spot_img
Homeຂ່າວພາຍ​ໃນລາວ-ມາເລເຊຍ ຈັດກິດຈະກຳກວດສຸຂະພາບ ໃຫ້ປະຊາຊົນ ໂດຍບໍ່ເສຍຄ່າ

ລາວ-ມາເລເຊຍ ຈັດກິດຈະກຳກວດສຸຂະພາບ ໃຫ້ປະຊາຊົນ ໂດຍບໍ່ເສຍຄ່າ

Published on

ໃນໂອກາດລະນຶກວັນສ້າງຕັ້ງ ສາຍພົວພັນການທູດ ລະຫວ່າງ ສປປ ລາວ ແລະ ມາເລເຊຍ ຄົບຮອບ 50 ປີ, ເມື່ອທ້າຍອາທິດຜ່ານມານີ້, ກະຊວງສາທາລະນະສຸກ ໄດ້ຮ່ວມກັບສະຖານທູດມາເລເຊຍ ປະຈຳລາວ ແລະ ພາກສ່ວນກ່ຽວຂ້ອງອື່ນໆ ຈັດກິດຈະກຳກວດເຊັກສຸຂະພາບ ໃຫ້ປະຊາຊົນບ້ານໂພນສະຫວັນໃຕ້, ເມືອງສີໂຄດຕະບອງ ນະຄອນຫລວງວຽງຈັນ, ໂດຍບໍ່ເສຍຄ່າໃດໆ ໂດຍການເຂົ້າຮ່ວມເປີດພິທີຂອງ ທ່ານຮອງລັດຖະມົນຕີກະຊວງສາທາລະນະສຸກ ແລະ ທ່ານເອກອັກຄະລັດຖະທູດດັ່ງກ່າວ ເຂົ້າຮ່ວມນຳດ້ວຍ.

ການບໍລິການກວດເຊັກສຸຂະພາບ ໂດຍບໍ່ເສຍຄ່າຄັ້ງນີ້, ໂດຍໄດ້ເຊີນເອົານັກສຶກສາ ຈາກມະຫາວິທະຍາໄລ ວິທະຍາສາດສຸຂະພາບຂອງລາວ ມາໃຫ້ຄຳປຶກສາ ແລະ ກວດເຊັກສຸຂະພາບດັ່ງກ່າວ ແລະ ກໍຖືໂອກາດນີ້ ໃຫ້ນັກສຶກສາທັງສອງມະຫາວິທະຍາໄລ ໄດ້ແລກປ່ຽນບົດຮຽນ ແລະ ປະສົບການຕ່າງໆ ໃນວຽກງານການແພດ ເພື່ອຍົກສູງຄວາມຮູ້, ຄວາມສາມາດໃນວຽກງານວິຊາສະເພາະຂອງຕົນ. ນອກຈາກກິດຈະກຳດັ່ງກ່າວແລ້ວ ນັກສຶກສາຈາກປະເທດມາເລເຊຍ ຍັງໄດ້ມອບເຄື່ອງນຸ່ງຫົ່ມຈຳນວນໜຶ່ງ ທີ່ໄດ້ຈາກການສະໜັບສະໜູນຂອງປະເທດ ມາມອບໃຫ້ປະຊາຊົນຜູ້ທຸກຍາກ ແລະ ຂາດເຂີນ ຢູ່ໃນເຂດຊົນນະບົດຫ່າງໄກສອກຫລີກຂອງລາວອີກດ້ວຍ.

ໃນໂອກາດນີ້ ທ່ານຮອງລັດຖະມົນຕີກະຊວງສາທາ ໄດ້ມີຄຳເຫັນໃນພິທີວ່າ: ໄລຍະຜ່ານມາ, ສປປ ລາວ ແລະ ມາເລເຊຍ ໄດ້ມີການພົວພັນຮ່ວມມື ຊ່ວຍເຫລືອຊຶ່ງກັນ ແລະ ກັນ ໃນຫລາຍຂົງເຂດຄື: ດ້ານການຄ້າ, ການລົງທຶນ, ການປ້ອງກັນຊາດ ແລະ ວັດທະນະທຳ-ສັງຄົມ, ໂດຍສະເພາະແມ່ນ ໃນຂອບການຮ່ວມມື ຂອງບັນດາປະເທດອາຊຽນ ແລະ ການຮ່ວມກັນເຮັດກິດຈະກຳຄັ້ງນີ້, ຊຶ່ງເປັນກິດຈະກຳໜຶ່ງ ທີ່ປະກອບສ່ວນເສີມຂະຫຍາຍການຮ່ວມມື ໃນຂົງເຂດວຽກງານສາທາລະນະສຸກລາວ-ມາເລເຊຍ ໃຫ້ກວ້າງຂວາງ ແລະ ກ້າວສູ່ລວງເລິກ.

 

ແຫລ່ງຂ່າວ:

ລພນ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...