສາຍວິຊາຊີບ ໃຫ້ກວມປະມານ 30% ຂອງນັກຮຽນທີ່ຈົບທັງໝົດ ແລະ ໄດ້ຮຽນຕໍ່ມັດທະຍົມປາຍ 60%, ສູ້ຊົນເຮັດໃຫ້ອັດຕາການຮູ້ໜັງສື ຂອງປະຊາຊົນໃນກຸ່ມອາຍຸ 15-24 ປີໃຫ້ໄດ້ 99% ແລະ ໃນກຸ່ມອາຍຸ 15 ປີຂຶ້ນໄປໃຫ້ໄດ້ 95%, ພ້ອມສົ່ງເສີມໃຫ້ທຸກຄົນໃນສັງຄົມ ໄດ້ອອກກຳລັງກາຍ-ຫລິ້ນກິລາກາຍະກຳ ໃຫ້ໄດ້ 30% ຂອງປະຊາກອນທັງໝົດ.

ທັງນີ້ ກໍເພື່ອພັດທະນາຊັບພະຍາກອນມະນຸດ ໃຫ້ມີຄວາມຮູ້ຄວາມສາມາດ ຕອບສະໜອງໃຫ້ແກ່ ການພັດທະນາເສດຖະກິດ-ສັງຄົມ, ເວົ້າສະເພາະກໍແມ່ນ ການວາງພື້ນຖານໃນການສ້າງກຳລັງແຮງງານ ໃຫ້ມີສີມື, ມີຄຸນນະພາບສູງ ສາມາດແຂ່ງຂັນ ແລະ ເຊື່ອມໂຍງກັບພາກພື້ນ ແລະ ສາກົນ. ແຕ່ເພື່ອຮັບປະກັນໃຫ້ບັນລຸຄາດໝາຍດັ່ງກ່າວ, ລັດຖະບານຈະສືບຕໍ່ຈັດຕັ້ງຜັນຂະຫຍາຍ ຍຸດທະສາດການປະຕິຮູບການສຶກສາ ໃຫ້ປາກົດຜົນເປັນຈິງ, ປະຕິບັດນະໂຍບາຍ ໃນການຍົກລະດັບຄູສອນ, ພ້ອມທັງສະໜອງພະນັກງານຄູ ໃຫ້ສົມດູນພຽງພໍ, ສ້າງໂຮງຮຽນຕົ້ນແບບ, ສົ່ງເສີມການອ່ານ ແລະ ສະໜອງອຸປະກອນການຮຽນ-ການສອນ ໃຫ້ພຽງພໍ, ປັບປຸງນະໂຍບາຍເລື່ອນຊັ້ນ ແລະ ນະໂຍບາຍອື່ນໆ ຕໍ່ຜູ້ທີ່ປະຕິບັດໜ້າທີ່ ຢູ່ເຂດຫ່າງໄກສອກຫລີກ ໃຫ້ມີຄວາມເໝາະສົມ ແລະ ສົ່ງເສີມໃຫ້ພາກເອກະຊົນ ເຂົ້າມາມີສ່ວນຮ່ວມ ໃນການພັດທະນາພື້ນຖານໂຄງລ່າງ ການສຶກສາ ແລະ ກິລາໃຫ້ຫລາຍຂຶ້ນ ໂດຍສະເພາະຂະຫຍາຍໂຮງຮຽນອະນຸບານ, ປະຖົມ, ມັດທະຍົມ, ວິທະຍາໄລ, ໂຮງຮຽນວິຊາຊີບ ຢູ່ທ້ອງຖິ່ນຕ່າງໆໃຫ້ຫລາຍຂຶ້ນ, ປັບປຸງຄຸນນະພາບການຮຽນການສອນ, ເອົາໃຈໃສ່ຄຸນນະພາບຂອງຄູ, ອຸປະກອນ-ຫລັກສູດ, ຫ້ອງທົດລອງຕ່າງໆ ເພື່ອຫລຸດຜ່ອນການສອນທິດສະດີ ແລ້ວຫັນມາເຮັດທົດລອງ ດ້ານວິທະຍາສາດຕ່າງໆ ເຂົ້າສູ່ການປະຕິບັດຕົວຈິງຫລາຍຂຶ້ນ ເພື່ອສ້າງທ່າແຮງ ໃນການພັດທະນາເສດຖະກິດ-ສັງຄົມຂອງຊາດ ໃນຕໍ່ໜ້າ.

 

ແຫລ່ງຂ່າວ:

ລພນ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...